خاتم زواج

البارت الحادي عشر

خاتم زواج
البارت الحادي عشر
هند الصالحي
...................

احتاج لقلبي خالي فقد اتعبه وجودك ولم يعد صالح للسكن ... فاحزم حقائبك وغادر ولننهي عقد امتلاكه....
................... تصورت انه من الصعب أن أنساك يوما .بعيدا عنك عشت حياة صعبة تهديني كل يوما جرح ودمعة . بدونك مرت أيامي دون أن أتذكر كيف نسيت حبك/ بقلميH
...................................................
سناء.. كل شي بلحظة انتهى اربع سنوات من عمري راحت وية أنسان اهلي أختاروه واامنوا بيه وتالي عافني ومحد يعرف ليش.. البيت أنگلب راسا على عقب وعمامي وجدو جوي لبيتنا حتى يرتكبون جناية ثانية ماكفاهم الي صار بيه.. كنت گدام الكل أمثل أني بخير ومن أدخل غرفتي وأشوف البوم صورنا مالت المهر يومية أشوفه وحفظت ملامحه كل شي بي يگول هو حبني وماراح يتركني ليش شنو الي صار مااعرف.. كنت من داخلي منهارة وبنفس الوقت احاول أبين عكس الي بداخلي.. بيوم الي صار الأجتماع بيتنا والصوت كان عالي بوقتها كان لازم أدخل خلص أني ماعدت الطفلة الصغيرة الي يسكتوها ولهذا قررت أواجهم أخذت شالي وطلعت ليمهم.. سلام عليكم

الكل.. عليكم السلام

الجد.. تعاي بوية تعاي

سناء.. رحت يم جدو وبست أيده وراسه.. شلونك جدو

الجد.. يابعد جدج أنت شلونج.. شوفي أنا ماراضي على الي سواه بلال وهاي ابوچ اهله ماعدهم خبر وأمه أجتي تعذرت من عندي وهم مستعدين لٱي شي احنا نريده

سناء... جدو محد له ذنب بالصار.. كل شي قسمة بالحياة وأني هذه قسمتي وأحتمال بيها خير اليه وله محد يدري.. صدگني ماضايجة ولا مقهورة.. بس أنتو شناوين تسوون.. وليش نعمان معصب شكو

الجد..بنيتي انتو زواجكم مثل گصة بگصة ومثل مابلال طلگچ لازم نعمان يطلگ اخته

سناء... هههه يعني جدو احنا بيا زمن عايشين.. العالم وين صارت ووين وصلت گصة بگصة شنو.. شلون تريدون يطلگ زوجته مافكرتوا بأطفاله شنو ذنبهم اذا خالهم مو گد المسؤولية.. ثم شلون حاسبيها گصة بگصة هم تزوجوا واحنا بعدنا بحكم مخطوبين...

نعمان.. وهذا الي دااحچي من الصبح ومحد يفهم... جدي انا لا اطلگ زوجتي ولا اشيل بيتي لبعقوبة.. عمتي خوش مرة وماراضية لا هي ولا نعمة الله هم مايقبل ننتقم منهم لأن على گد ايدنا.. يعني تعوفون الزلمة وتحاسبون النسوان

بسام.. هو وينه لو بس يجي گدامي إلا اكسر عظامه بس مو زلمه من بعيد البعيد ذب سمه وراح

سناء... بسام رجاءا اذا تحبوني وتريدون خاطري سدوا الموضوع ويمكن بيها صالح الي وهم ماانسى هو ساعدني أكمل حلمي واكمل دراستي... جدو رجاءا عوفوا الموضوع ولاتنطونه اهمية لان فعلا هو مو مهم

عادل.. بنتي الغالية يمكن غلطنا بحقج وأنا اتعهد گدام الكل مااخلي أحد يحچي عليچ بكلمه... شوفي هسة أنت الصدمة جديدة عليچ بس ترتاحيين.. يامكثر ولدنا واحد منهم يتزوجج وخلص