خاتم زواج

البارت الرابع عشر

خاتم زواج
البارت الرابع عشر
هند الصالحي
..........................

أحبك مو لأن انت حلو لا لأن روحي التقت كبلي ولك بيك اذا إنت تمُّر ع الأعمى يصيح الله والأخرس لَّون حاچيته يحاچيك أذب كلبي على سهمك وآنه مجروح واكلك دير بالك أخاف أأذيك إجرَّحني ولك بس كون عالكيف لأن إنت ويَّه دمي وخاف أبديِّك إجرحني ولك بس كون ما موت حتى مِن يتهموَنك أبريّك على المراية وكفت ما شفت وجهي وشفت وجهك طلعلي وكمت أحاچيك وثبت بمرايتي وجهك مرايات   
............
مجتبى... بعد ماانطيت العلاج لسناء وطلعت قررت بداخلي انه هاي البنية الي لو احارب الدنيا علمودها.. بس المشكلة  لازم انتظر الوقت المناسب لان  البنية مريضة وعدهم حالة وفاه يعني قافلة من كل الجهات... مابيدي حالة الا الانتظار.. بس ماراح اعوفها راح اتابع وضعها وبأقرب وقت اتقدم لها

سناء.. مرت مدة شهرين وأني هذه حالتي مااحس باي شي احس دماغي  فارغومابي احداث وبس مواقفنا أني ونعمان ادور بخيالي كنت احس أكو شي صاير بس عقلي مايستوعبه ومايقبل يستلمه كواقع.. وتعبت من كثر السؤال عن نعمان ومحد يجاوب.. الكل يهتمون بيه وبيوم ماما دخلت لغرفتي

سهيلة.. حبيبة أمها شلون اليوم بنيتي.. شلون صرتي
سناء.انت شلونج ماما أني زينة..

سهيلة.. الحمد الله حبيبتي.. شوفي بالا خابر ويگول خلي سناء تلم هدومها بجنطة دانطلع زبارة ومنالك طالعين عمره.. شنو رأيچ

سناء .. بكيفكم ماما.. بس توعديني من نرجع الگي نعمان موجود

سهيلة... حبيبتي نعمان راح سفر بعيد ومايرجع هسة. هسة المهم انت يمنا نريد ترجعين زينة وتكملين كليتچ وتحققين حلمچ حبيبتي

سناء...اووو بعد هواي للكلية كومة يا ماما غير أكمل السادس

سهيلة... ان شاء الله ماما.. هسة تگدرين تحضرين الجنطة لو أساعدج

سناء... لا ماما أني اكملها.. شوكت نطلع

سهيلة... العصر ان شاء الله

سناء.. طلعت ماما من الغرفة.. واني طلعت الجنطة وبديت اخلي احتاجاتي لأن أمي گالت راح نبقى شهر خارج البيت فلازم ملابس هواية جهزت نفسي وصار العصر وودعنا الكل حنى اخواتي جانت موجودات.. طلعنا بسيارتنا واركان چان ويانا حتى من نطلع للعمره اركان يرجع السيارة.. وصلنا لبغداد ومباشرة رحنا زيارة للامام الكاظم ومناك هم تسوگنا شغلات مهمة نحتاجها هناك بقينا يومين والثالث طلعنا عمرة ويه القافلة يومين او أكثر مرت وأحنا بالطريق وقبل ما نوصلنا للأراضي المقدسة گنت أخش اكو جبل على صدري والدنيا حولي فارفغة ومابيها معنى.. وصلنا للفندق المخصص النا وكلمن راح لغرفته تغدينا وارتاحينا.. ومسؤول القافلة خابر بابا وذكره بموعد الزيارة ونزلنا وأول ماوصلنا للحرم وبدون إرادة دموعي من هول وخشوع المنظر بدت تنزل وةبدا المسؤول عن قافلتنا يشرح لنا شلون نعتمر.. واني وامي وابوية بدينا مراسيم العمرة.. وأني دموعي مستمرة تنزل مثل الشلال
. صوتي ارتفع بالبچي والدعاء بعد ماخلصنا الطواف حسيت اكو جبل على صدري وانزاح حسيت بداخلي اكو هدوء وسلام ماله نظير .. رجعنا لغرفتنا سبحت وبدلت ونمت ردت ارتاح لأن بعدني مريضة أول ماغمضت عيوني شفت نفسي بمكان حلو كلش وداافتر ومتعجبة بالمنظر بس المكان مابي أحد بقيت افتر وأدور واصيح ماكو احد وفجأه شفت نعمان گدامي... نعمان حبيبي هاي أنت