🍁صيد آرتميس🍁
🌹الحلقـــــــ9ـّـــّة 🌹
💚💚💚
ياخووويا ياسندي ياذراعي اليمين يالي مااايخوووني ...يعني في عوض يستر عليه نادالو لرودينة ...سبب داه وعواه ...تنطر عليه ووشوشلو "لا لا ...ماتدخل حد بيناتنا "
طمنو وهو يكبس على اكتافو "تخافش وحدة بمية راجل يتعمل عليها "
هو في الواقع حضر سيري طويلة متاع كلام زايد يغسل بيه خوه ...لكن للا رودينة وصلت وع الكلمة جات طايرة قصت الحكاية "نعم سي سليم ..."
استغرب فهمي في خوه كيفاه يسألها "نلقى عندك فلوس "
ونعم الرجال سيدي خويا ...يطلب في مرا في فلوس ؟!! ...خزرلو باهت فيه وسليم عمل روحو مولى الدار موش هوني .
استفسرت رودينة وهي تثبت في فهمي وايلي عمل روحو يتوقع في النشرة الجوية "قداش حاجتك ؟! "
سليم "مليون .."
رودينة "فوقي تو لا..."
حمل وانزاااح على اكتافو ....لكن رودينة كملت " اما انجم نجبدلك هاي البانكة قريبة " مصيبة ...وهبطت على راسو .
ضربو سليم على ظهرو " هاي سلكتلك...برا مع رودينة تو تريڨلك جوك "
شاوتلو رودينة باش يمشي معاها " هيا سي فهمي ..."
زم شفايفو وڨحر لخوه ...يمين اابكوش في صدرو ...حاشم ع الاخير وداخل بعضو وموش عارف كيفاش يخرج من هاك الورطة ...عيب الحق يظهر مفلس ومرا تسلفو ...وصلو لكرهبتها الخردة حلتلو الباب " هيا مانبطاوش"
حك لحيتو محرج وتمتم بكلمات تعبر عن الفضيلة و الاخلاق ...ماعندوش حل اخر...يتبعها والفم ساكت .
تبندر جنبها ...وهي تسوق ...يافضيحتو تسوق بيه مراا...شافتو موش على بعضو ومتوتر حبت تفهم الحكاية "شفمة ؟!...شبيك موش على بعضك "
حاول يكذب ...ويلقى مهرب ...ضرب جبهتو بكف يدو " اووو ...تفكرت ...اوووف والله نسيت ..."
رودينة "خير ان شاء الله ؟! شبيك "
عمل روحو متأسف " تي جبت الكارط بونكار متاعي...يي كيفاه نسيت ..." وباش تصدقو جبد سطوشو ووراها الكارط " الله يلعنك يابليس ...سامحني في تعبك ...هات نرجعو للموقع "
حبست الكرهبة ودارتلو " مثبت فيها ...موش في الروج ؟! "
فهمي "لا عاد...راني تاجر والفلوس هي كل شي "
رودينة "تاجر شنوة! ؟ "
نسى روحو وبدا يتحدث" كل ما يخص الموبيليا وتأثيث الديار وفازات الديكور ..."
يارودينة يابنت ام رودينة...اما خير عندك...تغرق في التراب مع زيوس والا تاخو شطر نهار خدمة وحط على ظهر خوه ...ماهمهاش فاش قاعد يقول طول قصت عليه " تعمل معايا قهوة !؟ "
أنت تقرأ
💐صـــيــدُ آرتِــــمـــيــس 💐(كرونيك باللهجة التونسية: مكتملة )
Aventure★الاسم " 💐صــَيْــدُ آرتــِـمـيــس💐" ★الكاتبة "نودا" ★النوع " رومنسي ،اجتماعي ،عائلي تشويق،اثارة ... ★عدد الفصول " 23 " ★تاريخ اول نشر " 14/11/2020 " ★تاريخ آخر نشر " 26/06/2021" ★القصّة " منحوتة رسمت تاريخ كامل مليان بالمحبة ...اسطورة حب تنقشت ب...
