خاتم زواج

البارت الثالث عشر

خاتم زواج
البارت الثالث عشر
هند الصالحي
...................
ان نصنف الحب بالأول والثاني شئ خاطئ
لان الحب هو مشاعر مختلفة ومميزة نعيشهالاجل شخص وحيد في الحياة لأنه لايملك تسلسل بل يملك القلب
....................
نستطيع ان ننسى شخصا كان كل حياتنا اذا وضعناه في مكان محدد وتوقفنا عن المرور في اماكن تواجده ليصبح ذكرى والذكرى  لا تصنع المستقبل / بقلمي هند الصالحي
.....................
سماء.. اليوم طلعنا سناء الحمد الله المستشفى ووصلناها للبيت ومن دخلنا جانت ثناء ومخلد موجودين وأخواني ونسوانهم  مباشرة اخذنا سناء لغرفتها سندت راسها على چتفي ولأن تأثير العلاج بعده  بجسمها أول ماوصلنا غمضت عينها وبنفس الوقت سمعنا صوت التلفون وچان تلفون سناء وأول ماشلته شفت أسم بلال... هذا شعنده مخابر على سناء وتعصبت.. والغريب من بلغت سناء انه بلال دايتصل ماعرفته منو. دگ اكثر من مرة وأنطيت الموبايل لثناء
هاج انطي لمخلد أفندي خلي يشوف صاحبه شيريد.. ماكفاه الي صار

ثناء.. جيبي أني أعرف شلون احچي وياه أخذت الموبايل من سما وطلعت برة أشرت لمخلد وطلعت للحديقة

مخلد... ها شكو صاير شي

ثناء.. تفضل هذا موبليل سناء

مخلد.. وشكو جايبة موبايل سناء يمي

ثناء.. لان صاحبك الشفيه دوخنا هلگد ماتصل.. والصراحة ولا واحد من البيت يشرفه يحچي ويه هيچ نماذج

مخلد... ثناء... الزمي لسانج مها صار بلال صاحبي وأبن خالتي ومااقبل تجاوزين عليه

ثناء.. هاي مشكلتك ابو جود تقبل أو ماتقبل... من تكمل المكالمة انطيني خبر.. وها ياريت تبلغه انه هو خلص ماعاد مرغوب بي بيناتنا 

مخلد... ثناء بعد ماعرفت بزواجي من وحدة ثانية.. أبد ماعلقت ولا ثارت لا سوت الي أقوى منه وتغيرت بشكل كلي وصارت مرتبة وخلوة ويمكن هي حلوة بس أني مامنتبه عليها.. بدأت تحتج وتثور على كل شي.. وجبرتني اطلعها بيت وحد لا أمي مطيحه حظها وطلعتها ومن يومها وصار اربع سنوات ماسمعت أسمي على لسانها كلها ابو جود.. وحتى علاقتنا بالبداية كانت تأجية واجب لكن بمرور الأيام بدات تنتهي وتوشك على النهاية... رجعت من صفنتي على صوت الموبايل وفعلا جان بلال فتحت خط... الووو

بلال... الووو. منو مخلد

مخلد... اي مخلد شلونك بلال صحتك

بلال... الحمد الله... بس هذا مو رقم سناء.

مخلد.. اي عيني

بلال.. لعد شيسوي يمك.. هي وين

مخلد.. ولك بلال أنت شنو رايد موتك.. البنية وطلگتها وبأرادتك بعدزشكو داتخابرها

بلال.. يمعود أهدى قابل شأريد من عدها بس أني بقى فكري يم أمي وأختي قبل چنت اخابر نعمان الله يرحمه هسه ماباقيلي تواصل وياهم ودااريد اعرف شراح يصير بنعمة وجهالها