سألته ـ هاي البنية الايرا..
قبل ما اكمل كلامي جاوبني ـ اي، انطيت ابو رياحين فلوس و گتله شوفلها ممرضة و اليوم على اساس اكملهن
هسة يگلي مالي دخل و ما اتحمل مسؤوليتها
رد عليه سيد علي ـ طاح حظك على هالصحبة الغبرة
زهرة گالت ـ خطية خل نفوتها للغرفة و اتفاهمو على كيفكم
التفتلها حسين و حاچاها بالايراني انوب گللنا ـ دخلنها لغرفتنا و اني راح اخابر على ورشة عمها
دخلتها زهرة لغرفتنا و اني وگفت بباب غرفتنا و سألته ـ اذا عمها موجود ليش ما يهتم بيها
جاوبني ـ و الله يحبيبتي عائلتها كلهم غبران ، و ماكو واحد لاگانا شكله مال اوادم
رد عليه الي جاي يتصل بي ، فبطل حچي وياي و فات لغرفة سيد علي يسولف
زهرة باوعتلي و گلتلي ـ خاف جوعانة عندچ بموبايلچ ترجمة گوگل شو شنو حتى نسألها؟
طلعت ترجمة گوگل و كتبلها ـ جوعانة؟
قرأت السؤال و ردت بالنفي بس زهرة گلبها ما انطاها و راحت جابتلها مي انوب چاي
دگ حسين الباب و گلي ـ راح آخذها لورشة ابن عمها
سألته ـ يعني رضو يعتنون بيها؟
رد ـ صيح علية و گلي ما مسؤول عنها بس غصباً عليه آخذها يمه چا منو يباوعلها؟
گتله ـ اروح وياك
راد يحچي مَخليته ـ حسين رجلي على رجلك ما تدري شصار بحالي و آني متانيتك
وافق و رحنا آني وياه للورشة وية صاحبه الثاني و زهرة و سيد علي راحو للزيارة
بالطريق صاحبه اتصل بمحامي و سولفله الوضع فگله يحاولون يسولفون وية عمها بالحسنى اذا ما قبل يتصل هو بالشرطة
رد حسين عليه ـ ما ادري ابو رياحيين يگول عمها حتى ما قبل يشوفها
سأله صاحبه ـ ليش؟
رد حسين ـ و الله خوية ما ادري و هي بس احاجيها تبچي
وصلنا ورشة تصليح سيارات نزلو هم و ظلينا آني و البنية بالسيارة
حچو وية طفل و هو فات للورشة صاحلهم رياجيل اثنين
من شافتهم البنية نزت و صارت تحاول تنزل الجامة حتى تسمع
مديت ايدي و نزلتلها الجامة
چانو يحچون ايراني و اني مطفية كلشي مفهمت بس صار صوتهم يعلة و حسين راد يتعارك وية الشاب و الدكتور صار بينه و بيناتهم
فجأة صفت سيارة شرطة و صارو يحچون وياهم
اجة الدكتور للسيارة يركض طلع الجناسي سألته ـ هاي شصار؟
أنت تقرأ
في دواخلنا
Художественная прозаفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
