خاتم زواج

البارت الخامس

خاتم زواج
البارت الخامس
بقلم هند الصالحي
.......................................
سأعلن الحرب على قيودكم وسأستخدم ذات الأسحلة للأنتصار على عاداتكم
أنا لم أشاء أن اتمرد على قيم وأخلاق
بل تمردي على عادات بالية. مازالت تقيد المرأءة بقيود الجهل والتخلف بقيود استعباد للمراءة...
سأعلن الحرب عليكم بنفس أساليبكم لتحقيق حلمي.. نعم أنا لا احلم بقصور او أموال طائلة بالعكس فكل حلمي هو حقي في أن اتعلم
أن أكمل مدرستي أن أبني مستقبل لي في مجتمع ضاعت حقوق وأحلام الرجال فكيف بنا نحن النساء.. سأحارب بكل قوتي ونهايات الحرب معلمومة أما أنتصار او شهادة...... بقلمي
.....................................

اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة اشريك
مو انت الكلت بالروح تشريني
روح وداعت الله بس اكلك ها
الي رب ٍ كريم الصبر ينطيني
...........
عادل.... ولك نعمان شنو هلحچي المابي معنى العالم گاعده كف ماعندك لو أهينك جدامهم
نعمان... تهيني شنو حجي قابل أنا صغير.. ثم أنت ليش ضايج.. هنا اني التفت على السيد الي جاي يعقد النا وحچيت وياه.. سيدنا انت أحكم جدي وابوي خاطبين البنية بدون ماأدري وانا رجال صايم مصلي اخاف الله بيها يجوز جابريها وماتقبل كل شي يصير هذه من جهه ومن جهة الاستاذ بلال من تقدم خطب رضيعتي انطونا علم بالخطبة بس هم الي رجعوا الموافقة بدون محد يدري برأيك شيخنا هذا عدل

الشيخ.. لا بوية لازم موافقة الطرفين

نعمان.. وهذا الي اريد أوصله شيخنا بس
محد يفهمني ولا ينطوني مجال

ابو عادل... وهسة شتريد استاذ نعمان شني المطلوب أحچي

نعمان... المطلوب العقد يصير والبنات موجود ويسألهن السيد على رأيهن واذا عدهن شروط تتنفذ وتنكتب بالعقد

عادل.. تره هاي مايصير صوجي انطيتك مجال شنو ناخذ رايهن بنتي اني وكيلها وخطيبتك هذا اخوها وكيلها شرايد بعد

نعمان... حجي انا گلت الي عندي وبعد بكيفكم... طبعا هنا ابوية وعمامي وجدي صوتنا عالي والسيد حسمها انه البنات يحضرن بالعقد بدون وكالة ورحنا لغرفة ثانية وأول ماشفت سناء أشرتلها يعني الخطة نجحت بس الي محيرني بلال بنص هاي الهوسهة أبد ماحچى ولا أدخل ٱول مادخلنا والبنات حضروا بدأ السيد بالأجراءات وأول مرة عقد الي ولنعمة الي كانت مبين راضية بأرادتها بس كان شرطها انه ماابعدها عن والدتها لان مرة چبيرة ومحتاجة مراعاة وأنوب جا سرة سناء وبلال وأني شجعتها حتى لا تخاف

السيد.. ها بنتي سناء هل تقبلين الزواج من السيد بلال على سنة الله ورسوله وبدون ضغوط

سناء.. السيد سألني اذا كنت موافقة مااكذب صارت عندي خوفة شوية بس نعمان شجعني فجاوبت.. نعم شيخنا بس موافقتي بشرط أنا راح ابقى مخطوبة 2 يا 3 سنوات وهو طالب ويداوم كلية فشرطي انه يقبل أكمل مدرسة بين مانتزوج