خاتم زواج

البارت ال24

خاتم زواج
البارت 24
بقلم هند الصالحي
..........................
ثناء..
ساعقد بين قلبي وبيني صفقة
اوبيني وبينك بالاحرى
سنطوي صفحتك الاخيرة
طيات صغيرة صغيرة
ونغلق الكتاب بسلاسل واقفال .
وسنرميه لاعماق البحار
وسافرض حضر تجوال 
على كل ذكرى منك
صوتك ...عينيك .. عطرك
وساوصي ان يكون الحظر على كل من يحمل اسمك من الرجال
لعلي بعد كل هذا  استغرق في نوم عميق
وتنتهي اسطورة حبك ومرضي العضال....... بقلمي H
.........................
مخلد...

ينشدوني عليك شلون وضعه وياك
… واكلهم مو طبيعي اهواي داراني.
وتطردني من ادك بابك
وأكل للناس طار من الفرح
لمن تلكاني . اشطبتني من سجلك
واني اكل للناس شطبني
من سجله للكلب وداني
…كالولي يكرهك كلت
غلطانين يكرهني بشقه
وبصدك يهواني كالوا
شلع كلبك كلت يعني
اصار شكو بيه اذا
محبوبي شاقاني
.........................
مجتبى..
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
..............................
سناء....
هل أنت فرحة أم خيبة أمل
انت الظل أم الصورة الأصل
دواء لجرح أم انتفاضة عقل
تختلط المفاهيم 
بين حب واخر بين ثاني وأول
لماذا التعقيد ؟
فكم من حب ثان شفا وافرح ولملم
ما دمره الحب الأول /هند
.......
مجتبى... بعد مارجعوا بيت عمي لديالى أنا بقيت بالكوت  وتناقشنا أنا والأهل بمراسيم العرس
هسة ماوصلنا لحل واقعي علوية.. انت شتريدين بالضبط

العلوية.. أنا اريد العرس يصير هنا جا شلون تريدني اروحن ليعد مريتك وهناك نسوي العرس ماعدنا بيت ماعدنا ولاية

سجاد... هسة انت شتردين بالضبط علوية ترى والله تعبانين ومابينا حمل مناهد

العلوية.. شوف أنا أريد العرس هانا أنت تجي قبل العرس بيوم ونسويلك حنة اطش بكل الكوت وثاني يوم تروحون تجيبون العروس وتجون والعرس يكمل هانه بيتي بولايتي

مجتبى... الأمر لله.. مادام انتو من هسة حضروا أموركم وأنا راجع لدوامي باجر.. واخابر بيت الحجي ونتفق على باقي السوالف

العلوية... تمام.. الله يسعدك وليدي لعد أنا شريد غير اريد سعادتكم....

مجتبى...الله يحفظج النا علوية.. ثاني يوم رجعت لبعقوبة وانتظرت 5 أيام وبعدين خابرت الحجي
الوو السلام عليكم حجي

عادل.. ياهلا بمجتبى شلونك يابة اخبارك الأهل شلونهم

مجتبى... والله بخير الحمد الله حجي.. يسلمون

عادل.. گول وليدي لازمك شي

مجتبى.. وآلله حجي أنت تعرف أنا كل شي عندي جاهز من كل النواحي وردت نتفق اتفاق اخير على موعد العرس وانا بيوم العقد بلغت سناء انه بعد اسبوعيين يعني فات أسبوع وبقى أسبوع وأريد اشوف شتحتاجون ماتحتاجون