التفتت اباوع حوالية ما لگيت ايلاف ياربي هاي شنو من صديقة
سمعت اخوها يسأل ـ ليش تردين ترفضيني؟
بلعت ريگي و دنگت
رجع يسألني - سامعة عني شي مو زين؟ لو لأن ما آخذ دروس وياكم؟
هزيت راسي بلا
سأل ـ اي ليش؟ لان البنات امس مسمعاتچ حچي ترا...
قاطعته ـ لا مَيهمني حچيهن آني حلوة، الله خلقني حلوة و حتى سألت مرأت اخوية گلتلي انتِ حلوة
ابتسم من عفوية جوابي و خلة ايده على حلگه انوب عدل ملامحه و سأل ـ لعد ليش تردين ترفضيني؟
رديت بارتباك ـ ما اعرفك
اتعجب و گال ـ آني هَم ما اعرف عنچ هواية فـنحدد وقت و نگعد نتعرف و نشوف اذا انناسب بعض
سكت ثواني وانتچة بإيده على الحايط يلا كمل كلامه ـ النسوان السمعتينن حچن عن شكلچ يمكن كمظهر شفتيهن حلوات ؛ بس محد يعرف عن سواد و قباحة الدواخل
عني انتِ احلى بهواية منهن من الداخل و الخارج
ارتبكت فـلزمت عباتي من يم صدري و گوة نطقت ـ من رخصتك
عفت السيد و دخلت لاگيت ايلاف و مرأت اخوه و اخته "ام حسن" منتظراتني يم الدرج
خزرت ايلاف و رحت للبراني گعدت يم امي
بدن يوزعن للنسوان و "ام حسن" اخت سيد حسين خلت توزيعة بحضني و همستلي ـ يفدوة عروستنا اكلي، ثواب هذا بي عافية
نزيت و باوعت لأمي لگيتها تسولف وية ام تمارة و ملتهية ما سمعت لكلامها
بدأ الاستاذ "سيد حبيب" محاضرته فكلها سكتت حتى نسمع
حچة السيد عن طريقة تربية السيدة الزهراء عليها السلام لأبنائها و شلون تغرس العقيدة داخلهم
گدامهم تدعي للمسلمين من جيرانها و ما تدعو لاهل بيتها فيروي الإمام موسى بن جعفر عن آبائه (عليهم السلام) : كانت فاطمة (عليها السلام) إذا دعت تدعو للمؤمنين والمؤمنات ولا تدعو لنفسها، فقيل لها: يا بنت رسول الله إنك تدعين للناس ولا تدعين لنفسك، فقالت: الجار ثم الدار.
سكت السيد لحظات كلنا انتبهنا لسكوته المفاجئ
يلا گال ـ المرأة ذات العقيدة الصحيحة هي شوكة بحلق الجهل المرأة ذات العقيدة الصحيحة تعني زوج و أب و ابن و بنت و اخ و اخت و صديقات اصحاب عقيدة صحيحة لأن قدرة المرأة العالمة على التأثير كبيرة جداً
اتقوا الله بالقوارير و اعملوا على زيادة عقيدتهن و علمهن ، هن عبارة عن حسنات ينزلها الله على كتبكم
تفرحها تحصد حسنات ، تحزنها تخفف اعمالك الصالحة
الله يخاصمك تعرف شنو الله يخاصمك؟
الله تعالى سمى المرأة و الطفل بعياله هولاء رزقهم منه ، اي شيئ تضعه في يد كل من هؤلاء معناه انك اتقيت الله في عياله و اكيد يرجعلك رزقك اضعاف
أنت تقرأ
في دواخلنا (قيد التعديل)
General Fictionفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
