حبيباتي متابعاتي ماتنسوش اتبعو الكرونيك الجديدة موش باش تندمو ادخلو اقراو الحلقة الاولى واعطوني رايكم ⬇⬇⬇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
______ ___✴✴👑👑✴✴____ _____
🍁صيد آرتميس🍁 🌹الحلقـــــــ15ـّـــّة 🌹 💚💚💚
عقد حواجبو مستغرب " مالا شنوة ايلي ينجح معانا!؟"
تصور انها تلمحلو على مشاعر اخرى ،تفكر المساج متاع رودينة ايلي قراه بالسرقة...أنب روحو على خوفو...في كل حكاية لازم الراجل يبادر...اذا المرا تجرأت وصارحت بمشاعرها الاولى... تقعد في داخلها كيف الغصة ماتتنحاش حتى لو ماترفضتش محبتها ...رمشت جفونو وهو يبلع في ريقو ...هيا...فازي ...قلها ...صارحها ...هي تستنى فيك تنطق ...كبس ع الفولون يستمد منو في القوة ...نظم انفاسو و رتب افكارو ...حل فمو باش ينطق بهاك الكلام ايلي يرعش بيه لسانو لكن هي سبقتو
" انا وانت...حتى علاقة العرف ماننجحوش فيها "
كيف ايلي قصتلو بونو ...قصدها بها الكلام انو...مستحيل تكون بيناتهم اي علاقة ....حتى لو كانت علاقة العرف وايلي نخدم معاه ؟! " تحب تقول ايلي انا ...وانت...ماانجموش نكونو شي ...لا اصحاب ...لا زملاء..."
بلل شفايفو ايلي حس بيهم جافين غير ااعادة وهو يخزر للطريق قدامو " علاه ؟!...الساعة نحن كنا متفاهمين بارشا ...ونفهمو على بعضنا حتى بالاشارة ...عاونا بعضنا في اكثر من شدة ...موش كيلي قسيت بارشا في ااحكم على نوع العلاقة ايلي تنجم تكون بيناتنا "
كان جدي بارشا... وحديثو ظاهر من اعماقو ...قعدت تثبت فيه تحب تفهم علاش ركز في حديثو على علاقتهم...الشي ايلي ركبلها في راسها سؤال اخر"نفهم من كلامك انك ترانا ننجحو في علاقة الاصحاب"
تنهد وهو يحبس كرهبتو ...بزهرو وصلو للاوتيل ...والكلام ايلي محضرو يستحق وقت طويل ...وغير هذا ماهي قصتلو قصة عربي فاش قام عليه يعبرلها .
هبطو من الكرهبة وطلعو ساكتين في الاصونصور حتى كيف وصلو للبيوت لا واحد نطق بكلمة ...هي تغلي ع الكلمات ايلي استفزها بيهم...وهو يتخبط وموش داري كيفاه يسلك روحو من مشاعرو .
من غدوة الصباح سبقتو فطرت ووقت خلط هو كانت ديجا تترشف في آخر قهوتها ...جبد الكرسي وقعد ومعاه بلا فطورو ...صبحت عليه وهو جاوبها ببرود..دقيقة وصونى تاليفونو ...مسانس يحكي قدامها ...اما ها المرة هو جبد روحو واتركن بيه ...تبعتو وهي ترحي في زروسها بعصب ...هاذي هي ضربني وبكى سبقني وشكى ...تو هو علاه هاز خشمو ؟!...تأففت وهي تاقف ...وقفتها جات مع رجوعو للطاولة ...خزرتلو ...وهو تجاهلها ورجع قعد " جيانيس ماشي للتيران بعد ربع ساعة ...حضر روحك باش يوصلك "
