حتى بلاصة ماهي سايعتها تمشي وتجي قدامو ويدها ماركحتش على شعرها ،ضربة اثنين تنفضو والا تهزو لفوق تنفس رقبتها منو "هاذي اسمها وحلة...سليم انت لازم توضحلهم الحكاية "
"اما حكاية !؟ " ماعرفش علاش اشتهى يسمعها وهي تجمعهم في كلمة العرس حتى لو كان مزيف .
تحل فمها على وسعو "سليم !؟ "
فرك صوابعو وهو يميل لقدام ع الكرسي ايلي قاعد عليه "شوف اسماء...ها الناس هوني الضيف عندهم عبارة مرسول من السماء، نهار ايلي يجي هو نهار سعدهم " وقف مقابلها "ميسالش تحمل ها النهار خليهم يفرحو بيه وبينا كيف مايحبو ...ونوعدك غدوة انا نوضحلهم سوء التفاهم هذا ..باهي "
مال براسو على وجها شوية "شقلت ؟!..بربي موش حرام علينا نكسرو بخاطرهم ...ماكش تسمع في حركتهم لوطة وهوما يحضرو للسهرية وعاملين عليها كيف والف بالمية راهم ماخلو حد من جيرانهم ماقالولوش "
قرنت حواجبها " قتلي سهرية ؟! "
ضحك وهو يحط يديه في جيابو " ايه ...احتفالية صغيرة بمناسبة عرسنا "
وساعت حدقاتها " اما عرس يا ولدي واما احتفالية يهديك !؟ "
تبسم بلين زهو يمسد كتفها ومع لمستو حست ببدنها يتحجر "خوذ راحتك مادام ماناش في الخدمة ...اما نحب نوضحلك حويجة...ماهمش باش يعرسولنا راو بلمجد " شد ضحكتو بالسيف " الحكاية كلها سهرية صغيرة ...ضحك ولعب وجو...يعملوها لاي ضيف ...اما لو ترى ااجو ...تو تقلي هيا نعرسو توتو "
لقى روحو يضحك وحدو وهي مكشبرة كي السنفور الغضبان ،بلعت ريقها بصعوبة وهبطت راسها ...هو مايعرفش ايلي سيرة العرس وكل ما يتعلق بيه يحيرولها مواجعها القديمة ،محمحت وهي تدور ناحية اادوش " انا ...باش...نبدل حوايجي و ..."
خزرتلو لعل يفهم المطلوب منو وهو كان فهيم مايستحقش الهمز " داكوغ...مالا انا نمشي نعمل دورة مع نيكوس ...توحشت جو الطبيعة متاعهم "
طول حل الباب وخرج وهي من وراه نفخت وترمات ع الفوتاي جنبها ، حركت ساقيها بعصب " ناقصني كان يعملوني عروسة في الاغريق ..بفففف "
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
