خاتم زواج

البارت الرابع

خاتم زواج
البارت الرابع
بقلم هند الصالحي
...........................
بقلب فتاه مراهقة لم تبلغ الخامسة عشر أحببتك.. بقلب نقي فضفاض صادق أحببتك
أحببتك لأني لم أعيش تفاصيل الحب من قبل وكيف لي أن أعيشها وانا مازلت طفلة تجدل شعرها جدائل طفولية....
كلا أنا لم أعش على سطح الأض بل كنت في عنان السماء ارفرف بأجنحة حبك الذي خضعت له بعد كل شيء جميل عشته معك
انأ احببتك بكل جوارحي..
وبذات الحب والشوق سوف اقتلعك...... بقلمي

..............
سناء... الكل نخبص وزادت الهمهمات والفضول يقرا الف عند الكل شوكت رجعوا جواب للولد شوكت طلبوا أيد اخته لنعمان شوكت أتفقوا الطرفين معقولة گدروا يضمون هيچ شي عن الكل... أني أخذتلي صفنه وبعدين رجعت للواقع وردت اشوف الجو شلونه بلكت تتأجل لفد يوميين لأن حتى ملابس كشخة ماجبت هو فستان واحد مالت طلعة بس مو مالت عرايس فقررت أجرب حظي وية جدي
اگول جدو ممكن أطلب طلب من حضرتك بداعتي بداعتي اسمعني

الجد.. ها خيرچ سنيوه شرايده.. تراجع بموضوع زواجج ماكو أنا انطيت چلمة وچلمتي ماتنزل للگاع لو شنو غرضكم بوية عادل
عادل.. كلمتك سيف علينا يابة.. ولج سنيوة شتردين احچي

سناء.. بابا الله يخليك خلي العقد فد يومين بعد
ام عادل.. ياه ياه وليش عود نخلي عگب يوميين

سناء.. جدة الله عليچ هذا وجه وحدة باجر المهر مالتها.. حتى ملابس ماعندي لو تريدون اگطع مهر بالگلابيه....

ام عادل.. لا جدة افا سنيوة الحلوة يتسوالها أحلى حفلة...

سناء.. اي جدة وأحلى حفلة يرادلها ترتيبات وصالون وبدلات وشغل هواي وماالحگ لباجر

الجدة.. لا تشيلين هم اليوم قبل الفطور كل شي يوصل ليعندچ وشيحب گلبچ

سناء.. ظليت صافنة هذولة شنو عقلهم مدبرين كلشي حتى لا الگي ثغره واعطل المهر فد يوميين بلكت اگدر اشوف هذا بلال واگله بشروطي وممكن أذا سمع شروطي هو يتراجع بس ماكو مفر ومادام الخطة أ فشلت بقت الخطة ب

نعمان.. أني نعمان اخو سناء اني أكبر من سناء ب5 سنوات يعني بعمر بلال الي خطب أختي بالضبط خريج صناعة واشتغل بمحل تصليح أجهزة كهربائية بسوگ بعقوبة. أني وسناء علاقتنا كلش قوية حتى أقوى من علاقتي بأخوني الشباب.. صح اني تخرجت ودااشتغل بس ابد مامفكر اتزوج حاليا.. ولا عندي علاقة حب مامخلي هذا الشي ببالي.. بس قبل فترة من جيت هنا صدفة شفت اخت چنتنا الصغيرة بنت عم ابوية وحسيت مثل الأعجاب اتجاهه وحچيت لسناء ولأمي بس طلبت منهم مايحچون حاليا.. البنية مرتين شفته وصارت بينا نظرات.. وبتشجيع من أمي وسناء قررت افاتح جدي وأبوية حتى اخطبها بالعيد وماحسيت الا جدي مفجر قنبلة الموسم ورايحين خاطبين أخت بلال وصايرة موافقة من الطرفين وياغافل لك الله.. كان ممكن أصيح واعيط وارفض بس راح يكون عيب بحق جدي وابوية وتربيتي ففضلت اسكت وارضخ للأمر الواقع ونتأمل خير انه نتقبل بعض اني والبنية