خاتم زواج

البارت العاشرة

خاتم زواج
البارت العاشر
هند الصالحي .....
منه  يمعود تره الكلك
ارتاحلك جذاب يمعود
وجهات النظر تختلف باللحظات
مو لان رمده العين
..لان شوف الكلب
ارمد وعزيز الشمع
بس بالليل ومن ينطفي
كلهه اضوج مو حبا
..لأن كلشي يصير اسود
يمعود طبع سجين
انه طبعي شما اضعف
عليك اشتد يمعود
..أنه ما ناجرك ياباب
الله يساعد النجار
بوجه الباب من ينرد
كبل جنت انه دايخ
بيك اموت عليك
وتردد عليك وعلي
تتردد هسه ما اجي
..ومن تجي بشارعنه
اذا مفتوح بابي لوحده
ينسد يا بلبل ربه وما
غردت فد يوم وبلبل
مشتره وللمشتري غرد بث
يمعود صحيح انته
حلو كلش حلو تخبل
حلو بلاعد وحلو طبعك
..طبع رطبه تصير احله
شما حر الوكت
يشتد بس آنه ضجت منك
...لان حبوك مدري شكد
.............
بلال... بعد الحادثة الي صارت ويه أهل سناء وكوني من الأقرباء وهسة زوج بنتهم كنت وياهم لحد ماخلص الموضوع والحمد الله الموضوع أنتهى بدفع الفصل لبيت عم سناء لان الولد صار مقعد ويحتاج رحلة علاج طويلة لحد مايرجع يمشي على رجله.. وبعد محاولات الحجي باع البستان مالته بمبلغ زين ووزعه على ولده وبناته.. بعدها كلمن رجع لبيته وعمي ابو سناء اقترح عليه اترك القسم الداخلي الي بغداد واستقر بالمشتمل.. بألاول كنت رافض بس بعدين من حجيت لمخلد وتناقشنا اقنغتي بوجهه نظر

مخلد.. والله انا ابقى اعلم بيك.. اشو هو الرجال يحبك ويحترمك وبكامل قواه العقلية ديگلك تعال أستقر يمي بعد شتريد.. عمي عندك بخت انا صار متزوج بنتهم 6 سنين وما فد يوم فكر يسويها.. توكل بالله

بلال... والله ماأدري شگلك مخلد...

مخلد..لا تحجي شي هي من بعقوبة لبغداد ساعة اطلع بالسبعة نوصل 8 ونص وانا فكرتي تاخذلك سيارة على گد فلوسك تروح وترجع واكيد الجماعة مايقصرون وياك بشي

بلال... هو عمي هم هيچ گال... لعد باجر ابلغه قراري

مخلد... على الخير يله امشي نتغدا ونطلع لبغداد سوه نجيب غراضك من القسم...

بلال... يله امشينا.... وفعلا استقريت بالمشتمل وكنت مدلل والمسافة بيني وبين سناء تقاربت وحسيت بيها تغيرت يعني من ذيج الطفلة المتهورة لا بالعكس عاقلة هادئة مرتبة حتى التزامها بالدين حلو... وكانت قايمة بواجبي كله وبقينا بهذا الشكل سنتين كملت الرابع والخامس وبالسادس هواي ساعدتها بالدراسة لأن جنت انتظر التعيين وبالوقت الي طلع تعيني كان كان وقت بداية الأمتحان الوزاري مالت سناء.. والمشكلة تعييني طلع بمصافي البصرة ومااگدر أرفض أول سنة انوب راح اشيل همها هاي شلون لازم شهر بالدوام واسبوع هنا وكنت متردد بس هي شجعتني وساندتني.. وسافرت للبصرة وهي بدات امتحانات وكنت اطمئن عليها يومية وكملت الأمتحانات وكنا متأكدين تنجح لأن هي شاطرة ماشاء الله... أول يوم ألي بالدوام كان صعب بس شوية شوية اندمجنا بالدوام والشغل متعب بحيث تنسى نفسك فمرات كنت اهمل سناء ومااسأل كل 10 أيام ومن ارجع ارجع مباشرة لبيت أهلي واخر يومين اروح لبيت عمي بالمشتمل... أهلي بوجود نعمان الي تزوج بعد 4 أشهر من خطوبتهم والحمد الله عدهم بنية وولد هسة... سناء نجحت الحمد الله وهم صارت مشادة بينها وبين عمي لأن ماقبل تكمل كليه وهم ادخلت بالنقاش وحسمت الموضوع علمود اداوم كليه