خاتم زواج

البارت 22

خاتم زواج
البارت 22
هند الصالحي
............

حتى الاحجار الكريمة مهما بلغت من جمال ونعومة ورقي فمجرد ان تصطدم بجدران الواقع المؤلم والقاسي ستتحول لمجرد  احجارة باردة وقاسية لان الجروح حولتها لاحجار مجهولة المعالم فمابالك بقلوبنا .... ايعقل ان تصمد وتبقى على حالها .....
...............
قال انت لست من احببت؟فقالت كيف اكون انا وحبك منذ اللحظة الاولى كان سكين يقطع مع كل جرح وكل انتظار كل الم ووعود كاذبة قطعة من قلبي حتى لم يبقى لي مايسمى قلب جعلته اشلاء متناثرة فكيف له ان يحب/  بقلمي.. هند
...................
مجتبى..... ممكن اعرف انت ليش هيج جافة ويايه.. اذا رافضة الخطوبة گولي وصدگي اني ماعندي اي اعتراض انه نفسخ

سناء.... من سمعت هذه الجملة دخلت برعب من فكرة راح اكون مطلقة للمرة الثانية فلا أراديا رفعت راسي وخنزرت على مجتبى.. أشو هذا ضحك ضحكة يمكن كل البيت سمعها...  شكو داتضحك

مجتبى... على شكلج.. أنت ليش هيج تصدگين بكل شي... شوفي انت سواء كنت مجبورة أو برضاتج اني مااعوفج مادام هذا بي نبض ومادام بيه روح.. فأطمئني لا تخافين وكافي تقارنين بين الحاضر والماضي.. الماضي أنتهى وياريت اذا عندج أي  شي يخص الماضي امحي لان اذا اكتشفت بيوم انت مازلت محتفظة باثر شي وقتها راح أزعل من صدك

سناء.... شوف مجتبى. احنا لازم نحجي بكثر أمور ولازم تتوضح كثير أشياء.. بس صدگني  هسة لا الوقت مناسب ولا المكان المناسب.. بس اريد تعرف أني ماعندي ماضي.. وخطوبتي السابقة كانت بأتفاق من قبل الأهل بس صارت بعد.. وصدگ طول ال4 سنوات ماصار بينا شي خارج عن الأدب او ممكن يسئ لاهلي ولنفسي

مجتبى... وأنا متأكد من هذا الشي.. شي ثاني اني بلغت الحجي مااريد احد يعرف انت فاسخة خطوبتج السابقة.. وانا راح افهمج ليش.. وهسة اترخص انا راح اطلع

سناء... وين تطلع... بعدك مامفهمني ليش مااذكر خطوبتي

مجتبى... انا راح ابدي مشي للأمام وانتو الفجر راح تطلعون واتفقت ويه الجماعة انتظركم هناك حتى ندخل الامام مشي انا وياج...

سجاد... يله عريسنا يمعود عروستنا ماتطير.. ماظل وقت يمعود

مجتبى.. اي اي جاي يمعود ليش تصيح ... سناء ديربالج على نفسج ماشي

سناء ... ماشي توصل بالسلامة.. الله وياك
مجتبى و سجاد وماادري منو وياهم طلعوا حتى يمشون للأمام واحنا الفجر نطلع طلعت يم البنات ولگيتهم بالمطبخ استحيت أروح ورحت گعدت يم الوالدة وماتحركت الا من جتي حماتي الصغيرة زهراء

زهراء... ها سنو ليش متقيده هيج بعد أنت صرتي وحده من عدنا تعاي اشوفج البيت.. علوية من رخصتچ افرجها البيت..

العلوية... اي روحن بس لا تلتهن العشا وتحضرن عده الزيارة

زهراء.. لا ماننسى علوية كل شي راح يكون جاهز
سناء.. اخذتني زهراء تفرجني بيتهم وكان عبارة عن 1000 متر يعني البيت بنص بستان وحلوو كلش تصميم حديث وطابقين وشنو موجود بالطابق الأرضي موجود بالطابق الثاني والي فهمته الطابق الثاني حاليا لسجاد وعائلته والأسفل للعلوية ومجتبى.. دخلنا غرفة مجتبى والغرفة چانت نظيفة ومرتبة واثاثها فخم