خاتم زواج

البارت السابع

خاتم زواج
البارت السابع
بقلم.. هند الصالحي
.....................
مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس
.....................................................

ﻻ‌ تحچي بعنف من تنصح الناس
آبدي بعيب نفسك يلّـه تتكلم
الگدامك بشر مو كومة آحجار
لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّـه يتعلم .
...................... ....
الجد... سناء وثناء تعالن وراية للمضيف بسرعة

ثناء.. هسة ارتاحيتي ست سناء راح تخربيها وتگعدين على تلها

سناء.. هسة هي شلون عامرة وعمارها مبين من عيونچ البنفسچي من اثر البوكسات تمشي امشي

ثناء.. شگد وكحة ولج لو اعرف منين جايبة هلوكاحة.. امشي لا يصير كتلنا بفلس من جدج

سناء.. دخلنا للمضيف والي چانو گاعجين جدو وابوية الي عيونه تجدح نار وأخوتي ومخلد الي من العصبية دمارات عيونة طالعة لبرة.. أول مادخلنا جدو ثاح بصوت عالي

الجد... تعالن گعدن هنا يمي تاشوف تايتها شنو.. اي سنيوه شبيج من ساعة تكمزين وچفتي المضيف والزلم گاعده شنو الي صار وتخبلتي فد تخبلة

سناء.. شوف جدو انتو كلياتكم تعرفون أني مااتعصب الا للحق مو صح

الجد.. اي صح بس شنو الي رليده منچ تسولفين مثلنا لا ترطنين مثل اهل الولاية ماافهمن عليچ

سناء.. جدو يا ولاية ترى اسمها بعقوبة والله

عادل.. ولج سنيوة أم البلاوي فضينا احچي ليش طبيتي مثل القضى المستعجل على شنو ها لو اكسر راسچ هسة

سناء.. ابوية جان يحچي بصوت عالي وأني اخاف منه من يستخدم هاي النبرة يعني لازم وراها كتله فاچفيت الشر وبديت أحچي
بابا أني من خلصت الحفلة رحت داابدل ومن طبيت للغرفة لگيت ثناء گاعدة بالزاوية وميتة بچي ومن رفعة راسها جان الدم يطلع من خشمها وخدها صاير بنفسجي وبعد التحقيق كوة حچت وگالت مخلد ظربني بسببكم لان أنتو مسببين مشكلة گدام السلف
طبعا چنت أحچي واني أباوع على مخلد الي گاعد يفور

الجد... ها بوية مخلد شنو رايك يعني بتنه امانة يمك لو بيتك وظاربها مو من حگ اي بشر يتدخل بيكم بلاكت انت بنص بيتنا وتظربها لا هاي مامقبولة ابد

مخلد... جدي شنو هاي الحچي قابل انا ماعندي غيرة حتى اطگ مرتي بس كل ماهنالك انا مارضيت على تصرف سناء ونعمان وعاتبتها بصوت عالي ماطخيتها وهاك شوف وجها مثل الورد وين طاخها

سناء... أني من شفت هذا مخلد يريد يفلت منها واختي الثولة مغطية اثار الظرب بالاساس راسا لزمتها من وجهها ومسحته حيل وگلت لمخلد
وهذا شنو أستاذ مخلد مكياج لو عاضتها بگاية مثلا اذا هي فاهية وماتحجي وساكته لازم يجي اليوم الي تنعرف سوالف