دخلت للمطبخ لگيت مرأت اخوية واگفة على الطباخ تطگ بيض و امي تصب چاي
بشير گاعد ياكل و لقمان گاعد على الكرسي يشرب چاي و يسولف وياه
خليت ايدي على دنگة المطبخ و رددت - صباح الخير
دفعتني اختي ايمان و فاتت للمطبخ مستعجلة تصيح - يمة سويلي لفة رمشلي ابو الخط
گام لقمان و اشرلي على كرسيه و گال - صباح الخير تعاي اگعدي هنا
رحت گعدت بمكانه خلة ايده على راسي و سألني- شسمه مقرركم؟
انطيته اسمه و گتله - اسحب ورقة عيادة من الكشك و هو يوقعها الك
خلة كوبة بالصينية و رد - إن شاء الله
بشير عاف الاكل و گام طلع من المطبخ ما لحگت احچي وياه و اعتذر منه ؛
خطية لسة محمل نفسه ذنب وگعتي
لقمان انطة البنات يومية و سأل امي - تردين مسواگ حجية؟
جاوبته امي - لا يمة مودع بالله , الله وياك
وصل لباب المطبخ و آني وگفته بطلبي - عادي اروح اشوف سيد حبيب؟
الكل سكت و ظل مركز علينا اني و لقمان
اتنهد لقمان و اتخصر يلا گال ـ خاف الرجال بالحوزة
رديت بسرعة - لا اليوم ماعنده دروس
نفخ و حاچة امي - روحي وياها يمة بس لا تطولون
هواية فرحت من گلي روحي بس نزلت عيني منه صارت بوجه مرأت اخوية دارت وجهها على الطباخ و هي ضايجة ، اريد احاچيها و اعتذر بس مستحية منها
شربت دواية بعد الاكل و رحت بدلت اخذت دفتر و قلم و رحت وية امي لبيت السادة
فتحلنا سيد حبيب الباب
امي خلت عباتها على وجهها و رددت - السلام عليكم سيد
درع السيد الباب حتى نفوت و رد - و عليكم السلام اهلاً و سهلاً تفضلو
دخلت فمن شافنيرفع حواجبه و سألني بخوف - شلون صحتچ بنيتي فاطم؟
ابتسمت و رديت - الحمد لله استاذ ، آسفة لان تخلفت عن الدروس
اجه ورانا للبراني و هو يگلي - الدروس سهلة و انتِ مجتهدة المهم عافيتچ
العلوية الچبيرة و ام حسين اتلگونا و سألوني عن صحتي
شفت الاستاذ صار يجمع كتبه من الگاع و يخليهن بمكتبته
گمت عن القنفة و رحت يمه گعدت گباله
باوعت لأدينا الي يرجفن و هو يشيل الكتب
فسألته - اساعدك استاذ؟
ابتسلمي و طبگ باب الميز و جاوب - لا يا بنتي هن كم كتاب
اخذ واحد و سألني بصوت ناصي ـ ليش جيتيني؟
أنت تقرأ
في دواخلنا (قيد التعديل)
General Fictionفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
