خاتم زواج

البارت العشرين

خاتم زواج
البارت ال20
هند الصالحي
....................

شكرا
شكرا لكرمك الزائد شكرا
كوني زميلة - صديقة حبيبة
كوني ماشئتِ فانت لست غريب مضى الوقت كي احدد من اكون
كم صعب هو الاختيار؟
انه كتاج سلطان مطرز بنار
شكرا لانك اعطيتني اختيارات
شكرا لانك كشفت عن سلبيات
نفسك المترددة البائعة لكل شيء
للحب يا حبيبي شروط صغيرات
لا تتعدى اصابع اليد
والاهم ان اخرها هي ال.........
نفذت اوليات الشروط
كي يكون لك الحق بالاخيرات/ هند
.................................
مجتبى... العلوية والبنات راحو لبيت حجي عادل وبعد ساعة رجعن بس الوجوه ماتبشر بخير... ها اشو من وكت راجعين شسالفة

العلوية.. وشتريد نبات هناك شنو.. استچن وليدي.. على شنو كاتل روحك حور مگبر

مجتبى.. خيرچ علوية شسالفة اشو طابه حامية علينه شكو

العلوية.. هو لو اكو شي هم ميخالف.. ولك يمه ماالله يهديك واخطبلك بنين بنت خالتك انا مربيتها وبنت بيت لا كليه ولا طابة ولا طالعة

مجتبى... علوية من صدگ تحچين انا دازج تشوفين البنية لو تمدحين ببنين.. من الاخير حجية بناتنا كلهن مثل فاطمة وزهراء ومااخطب وحده منهن وشتردين تسوين سوي

العلوية.. هيج صارت يعني مادام انا راده لديرتي من الفجر ومالي دخل بكل شي.. ماظلن عليه بس بنات الجامعة تهي بهي

سجاد... اهدى شبيك مو دااگلك لا تستفزها ماترهم اخوية.. هسة ياهة الي رضيها

مجتبى... استغفر الله واتوب اليه... اي احچولي شسويتن ماسويتن هناك شفتن سناء

زهراء... اي خوية شفناها اللهم صل على النبي كلش حلوه.. بس مبين فقيرة وهادئة ومامهتمة بالدنيا تحس بيها كسرة

مجتبى... ادري واعرف كسرتها وين... يعني فتحتوا موضوع وياهم لا

فاطمة.. لا والله حرام العلوية جابتها من الشرق للغرب وماجابت طاري لا خطوبة ولاشي

مجتبى... تفضل تگول ظل هادئ هي العلوية تخلي عقل بالراس.. يعني انا دزتجن تحچن بالموضوع لو تهينن بالناس

زوجة. سجاد... والله يا مجتبى العلوية داست دوسة ونص بيهم ماخلت بنواتنا حلوات ومعدلات واقل بيت بجماعتنا 500 متر ويلفونه لوف... وبناتهم مانطقن ولا حرف

سجاد.. كافي اسكتي أنت أنا اريده يهده وانت تهيجينا بالزايد بطلي سوالف. وگومن حضرن عشا

ثناء... طول الطريق ووأنا فكرة توديني وفكرة تجيبني شلون راح اشوفه شلون راح اتحمل فكره قربها القوي منه.. صح انا الي قررت اتركه لها بس يبقى شي بداخلي يأذيني.. المرة مهما كانت قوية بس من تستبدل بوحدة ثانية تنهار وتعيش شعور ماينوصف وممكن أقرب وصف له هو انهيار جبل ثلجي على راسها... بكل خطوة كنت اطلب من رب العالمين القوة حتى مااضعف وابين شوقي لمخلد ولهفتي عليه.. انا تعمدت مااروح وياه للمستشفى حتى أشوف من يصحى ومايلگاني وبس يلگي زينب يمه راح يطلبني اروحله لو لا.. ومن الوالد گال مخلد صحى من بنج العملية وطالبچ انت والجهال فرحت لأن هذا دليل خطوات التأديب جابت نتيجة وصلنا للمستشفى وصعدنا للجناح الي بي مخلد ودخلنا وكان نايم على السرير وقميصةمفتوح ولافين صدره بحزام خاص مالت العمليات وأول مادخلنا فتح عيونه انا اخذته بس الجهال الصغار.. وأول ماشافوه ركضوا عليه يصيحون بابا.. جهال مايعرفون شنو عمليه وخطية ذبوا نفسهم بحضنه وركضنا عليهم لان هو مسويله فتح صدر وهاي يرادلها اربع اشهر عزل ولازم مايحجي واكل خاص