خاتم زواج

البارت التاسع

خاتم زواج
البارت التاسع
هند الصالحي
............................

هل تُسمّينَ الذي ألقى هياما ؟ أَمْ جنوناً بالأماني ؟ أم غراما ؟ ما يكون الحبُّ ؟ نَوْحاً وابتساما ؟ أم خُفوقَ الأضلعِ الحَرّى ، إذا حانَ التلاقي بين عينينا ، فأطرقتُ ، فراراً باشتياقي عن سماءٍ ليس تسقيني ، إذا ما ؟ جئتُها مستسقياً ، إلاّ أواما العيون الحور ، لو أصبحنَ ظلاً في شرابي جفّتِ الأقداحُ في أيدي صحابي دون أن يَحْضَينَ حتى بالحبابِ هيئي ، يا كأسُ ، من حافاتك السكرى ، مكانا تتلاقى فيه ، يوماً ، شفتانا في خفوقٍ والتهابِ وابتعادٍ شاعَ في آفاقهِ ظل اقتراب
.............................................................
 سناء...بعد ما الباحثة الأجتماعية جتي وصاحتني بالأسم وطلعت من الصف ووصلت للأدارة شفت بلال گبالي صدگ انحرجت لأن المدرسة بنفس منطقتنا والمديرة تعرف ابوية وأخواني المشكلة آحنا للان مامبلغين الجوارين عن شي لان الوالد يگول هاي أمور شخصية مو شرط  نسوي أعلان عود بالعرس هي الكل تعرف.. من مفاجأتي ماعرفت شسوي بقيت ساكته حتى ماسلمت على بلال الي صار شهرين من داوم ببغداد وماكو عنه اي خبر..

مديرة المدرسة... تعاي ماما سناء دخلي

سناء... سلام عليكم ست.. ست الباحثة گالت تريديني

المديرة... اي نعم الأخ جاي ياخذلج اجازه ويگول أني خطيبها.. صحيح هلكلام تعرفيه لا

سناء.. اي نعم ست صح هو خطيبي بلال.. شلونك بلال

بلال...هلووو سناء شلونج

سناء... الحمد الله

المديرة... بس اخ بلال جنسيتك مابيها اسم سناء شلون اعرف انت خطيبها صدگ لازم اخابر حجي عادل.. تعرف البنات أمانة برگبتي وبهذه الأيام الامانة صعبة ومابينا حيل مشاكل

بلال.. حقچ ست واحنا الي لازم نشكرج على هذا الحرص.. بارك الله بحضراتكم

المديرة.. هذا واجب.. بس العتب على سناء المفروض تبلغينا حتى نكتب اسم خطيبج من ضمن أولياء الأمور وميكون احراج للجميع هاي اولا وثانيا من باجر تلبسين حلقتج حتى ماتجيج حجاية بنتي.. اتفقنا

سناء.. أني اسفة ست.. اتفقنا.. شكرا جزيلا

بلال... هسة نگدر نطلع لان عدنا ظرف طارئ مايتحمل تأخير

المديرة... تفضلوا وان شاء الله المانع خير يارب
سناء.. بعد ما المديرة وافقت اخذت جنطتي وطلعنا وبالطريق الاخ انفتح بالرزايل

بلال... اي خاتون ماتعرفين تگولين سلام عليكم.. شلونك اخبارك صار شهرين ماكو.. وليش يابة مامبلغة المديرة انت مخطوبة لو تريدين الناس تشوف طولج ويومية داگين بابكم يخطبوج

سناء... على كيفك بابا شبيك أنت أكلتني حاصل فاصل.. أني ارتبكت من دخلت لأن أمي ماتقبل أكول لأحد أني مخطوبة.. ثانية مو مشكلتي أنت صار شهرين مختفي المفروض أني إلى اعتب عليك.. مو گلت أني مسؤول عنها وعن دراستها لو خاف عبالك ال50000 الي انطيتهم الي راح ابقى سنة بيهن
بلال... سناء احترمي نفسج ولا تتمادين وتذكري لو ناسية دوامج مقابل  تبطلين لسان.. المهم مو هذا موضوعنا احنا بشارع والعشيرة طابة انذار امشي سريع يله داينتظرونج بالبيت..