ابتسم الاستاذ و رد ـ سواء لگيتيه بالكتب او بالنت او حصلتيه من شخص انتِ ماغلطانة ، من عدكم واجب معناها تبحثون و تدورون الجواب
و الجواب من اجاچ بدون طلب معناها بالچ يمه اكثر من باقي الطلاب
ايلاف بهاللحظات صارت تباوعلي بتك عين
جدها سيد حبيب گعد على وحدة من المصطبات و تفرقنا عنه
رحنا على منطقة المنتزه لگينا لقمان و عائلته هناك و چان تفوت ايلاف بعبايتها و گعدت بالمرجوحة بين الجهال
اخوها حسين اخذلها صور و بعدين صار وراها يدفعها
اخواتها و بنات عمتها يضحكن عليها و ياشرن الها حتى تگوم
(ام حسن) اخت سيد حسين تأشرلها و بصوت ناصي تگلها ـ فضحتينا
شفت ورود مقطوفات و مشمورات بالگاع شلتهن و مسحت التراب عنهن
درت وجهي شفت بشير حركتله موبايلي حتى يجي يصورني تالي بعده ما فهم الموضوع يگلي ـ اُم الدين شلون تشلعين ورد العالم ؟
عدلت وگفتي و رديت عليه ـ مو آني مشلعتهن لگيتهن بالگاع ، صورني حباب
ابتسم و رفع موبايله
خليت الورد على عيوني سمعته يگول ـ عدلي جنطتچ
عدلتها اخذلي بشير تلث صور بعدين اجة و صور سلفي وياية
انطاني موبايله و وگف بمكان حلو حتى اصوره
شافته مينا بت لقمان فاجت تركض تريد تصور وياه و هو يدفعها عنه
بشير و مينا ليل و نهار معارك و على كلشي يتوازون
أخذ موبايله مني عناد بـمينا مَيريد ياخذ وياها صور و خلة الطفلة تبچي و ابوها يغلط عليه
فتحت موبايلي و شفت السلفي مالتنا اني و بشير
چان ورانا سيد حسين مخلي ايديه بجيوب بنطرونه و يباوع علينا
رفعت راسي و دورت بعيوني عليه لمن شفته واگف وية ايلاف يسولفون و ثنينهم يباوعون علية
اجتي ايلاف يمي و لزمت ايدي تگلي ـ ولچ اخطبيني لأخوچ حتى ياخذلي صور مثلچ فدوة و....
جريت عباتها و همستلها ـ يا ثوله نصي صوتچ لا يسمعچ سيد حسين
ردت ايلاف ـ اي دخطبوني؟
دفعتها حيل و گتلها ـ ولي عني ولچ
رجعت ايلاف لزمت ايدي تتوسل ـ فدوة اخطبوني
دفعتها و گتلها ـ جاي اگلچ ولي عني
دفعتي كلش قوية فعثرت البت و صارت بحضن سيد حسين
عدللها اخوها عباتها و گلي ـ على كيفچ وياها يمعودة
دنگت و فلتت يم بشير و خواتي
أنت تقرأ
في دواخلنا (قيد التعديل)
General Fictionفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
