صيد آرتميس🍁
🌹الحلقــــــ23ـّـــّة 🌹 ♥ الاخيرة ♥
💚💚💚
تلوى نيكوس وهو على ركايبو ع القاعة ، تأوه من ضغط سليم على كتفو وذراعو ايلي كل مرة يزيد يتقوى عليه ومعاه تزيد وجيعتو " اي ...آي ...ستوب ...سامحني ...معادش نعاودها "
مال عليه سليم وهو يزيد يضغط اكثر على كتفو " واذا عاودتها "
نطق من جنابو " مستحيل نعاودها ...سيبني راك كسرتلي يدي مازلت حاجتي بيها للغيتار "
دزو سليم وهو يحررلو ذراعو " باش تتعلم ماتخبي شي عليا "
احتج نيكوس " هي جاتني وهي طلبت مني نسكت...ماعملتهاش من راسو "
وخر خطوة احتياط وقت رعشو سليم ،تبسم وهو يتلفو ويحك قفاه "انا نبهت عليك وانت تحمل مسؤوليتك يا ...نيكوووو...سسسس ..."
حرك نيكوس كرومتو واكتافو فماش مايجري الدم ويتنحى التنميل " ماقتليش كيفاه عرفت بلاصتنا وشكون قالك اسماء في اليونان "
ضرب صدرو بكفو " هذا ...قالي ياسليم يا ولد ام سليم...برا لليونان راهي اسماء ماتعرف حتى بلاصة اخرى...وكي مشيت لداركم...امك حكاتلي بالباء والتاء كل شي ...ومنها طلعتكم وين قاعدين "
نيكوس" بفففف...امي ...ونقطة ضعفها ايلي اسمها سليم "
عاود رعشو سليم خلاه يتكمش على روحو ويغطي على كرشو بذراعاتو ، هبط عليه بمنڨلة ونڨرو براس متاع تفذليك " باش تعرف شي مايتخبى عليا "
__💚💚💚__
شرعت الباب وخزرت لهاك الواقف قدامها يتبسم ، تنهدت وهي تكتف يديها وتتكى ع الباب " فهمي ...!...شفمة ؟! .."
هز حواجبو وضربها على راسها بصوابعو " ردوناتي ...جيت باش نخرجك "
تاففت " اووووف فهمي ...والله ماني ناقصتك ...حالتي يعلم بيها ربي "
همت باش تسكر الباب وهو عرضلو ساقو ...خزرتلو مستغربة وبدات زعمة تسخن وباش تعارك " فاااش تعمل ياااو "
ذبل عيونو " ياخا متعاركين احنا ؟!..علاه ماتهزش عليا ومخليتني مشغوب ؟!....جاوبني "
رودينة " لا....اما ..."
"اما شنوة " ماحبش يخليها تحكي وخذى منها الكلام " اما ايلي بين سليم واسماء حاجة تخصهم وحدهم...موش هوما يتعاركو ...نتعاركو احنا ...كل حاجة في بلاصتها "
مطت شفايفها وهربت بخزراتها منو للقاعة " انا داخلة بعضي ومخنوقة وماعيني في شي امان خليني مع روحي "
"روحك هي انا ...معناها هيا " غمزها وهو يبرم شلاغمو
خطفها من وسطها وساقيها وحملها ،شهقت مرعوبة " فاااش تعمل ...هبطني ...هبطني "
أنت تقرأ
💐صـــيــدُ آرتِــــمـــيــس 💐(كرونيك باللهجة التونسية: مكتملة )
Adventure★الاسم " 💐صــَيْــدُ آرتــِـمـيــس💐" ★الكاتبة "نودا" ★النوع " رومنسي ،اجتماعي ،عائلي تشويق،اثارة ... ★عدد الفصول " 23 " ★تاريخ اول نشر " 14/11/2020 " ★تاريخ آخر نشر " 26/06/2021" ★القصّة " منحوتة رسمت تاريخ كامل مليان بالمحبة ...اسطورة حب تنقشت ب...
