𝑫 𝑬 𝑺 𝑶 𝑳 𝑨 𝑻 𝑬 𝑺-2 ||𝒀𝑴|| ✔

*8*

(Unicode)

အချိန်အားဖြင့်ညနေ၅နာရီ၊ ရုံးဆင်းချိန်မို့လူသွားလူလာမှာခါတိုင်းအချိန်တွေထက်ပိုများသည်။ ဘတ်စ်ကားမှတ်တိုင်တစ်လျှောက်၊ရထားဘူတာတစ်လျှောက် ရုံးဆင်းလာသည့်ဝန်ထမ်းအသီးသီးရယ်။

ဂျီမင်း မြို့ထဲမီးပွိုင့်တွင်မီးစိမ်းလာသည်အထိစောင့်နေမိသည်။ ကားလမ်းဖြတ်ကူးသူကကူးနှင့်မလို့ ဆိုးလ်မြို့ရဲ့ညနေခင်းအချိန်ကပြည့်စုံနေလေသည်။

မီးပွိုင့်မီးစိမ်းသည်နှင့်ဂျီမင်းကားကိုမောင်းထွက်လာကာ ပန်းဆိုင်တစ်ဆိုင်ရှေ့အရောက် ကားကိုပါကင်ထိုးလိုက်ကာ ကားထဲမှဆင်းလာ၍ပန်းဆိုင်ရှေ့ဝင်သွားသည်။

"Hyungကြိုက်တဲ့ လီလီပန်းလေးကဘယ်မှာလဲမသိဘူး"

ဂျီမင်းအမျိုးအစားစုံလင်လှသောပန်းများကြားထဲတွင် hyungကြိုက်နှစ်သက်လှသည်ဟုဆိုသော လီလီပန်းလေးကိုရှာဖွေနေမိသည်။ အကြောင်းမှာ လီလီပန်းလေးကို hyungမနမ်းရှိုက်ခွင့်ရတာ အချိန်အတော်ကြာပြီဆိုသည်ဟု ဟိုနေ့ညကပြောသောကြောင့်ပင်။

ဟောတွေ့ပါပြီ... hyungချစ်တဲ့ လီလီပန်းလေး။

"ညီမေရ အကို့ကို ဒီလီလီပန်းလေးကိုလှလှလေးစည်းပေးပါနော်"

သိပ်ကိုလှပသောလီလီပန်းလေးအားယူကာ ဆိုင်ထဲမှထွက်လာခဲ့သည်။ ကားထဲသို့အရောက် ထိုလီလီပန်းစည်းလေးအားကြည့်ပြီးတစ်ချက်ပြုံးကာ

"Hyungသဘောကျမယ်ဆိုတာကျနော်ယုံကြည်တယ်"

ပန်းစည်းလေးအားတစ်ချက်နမ်းလိုက်ကာ ဘေးထိုင်ခုံတွင်ထားပြီး ခါးပတ္ပတ္ကာ မင်အိမ်တော်သို့တည့်တည့်မတ်မတ်သူပြန်လာခဲ့တော့သည်။

________________________

အခန်းထဲတွင် ဝှီးချဲပေါ်မှာထိုင်ပြီးစားပွဲပေါ်ရှိ ဂျီမင်း၏ဘွဲ့ဓာတ်ပုံမှန်ဘောင်လေးအားကိုင်ကာ သူကြည့်ပြီးပြုံးနေမိသည်။

တကယ်ဆိုဒီဓာတ်ပုံဟာမပြည့်စုံခဲ့ဘူး။ ဘွဲ့ဝတ်စုံနဲ့ခန့်ညားစွာရှိနေမယ့်ဘေဘီ့ရဲ့ဘေး သူရှိနေခဲ့သင့်သည်။ ဓာတ်ပုံထဲမှာတွေ့နေရတဲ့ မပြုံးမရယ်မျက်နှာထားနဲ့ဘေဘီ့ပုံကိုတွေ့လိုက်ကတည်းက သူသဘောပေါက်ခဲ့သည်။