خاتم زواج

البارت الخامس عشر

خاتم زواج
البارت الخامس عشر
هند الصالحي
..................   
.. كنْ عاصفاً.. كُنْ ممطراً.. فإنَّ قلبي دائماً غفورُ اغضب! فلنْ أجيبَ بالتحدّي فأنتَ طفلٌ عابثٌ.. يملؤهُ الغرورُ.. وكيفَ من صغارها.. تنتقمُ الطيورُ؟ اذهبْ.. إذا يوماً مللتَ منّي.. واتهمِ الأقدارَ واتّهمني.. أما أنا فإني.. سأكتفي بدمعي وحزني.. فالصمتُ كبرياءُ والحزنُ كبرياءُ اذهبْ.. إذا أتعبكَ البقاءُ.. فالأرضُ فيها العطرُ والنساءُ.. والأعين الخضراء والسوداء وعندما تريد أن تراني وعندما تحتاجُ كالطفلِ إلى حناني.. فعُدْ إلى قلبي متى تشاءُ.. فأنتَ في حياتيَ الهواءُ.. وأنتَ.. عندي الأرضُ والسماءُ.. اغضب كما تشاءُ واذهبْ كما تشاءُ واذهبْ.. متى تشاءُ لا بدَّ أن تعودَ ذاتَ يومٍ وقد عرفتَ ما هوَ الوفاءُ.
...............
سناء.. من طلعت ورا ابن نعمان لان هوسة ومحد منتبه عليه وأمه ماادري وين صارت همزين لحگت عليه چان وگع بجداري الأكل ومن دااشيله شفت واحد صافن عليه بس ماعرفته معقولة يكون اقرباءنا وماادري... المهم اني هم ضجت من نظرته فخزرته أشو هذا ابتسم وراح عجيبة هذا شلون بشر.. اخذت ابن نعمان ودخلت جوه معصبة من الموقف وأول مادخلت جتي أمه مقابيلي فأنهديت بيها
وين چنتي خاتون ملتهية تسولفين وعايفة أبنچ همزين مااحترگ

نعمة...يمة وليدي والله صعدت فوگ دااجيبله حفاضة واسويله ممة.. والله عبالي يم عمتي تعال ماما تعال

سناء.. أستغفر الله.. عذريني نعمة مو قصدي بس هذولة أمانة الغالي الباقين من ريحته ديربالج عليهم.. لان كلنا نشوف نعمان بيهم... لهنا وبعد ماگدرت أكمل حچي خنگتني العبرة عفت الكل ورحت لغرفتي ورجعت اتذكرت أول ماطبيت للمقبرة وقريت أسم نعمان وركضت حضنته للگبر كأنه هو يمي مو مزاره
عاتبته بچي وشهگه يمكن كل الي بالمقبرة سمعوه
نعمان.. نعمانو تسمعني خوية.. أني سناء تؤم روحك تذكرني لو نسيتني.. نعمان مو چان الكل يگول انتو مثل التؤم ماتتفارگون لعد ليش تفارگني شلون گدرت روحك تفارگ روحي ليش مااخذتها وياها.. نعمان شلون راح أعيش بلا ضحكتك الحلوة.. المن أشتكي من يضيمني الوكت.. منو الي يزعجني ويريد چاي بأخر الليل... المن أسولف بعد والمن اشكي.. شلون هنت عليك تروح بدون ماتودعني.. لك نعمان شسوي انا بدونك.. شلون اتنفس بعد وانت نفسي اليصعد والينزل.... تدري يگولون أني من يوم الي رحت وأني فاقدة عقلي وماادري بالدنيا شكو.. مو حقي يا بو طول الحلو من اشوفك بالتابوت يروح عقلي.. أني متعجبه شلون خاني گلبي وما وكفت نبضاته.. المن باقيه وحزام ظهري راح.. شلون تجي من لساني أكول بعد اسمك الله يرحمه.. اخ اخ يا خويه يا قطعة من روحي وين رحت.. بعد وكت على سكنة الگبور.. شعجبك منها وعفتنا.. نعمان حبيبي تسمعني أذا تسمعني جاوبني يا بعد اختك يا بعد كل هلدنيا...

سهيلة... وج يمه كافي فطرتي گلبي هو أنا ناقصة ضيم

عادل... كافي بنتي حرام هيچ تسوين أقري الفاتحة وخلي نرجع للبيت