خاتم زواج

البارت الواحد والعشرون

خاتم زواج
بارت 21
هند الصالحي
...............................

على كف القدر نمشي ولا ندري عن المكتوب
عبارة كنت أرددها صدق من صاغ معناها

مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا

تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها

من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا

وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها

نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها

ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها

متى يحـالفـنـي الحظ ويصحح وضعـي المـقـلـوب
يعـدل قسـوة الأيام وغلطة ما ارتـكـبـنـاهـا
.................................

سناء..  اللحظات الي مرت كانت صعبة وحسيت الهوه انگطع عني انعادت عليه كل الذكريات المؤلمة.. انا أفسر خوفي هو ردة فعل للماضي خفت ينعاد ويمكن هلمرة تكون القاضية ألي.. جنت مدنگة راسي ومرتبكة ومااعرف شبيه وفجأة سمعت كلمة مبروووك رفعت راسي وبلحظة شفت نعمان بوجهي وابتسم لا اراديا وبعدين ركزت عدل شفت هذا مجتبى سحبت الابتسامة راسا وجاوبت
الله يسلمك. استغربت ليش شفت صورة نعمان بمجتبى شنو الي دايصير.. بس شنو الجماعة عايفينا وحدنا ..

مجتبى... ممكن أگعد

سناء. تفضل..

مجتبى... سناء أنا سعيد كلش بأن خطوبتنا تمت ماتعرفين شسويت وشگد انتظرت لحد ماجا هذا اليوم

سناء.................

مجتبى.....شوفي حتى نكون واضحين من البداية.. أنا أول ماشفتج بالمستشفى دخلتي هنا (أشر على گلبه) وصممت لازم اخطبچ وتكونين زوجتي.. والحمد الله ربي أستجاب.. وهسة لازم اوفي بنذري فحضري  نفسج نهاية هذا الأسبوع

سناء.. لشنو بس لا تگول عرس ترى انا مامستعده ابد

مجتبى.. لا تخافيين العرس بعد اسبوعيين خير البر عاجله شكو منتظرين انا كل شي جاهز عندي

سناء... لعد لشنو اتحضر مافهمت

مجتبى.. مو أني نذرت اذا تمت خطوبتنا اخذچ ونروح لكربلاء نزور مشي 

سناء.. مشي أنت تحجي صدگ يعني أنت تنذر انا شنو ذنبي ادگها مشي شنو شفتني لاعبة مارثون.. ثم وحدنا شنو خاف عبالك چنت مخطوبة قبل او مطلقة ممكن اسمحلك بأي شي قبل الزواج

مجتبى... ههههعه هي هاي سناء الي اعرفها

سناء... ليش أنت منين تعرفني...