💐صـــيــدُ آرتِــــمـــيــس 💐(كرونيك باللهجة التونسية: مكتملة )

💚الفصل الثاني والعشرون _قبل الاخير _💚الرجل المجنون 💚

🍁صيد آرتميس🍁
🌹الحلقــــــ22ـّـــّة 🌹
♥قبل الاخيرة ♥
💚💚💚

_"" هو لين معايا ...حنين ...معوضلي الدنيا الكل ...مانحبش نخسرو ..تصدق اني معادش منجمة نتخيل حياتي بلا بيه ""_

_"" عبارة تولدت من جديد...حسيت روحي تبدلت ...حتى من النوم نرقد مرتاحة ...مادام سليم معايا ...حاسة روحي مأمنة من الجهات الكل ...حد ماينجم يقرب مني ولا يوصلي "_

_""" مانحبش نتخيل هاك اللحظة...ووه...كيفاش شيتحمل الحكاية...هو اول مايسمعها شيمشي في بالو انا استغليتو ولعبت عليه لعبة الحب...بربي كيفاش باش نثبتلو انو ...بالسيف عليا حبيتو رغم ماكنتش متمنية هذا يصير """_

تنهد سليم وهو يعاود يسمع الاوديو بصوت اسماء و ايلي كل مرة تبعثلو منهم رودينة شوية قاصدة تزيد تقهرو ...صوت في داخلو قوي شكى لعل ايلي دايرين بيه يسمعوه ويحاولو يفهموه ...انا شنوة عملت لاسماء باش تلوموني؟!...انا شنوة ذنبي من هذا الكل ؟!...لو حد فيكم كان في بلاصتي زعمة كيفاش كان يتصرف ؟!...مانتصورش لو قعد فيه عقل ...صحيح اسماء كانت عندها حكاية مخبية وكنت حاسس ايلي وراها قصة ...ماتصورتش انو دخولها لحياتي كان لعبة...لعبة ماكنتش انا محسوب فيها كلاعب رئيسي ...اما قلبي خلاني الاول فيها ...في كل مرة كانت تحاول تقلي كلام وكان مقدر في كل مرة تحبس في اول جملة...وكاينو مكتوبلي نتجرح ونتوجع على يد مراد...مقارنة صغيرة عملتها في مخي...بين مراد و اسماء...شكون ايلي غالب عليه الشر اكثر...لقيت مراد ابليس قدامها...وآرتميس ماظلمتش...آرتميس حاولت تاخو حقها بيدها ...وانا جيت في صدافة...انا ايلي حبيت الاول ...وانا ايلي جريت ...وانا ايلي طلبت ...ماعنديش علاش نلوم ...

تنهيدة اخرى خرجت مع خشخشة من صدرو ...وقف لبس صباطو و منڨالتو وحل الباب خارج تصادف في العتبة مع امو ...جات العين في العين ...قرات فيهم عذابو وسمعتو من نبضاتو بين ضلوع شكوتو ..سألتو وهي تتلمس وجهو كيف الصغير " شبي ولدي؟!...في تلاثة ايام ذبلت كيف الوردة ...رجعت زاهي الضحكة مالية وجهك...تقلبت فرد المرة ...علاه ها الشقاء و الهم ايلي بادين عليك ؟! "

حك حاجبو بتوتر يخبي في محاينو " مافمة شي يامي ...تعب ...و ...مشاكل في الخدمة..." خلق تبسيمة مرة " مديدة وتتعدى "

ربت على كتفها يطمن فيها وتعدى من جنبها خارج ...وقف فهمي وراها يخزر معاها لخوه وهو يمشي بضياع ...الحب داء وعلة ...اذا ما فتكش بقلوبنا مرضو ...مانتسموش حبينا ...تنهدت امو وبذكاء مخفي سألت بنبرة خيرتها تكون عادية واقرب للحديث العادي من انها سؤال " هي نفسها ايلي جابها اك المرة للدار ؟!...ايلي تخدم معاه "

عيونو مرشوقو في خوه ايلي بعد جاوبها بلا عقل " اسمها اسماء يااامي ...اسماء..."

تلفتتلو بعين ضيقة كشفت ايلي حاجتو بيها ...ضرب فمو بكفو يعاقب فيه وقت فاق على عملتو ...لسانو كي عادتو هاردو ...تصلب على راسو وبسهولة.