گام سيد ياسين و جر قميص حسين ما خلاه يطلع و سأله ـ منو المتشدد؟ شو انت مَتستحي ، احسب حساب لحچايتك
دفع حسين ايده و رد عليه ـ انت هَم احسب حساب لحچايتك ؛ هسة تگلي منو يجرعك و ذاك اليوم تگلي تمنيت ايدك تنگطع ولا ايد علي رضا
مثل ما حچايتي تأثر بيك حچايتك خنجر بصدري
ولك اني ابوي ميت و امي ما اعترف بيها، انت و ام حسن عيوني الثنين
منا كسرتي باختي و منا اخوية اليدورله حجة حتى يذبلي حچي
خلة سيد ياسين ايده على صدره و سأل حسين و هو مبتسم من الصدمة ـ آني هيچي ولك
دنگ حسين اخذ موبايله الوگع منه و حاچة جده ـ ابدو درسكم ، اني اخابر الرجال يجيب عمال وياه
طلع حسين و سيد ياسين گعد بالگاع و خله ايديه على راسه
سيد حبيب وجه كلامه للشباب ـ عوفو الدرس و اتحضرو تشيلون الاثاث عدنا وقت
سيد ياسين رفع راسه و حاچة جده و هو مخنوگ ـ بس هيچ جدي خلصت؟ من الموضوع حسين ماكو حچي ثاني
اتحسر الاستاذ و رد عليه ـ جدي انت اخيّه الچبير من تعامله بغلظة يضوج ، اي حسين يحب علي و يحب طالب و يحب هادي بس انت غير، انت اخيّه
من يشوفك تدافع عن اي أحد ضده يعتبرك ما تحبه
رد عليه سيد ياسين ـ شمدافع جدي؟ ما تسمعه شيحچي على طالب
ابو محمد چبيرنا و مرته بمقام اختنا
شلون اسمعه يحچي عليه و اسكتله !
گالت ايلاف ـ حسين ضاج من ابو محمد لان حچة علية بيوم التخرج انوب اجت هاي ذبت حچاية فانفجر حسين و طلع البگلبه
ردت عليها مروة ـ ايلاف ضبي لسانچ "هاي" بت خالتچ و مرأت اخوچ
ايلاف ضربت على كنتور اجدادها و صارت ترادد مروة ـ و إذا بت خالتي اسكتلها ! هي كلما شافت حسين گاعد بامان الله گالت شوفوه خاف يسمع اغاني ، ابنكم مصلي لا؟ شـشيافة الولد كافر؟
مرأت سيد طالب ظلت ساكتة و ايلاف گامت و آني گمت حتى الزمها لان تريد تتعارك
بينما زهرة المسكينة لازمة ايد مروة و محصورة بچية
طب ابو ايلاف و سيد علي رضا للغرفة
بلغو الولد الخشاب وصل و طلعوهم يشيلونه
علي رضا سأل زهرة ـ شبيچ زهورة؟
ردت عليه مروة ـ اعزل لبت عمي بيت وحدها و الله زهرة تموت إذا تظل وية ايلاف
مرأت سيد ياسين اشرت لمروة تسكت و ايلاف ردت على مروة ـ من يخلص الدرس نصعد فوگ اريد اشوف شنو وجعچ
جريت ايدها و همستلها ـ اسكتي شجاچ
و اخوها علي رضا خزرها و گلها ـ انچبي شنو تاخذيها فوگ؟
ردت عليه ايلاف ـ ترا ما حاچيت زهرتك ، مروة هي البدت لان آني حچيت حچاية حگ على مرأت طالب
أنت تقرأ
في دواخلنا (قيد التعديل)
General Fictionفي دواخلنا حرب نفسية و أن تكون الفائز دائماً هو أمر مستحيل بل مع تكرار المحاولة تظفر
