ذب الموبايل على الچرباية و صار يبدل ملابسه
سألته ـ شنو شعندك مسافر؟
جاوب ـ راح ادفع فلوس ايجار شقة البنية لست اشهر و فاطم
التفت وگال ـ اريد اقدم دراسات و هَم اشتغل وية صاحبي يعني ما يضيع علية شي
رديت عليه ـ الفلوس حول منا على المصرف، و الدراسات كمل هنا
گال ـ جامعتي اهلية... ما اگدر اقدم هنا الا على الخاص و غالي مو مثل ايران، ترا اداوملي اسبوع و اگعد اقرا هنا بس بالإمتحانات اروح
ابتسمت و لميت ملابسه البدلهن و رديت عليه ـ آني على مودك بالعكس عندي دراسة و من تروح تخفف علية، ارتاحلي كم يوم
دخلت للحمام جبت سلة الملابس و هو اجة وراية يردد ـ تعاي شنو ترتاحين كم يوم؟
ضحكت و نزلت لجوة خليت ملابسه بالغسالة و شغلتها يلا رحت للمطبخ
لگيت حوراء مرأت سيد ياسين و مرأت سيد طالب جاي يسون ريوگ
گلت ـ صباح الخير
ردن علية فتحت الثلاجة و سألتهن ـ شنو اسوي؟
التفتت علية حوراء و بإيدها قوري الچاي گلتلي ـ انتِ بس خلصينا من رجلچ ... ما ياكل الا مخلمة و مو أي مخلمة الا بيضتين عيون ديري بالچ تخبطيهن و مَياكل الا بالطاوة
ابتسمت و رجعت فتحت الثلاجة طلعت البيض و مرأت سيد طالب گلتلي ـ لو عنده عطلة چان فات للمطبخ و گلبه على روسنا
غسلت الطماطات و گلتلها ـ ها زين اصيحه هو يسوي ريوگ؟
ردت علية حوراء ـ لا دخيلچ ولچ يگلبه گلاب مَيخلي شي عامر
ابتسمت و گتلها ـ لا بعد تزوج اذا اني ما موجودة لو تعبانة يتدخل لا تخافن
راحت حوراء و رجعت شافت مخلمة حسين السويتها و گالت ـ فاطمة سوي وياچ لهادي و علي، هسة تصير وزة و عركة على الأكل من الصبح
من كملنا شغل و رحنا للهول لاگتنا زهرة توها نزلت فحوراء گلتلها ـ هااا عيني صباح الخير مَتگعدين من الصبح تسوين ريوگ لرجلچ؟
ردت زهرة باستهزاء ـ خية مو متعودة ام زيد تجيب الأكل و تخليه گدامي ، اخذتني النومة
دخلنا للهول و زهرة رددت ـ بعد عيوني طوبى ما ادري تريگت لا
حسين گاعد يم جده و يباوع للأدوية مال السيد
خلة واحد منهن بجيبه و گله ـ من ارجع اجيبه وياية
سيد علي و سيد هادي رادو يمدون اديهم للطاوة بس نبهتهم حوراء و انطتهم مواعينهم
جر سيد علي ماعونه گدامه و طفة موبايله و گل لحسين ـ اجو العمال من الصبح، طلعت يمهم فتحتلهم الباب
انوب ضرب على ظهر هادي و گال ـ و هدهد يوگف عليهم خاف يحتاجون مَي، چاي
التفت لنا سيد علي و گال ـ بالعشرة حضرن ريوگهم
أنت تقرأ
في دواخلنا
Genel Kurguفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
