خاتم زواج

البارت السابع عشر

خاتم زواج
البارت السابع عشر
هند الصالحي
......................

مر بيه ندم ما مر على الجتال

وحز روحي خجل ما حاسه العايل

فوك خدودي دمعي الخشن ما يرتاح

رايد صحره شيسوي بوجه ذابل

لبست الفشله ثوب من النحر مشكوك

وطلعت اركض وشعري اعلى المتن هادل

وعلي كالت الناس شلون دنيا وهاذ

ياهو الخبله وجان الصبح عاقل

من زعلان رحت العمر كدته وياك

وبقيت انطر شبابي بحسرة الجاهل

شمتت بي عيني الناس ما يدرون

واحس نبض الكلب لمن يدك عاذل
..................................
سناء... الولد الي تسالم وية أخواني مااعرفه واصلا أني نزلت راسي وماحچيت شي بس الصوت مو غريب المهم كل الحديث صار 3 لو 4 دقايق وكلمن راح لطريقه مرت يوميين لو ثلاثة وطبعا كانت أيام شتا وبرد والعشا يصير وره صلاه المغرب الوالد يرجع من المحل ويتعشا وساعة 10 هو ينام بذاك اليوم  سبحان الله الكل اختفى والوالده هم ضغطها معلگ ونامت وبابا بغرفة الخطار وبيت بسام فوك بجناحهم وعلاء واركان يتاخرون يله يجون هستوني دااريد احضر العشا اندك جرس الباب وبهذا الوقت مايجينا خطار الا يخابرون فكل توقعي اخواني اندگ الجرس مرة مرتين وبابا ماكو.
ادري  انتو ماتتعضون  ولا تسمعون   الكلام الف مرة گايلتلكم  اخذوا نسخة من مفتاح الباب وياكم الا تمشورونا للباب هو منو بي حيل يفتحلكم الباب  اشو كلنه واكفين عارية ظليت ادردم بصوت عالي من بابا المطبخ للباب الحوش واصلا أني ردت يسمعوني كل عقلي أخواني واول مافتحت الباب تفاجأت بتفس الشاب الي شفنا قبل يومين ثلاثة

مجتبى... السلام عليكم... أني أسف تعبتج بفتحة الباب بس والله محد منطيني نسخة مال باب بيتكم حتى أدخل مباشرة

سناء............   

مجتبى.... العفو حجي عادل بالبيت

سناء.. هذا منو اشو طاب لا احم لا دستور . انوب يحشش ويايه.... نعم تفضل منو حضرتك

حجي عادل... سناء بابا منو على الباب

سناء... هنا الوالد طلع من بابا غرفة الخطار. واني من شفته انسحبت بعد وماسمعت شحجوا بس ماكو دقيقتين والوالد صاح تفضل يابا ماكو احد وانوب صاح عليه

حجي عادل.. يابة سناء الضيافة للخطار

سناء... بله هسة وقت ضيافة زين شيوي جاي گهوة شربت.. حيرة فراسلت بابا سألته گال سوي گهوة.. المهم سويت الگهوة وهم دزيت مسج لبابا جا اخذها وأني رجعت احضر الأكل اخاف الخطار يبقى على العشا ويانه نكون متحضرين وماانحرج..