خاتم زواج

البارت السادس عشر

خاتم زواج
البارت السادس عشر
هند الصالحي
.......................

رغم ظلمه الكثير وجرحه الكبير الذي لا يندمل ولا يزول ما زلت تحبه رغم كل الشّرور ما زلت تعشقه رغم الجور والفجور ما زلت تحنّ إليه رغم ما فيه من غرور قلبي، ويحك قلبي إلى متى، إلى متى؟؟ أخبرني بالله عليك إلى متى؟؟ هذا الصّبر وهذا الجَلَد والتّحمل إلى متى هذا السّهر والتّأمل؟ إلى متى هذه المعاناة والتّذلل؟ كُفَّ عن هذا، كُفّ فاكره كما كرهت واهجر ما هجرت وعذّب كما عذّبت واظلم كما ظلمت واجرح كما جرحت فلقد عانيت كثيراً وصبرت كثيراً وكثيراً على حبيب لا يعرف للحبّ معنى أما آن لك يا قلبي أن توقف كل هذا؟ فبالله عليك يا قلبي كُفّ.
...........
مخلد... بداخلي كلش أستغربت معقولة تكون هذه نفسها ثناء الطفلة الي ماتعرف تحجي كلمتين گدامي.. معقولة شنو الي غيرها.. معقولة أكون ظلمتها وأذيتها لهلدرجة... هاي شلون تنحل يعني ابقى أنا بهل الوضع شلون ارجع ثقتها بيه ماادري.. وأني دااحاور نفسي دگ التلفون. شفته بلال... الووو

بلال.. هلا بمخلد شلونك اخبارك اشو ماكو يول ماتسأل ماتگول

مخلد.. هلا ببلال والله مشغول وتعبان وروحي طافرة

بلال.. خير شكو هم مشكلة جديدة

مخلد... هو الي مضوجني ماكو جديد.. وأني تعبت من الوضع منا دوام ومنا زينب واصرارها ماتجي لبعقوبة ومنا ثناء الي مدوختني وماأدري شسوي وشلون أتصرف وياها

بلال.. وليش تريد تجيب زينب لبعقوبة. عوفها يم أهلها.. وثناء شبيها ليش متعبتك

مخلد... بلال أني تعبت صار اربع سنوات يا بصرة ياديالى ودوامي بغداد. اريد زينب تقتنع تعوف البصرة وعمي مااجيبها لبعقوبة نسكن بغداد

بلال.. وليش هلقرار المفاجئ  هسة شنو الي تغير

مخلد... بلال أني تعبت تعرف شنو تعبت مرات احس زواجي من زينب خطٱ ومرات أكول البنية مالها ذنب هي تشيلني بالصلوات من اروح وخطية اذا تركتها.. ومن جهة ثناء وتغيرها المفاجئ وبرودها اتجاهي مخبلني.. لك بلال زواجنا اني وثناء باقي بس على الورق.. راح اتخبل

بلال.. مو هذا الي چنت رايده.. وجنت تستصغر  ثناء.. أنت الي عفتها بعد ليش تعترض...

مخلد.. أني ماعفتها هي زوجتي وأم اولادي وهاي بحد ذاتها م اكبر لك بلال احس جهالي يتعاملون وياية بشكل غريب مايحسسوني اني أبوهم كل اعتمادهم على ثناء.. وجهالي دايكبرون مااريد اصير مجرد أي بالاسم بحياتهم..

بلال.. والله شگلك مخلد مشكلتك صعبة وكل حلها بيد ثناء.. حاول تكسبها من جديد.. واطلب فرصة ثانية

مخلد... الله كريم.. هسة عوفك مني أنت اخبارك راح تستقر خلص ماترجع

بلال.. لا يابة شلون ماارجع بس ناوي استقر بغداد أني وزوجتي واخذ أمي ونعمة يمي هناك وتريد الصدك ناوي أصفي كل املاكي الي بديالى