خاتم زواج

البارت الثامن

خاتم زواج
البارت الثامن
بقلم هند الصالحي
..........

"خبئني في خلجان يديك

فإن الريح شماليه

خبئني في أصداف البحر

وفي الأعشاب المسائية

خبئني في يدك اليمنى

خبئني في يدك اليسرى

لن أطلب منك الحرية!

فيداك هما المنفى.. وهما

أروع أشكال الحرية

أنت السجان وأنت السجن

وأنت قيودي" الذهبية

قيدني يا ملكي الشرقي

فإني امرأة شرقية!

تحلم بالخيل.. وبالفرسان

وبالكلمات الشعرية!"

....................
سناء... يعني الوقت ب12 صح عيد والناس تتعلل بس مو معناها واحد يجي يريد سشوف خطيبته هسة.. ياترى شنو الشي المستعجل الي ماگدر براد بيت يأجله للصبح وجايني هسه.. وأني داافكر بيني وبين نفسي بس الظاهر دا احچي بصوت عالي وأمي بعدها يمي وأني مامنتبهة وأول ماسمعت صوتها فزيت

سهيلة... ولچ منو هذا بيت ماادري شسمه تسولفين بي ماتخافين أحد يسمعچ... وانت تظلين هيچ ماتكبرين وتعترضين على كل شي

سناء.. يمه يا بيت اسمه براد بيت ممثل أجنبي بس أني اشبه خطيبي بلال بيه لأن يشبه بالضبط...

سهيلة... اووف منچ اني مالي خلگچ 5 دقايق تعدلين خلقتچ وتنزلين جوه لو والله تشوفين مني شي مايعجبچ

سناء... والله أفتهمت... طلعت أمي من الغرفة واني رحت لميت شعري ولبست شال حي الله الي لگيته بيدي اصلا مابدلت لبسي مابي شي ونزلت لغرفة الخطار ودگيت الباب ودخلت وسلمت
السلام عليكم

بلال.. عليكم السلام (والله سنيوه على گولة الحجيات مسوية نفسج فقيرة لعد منو جان يصيح قبل بساعة) تعاي سناء تفضلي ليش واكفة

سناء... من گال تفضلي رحت گعدت بس مسافة عنه بقينا شكم دقيقة بدون حچي وبعدين بلال بدا الحجي

بلال.. شلونچ سناء شلون صحتچ.. آن شاء الله زينة

سناء.. الحمد الله بخير.. أنتو شلونكم

بلال.. الحمد الله.. أي سناء أنت دائما هيج

سناء.. شلون يعني شبيه

بلال.. احچي الصراحة وماتزعلين

سناء.. لا ماازعل احچي

بلال.. يعني سوالفچ عكس قبل بساعة أمه محمد گاعدين وطبيتي علينه مثل عاصفة ولا بفستان المهر والتسريحة والمكياج والكل يتنوعلچ وهسة من خطيبج الي هو أني اطلب احجي وياج جايتني مثل أشارة المرور
شسميها هاي بله