خاتم زواج
البارت 23
هند الصالحي
..............................
تألم
اه .... انظروا من يتكلم
من يسهر من يبكي
من يتألم
اانت فعلا تتالم
وهل تعرف معنى الالم ؟
وهل تعرف معنى ان يقطع قلبك
بسكين للحظات ندم
على حبِ
على تضحية
اهداها لصنم
هل تعرف معنى الجراح
المفتوحة التي لا تندمل
تذوق طعم الالم
.في اليقضة والحلم
جربه فان طعمه لا ينسى
واثاره لا تمحى
كما أنهيت حبنا بجرة قلم
تألم لاي وقت شئت
لساعات لطول العمر
لعل الالم يؤدب قلبك
سنوات طوال انا اتعذب
واتألم ونذرت كل عمري
ودمعي لك انت
تالم فالالم رحمة
نعمة ولادة من جديد
تالم لعل قلبي يغفر لك الذنوب
ولعل قلبك يعرف
طريق توبته شمالا ام جنوب / بقلمي هند
سناء... البارحة الوالد بعد ماوصلنا لحدود ديالى احنا رجعنا للبيت وهو راح لقرية بيت جدي واخذ وياه نعمة والجهال ومن تأخر خابرنا صفاء وگال الحجي اليوم يبات يم جدو تأخر الوقت لا يبقى فكركم يمه... والصبح من گعدت ب8 گعدت على صوت هوسه ماأدري شنو السالفة فتحت الپرده شوية لأن غرفتي اطل على الحديقة وشفت سيارة حمل دينزلون غراض من يم باب المشتمل أخذت شال وطلعت بره ماكو احد رحت للمطبخ ولگيت الوالده وصبا بالمطبخ وهم ديباوعن من الشباك
رحت للمغسلة مالت المطبخ غسلت وجهي ونشفته وسألت أمي
هاي شكو من الصباحيات يعني عفية بيت اذا ما نگعد على حدث مدوي ماينحسب علينا يوم
سهيلة... شكو شبيج من الصبح گاعده تگولين للشر اشتر
سناء... هاي أني.. هو سألت سؤال حجية.. شكو تعرفين جاوبي ماتعرفين گولي ماأدري
سهيلة... سنيوة اگعدي وسكتي انا هم ماأدري شكو.. اندگت الباب طلع بسام لگينا هاي السيارة واكفة يم المشتمل دينزلون غراض شكو والمن ماندري خلي يكملون ونعرف السالفة
سناء.. اگول حجية اخاف الحجي غار من نسيبه مخلد وتزوج عليج وحده ستايل
سهيلة... سنيوة روحي حضري چاي والريوگ اخاف العمال يتريكون هنا لو اتصرف تصرف مايعجبچ... ولي من وجهي هسة
صبا... سنيوة گاعده مسلطنة من الصبح. يمكن العاشق الولهان متصل عليج لو مخابر
سناء... وبيش يخابر اذا أني ماانطي رقم تلفوني
صبا... وليش ماانطيتي رقم التلفون
سناء... المؤمن لا يلدغ من الجحر مرتين
صبا... يبووو عليج سنيوه.. بطلي تقارنين بين بلال ومجتبى.. ترى بس الأعمى مايشوف الفرق بينهم فرق من الگاع للسما
سناء... ماادري نشوف بعدين بالعشرة تبين... أمشي خلي نحضر ريوك.. رحنا انا وصبا حضرنا الريوك شوية ودخلوا الحجي ومرت نعمان والجهال شسالفة ماأدري
أنت تقرأ
خاتم زواج
Chick-Litقصص حقيقية من واقعنا لاكثر من فتاه لكن تم جمعها لتحكى على لسان فتاه واحدة....
