خاتم زواج

البارت التاسع عشر..

خاتم زواج
البارت التاسع عشر
هند الصالحي
.......................
مخلد....

انشدك عن شريك العقل وين صار
وماتدري عليه شكثر ون صار
لون لي بالعشيره ربع وانصار
تحس بحالتي وتعطف عليه
..................................
ثناء..
مو شرط المراية للبشر مقياس
ترى أصل الجمال من الكلب ينبع
اكو عيون خضر والوجه ساطع نور
اذا شايل حقارة بكلشي ما ينفع
.............................
سناء..•من گتلي انتضرني تحضرتلك زين
•عفت كلشي بكفاي وجيتك اتلگة
•ضحكات ودموع وحضنة مال سنين
•ومسامر صدگ ومناشغ بحرگة
•تفاجأت بضحكتك باردة هواي
•عكس روحي العليلة شلون محترگة
•خلصت النفس من گتلي الله وياك
•گاع الله شكبرهة واني احس خنگة
.................................
مجتبى...
ﺗﺪﺭﻱ ﺷﻜﺪ ﺃﻋﺰﻙ ﻭﺍﻟﻘﻠﺐ ﻳﻬﻮﺍﻙ
💘ﺃﺣﺒﻚ ﻣﺜﻞ ﺁﺩﻡ ﻣﻦ ﻳﺤﺐ ﺣﻮﻯ
💘ﻃﺒﻊ ﻗﻠﺒﻲ 💔ﺗﺮﻑ ﻣﺎﻳﺤﻤﻞ ﺍﻟﻠﺠﻤﺎﺕ
💘ﻭﻣﺮﺍﺕ ﻳﺘﺴﻮﺩﻥ ﺣﻴﻞ ﻣﻦ ﻳﻬﻮﺓ
💘ﺃﺫﺍ ﻋﻴﻨﻚ ﺑﺤﻴﺮﺓ ﻭﺭﻣﺶ ﻋﻴﻨﻚ ﺳﻴﻒ
💘ﻣﻦ ﻳﻌﻄﺶ 🍷🍷ﺩﻟﻴﻠﻲ ﺷﻠﻮﻥ ﻳﺘﺮﻭﻩ
💘ﺷﻴﻔﻴﺪ ﺍﻟﻌﻤﺮ ﻟﻮﻣﺎ ﺃﻋﻴﺸﻪ ﻭﻳﺎﻙ
💘ﺣﻴﺎﺗﻲ ﺑﻼﻳﻪ ﺣﺒﻚ ☝ﻭﺍﻟﻠﻪ ﻣﺎ ﺗﺴﻮﺓ
💘ﺍﻧﻲ ﺍﺩﺭﻱ ﺍﻟﻜﻤﺮ ﻳﻨﺸﺎﻑ ﺑﺲ ﻣﻦ ﻓﻮﻙ
💘ﺑﺲ ﺍﻧﺖ ﻛﻤﺮﻣﻦ ﻓﻮﻙ ﻟﻴﺠﻮﺓ
...................
سناء... قبل اكثر من 3 اشهر تلقينا خبر اصابة مخلد بوحدة من المواجهات الي بين الجيش العراقي وجماعات داعش بجلولاء وأصابته چانت خطرة خطية مهما كانت تصرفاته طايشه ولا مسؤولة وية ثناء بس يبقى زوجها وأبو اولادها ومانتمنى له الموت.. الكل نخبص وأنشغل بالموضوع  والحمد الله كانت من صالحي لان موضوع الخطوبة حاليا تأجل على الأقل بس أكمل أمتحانات الثالث ويبقى الرابع الله كريم.. الكل چان متواجد بجلولاء وبس اني وجهال ثناء بالبيت مرات سما تجي يمي ومرات صفاء ومرته وجهاله.. لحد ما بيوم تفاجأت بالكل راجع للبيت... والي أفتهمته مخلد محتاج عملية وتدخل جراحي سريع والي فهمته منهم هذا الولد مجتبى مقدم الاقتراح يعني تشخيصة لحالة مخلد طلعت صحيحة. أيام صعبة مرت علينا لمده 3 أشهر ماشفنا راحة منا خطار ومنا ثناء وحالتها النفسية الزفت ومنا امتحاناتي... ماادري شلون مرت الأيام علينا وانزاحت مرحلة الخطر... اليوم الوالد رجع من بره وصاح على أمي
حجي عادل... ام بسام وينج ام بسام

سهيلة.. الگوه حجي.. هياتني عيني محتاج شي مخلد بي شي...

حجي عادل.. لا مخلد الحمدلله صار احسن.. والبارحة گاعد وسائل على ثناء وجهاله ويريدهم يرحوله لهناك

سهيلة.. اي الحمد الله والشكر بس وين يرحوله هم عشيره عمي مايقبلون هي مستشفى قابل فندق

حجي عادل.. لا يابه هو بس ثناء وهذولة الصغار يرحون والباقي يبقون هنا

سهيلة... الله كريم... اي حجي عليش صحتني لعد

حجي عادل... اي والله نسيت.. ليش انا ظال عقل براسي... يابه تهيروا باجر الصر يجيكم خطار من غير مكان أريد تقومون بواجبهم وتبيضون وجهه... وخابري سما وچناينچ هم يجن... سناء وحدها ماتلحگ على التنظيف.. اي واذا تريدون اي شي يتغير بالبيت گولوا من هسة حتى نلحگ