One Night, One Lie (GLS#2)

Kabanata 31

Kabanata 31

Hope You Don't Mind

Iniwan ko lang si Brandon sa waiting area. I don't expect him to truly be there the whole time I'm here. Inisip kong maaaring ayaw niyang pumunta kay Arielle pero may parte sa kanyang nag iisip na responsibilidad niya ang pag aalala sa babaeng iyon.

"Kayo ni Brandon Rockwell?" Tanong ng iilang kaibigan kong nakapasok rin pala sa Summit.

Umiling kaagad ako at ngumisi. "We're just friends."

"Really? Friends? Brandon Rockwell? And he's always with you." Nagkatinginan sila ng isa pang modelo na chinita ngunit hindi ko ka close.

"Avon, where's Adrian?" Tanong ng isa sa mga managers ng agency namin.

"Basa Boracay pa yata. Bukas pa yata uwi non." Sabi ko. "Burning his skin, getting ready for the Summit. Is he going to wear something indecent?" Natatawa kong sinabi.

Ngumisi ang manager naming bading. "Well, tatlong set ang nakahanda para sa kanya, tulad mo. May suit, may topless."

Umirap ako. Kaya pala. And this gay is already drooling at the thought of Adrian almost naked!

Pagkatapos ng fitting na naging maayos naman ay lumabas na ako ng agency. Brandon was in the midst of a crowd of the best models in our agency. Tatawagin ko na sana ngunit iritado na agad ako sa pag eenjoy niya sa company ng mga babaeng pare parehong matatangkad at magaganda. Pinaglalaruan nila ang bagong buhok ni Brandon. Umiilag siya sa kanilang mga naglalarong daliri ngunit nangingiti parin.

Namataan niya ako at agad akong nag iwas ng tingin sa kanya.

"Alis na ako." Sambit ko sa nasa reception bago dire diretsong nagmartsa patungong elevator.

Sumunod kaagad si Brandon sa akin sa elevator. Nangingiti at hindi pa nakakalimot sa tawanan na nangyari sa kanila ng mga modelo kanina.

"Nang iiwan ka talaga lagi. Naghihintay ako sayo, if you don't remember." Halakhak niya.

"If you want to spend quality time with some of the most precious models in our agency, I'm not stopping you, you know." Sabi ko, humahalukipkip.

Dumami ang sumakay sa elevator. Nagkasiksikan at mas lalo kaming napalikod ni Brandon. Hindi ko nga lang alam kung sinasadya niya bang paglapitin ang aming mga braso o talagang masyado nang siksikan para magkaroon pa ng espasyo.

"Oh come on. Naghihintay ako sayo, I'm not spending quality time with them. Ang sarap mong mahalin, selosa." Humalakhak ulit siya.

Nilingon ko siya. I find his words offensive, this time. Imbes na umangal ay hindi ako makapagsalita sa di malamang kadahilanan.

Nagmartsa lang ako pagkalabas ng elevator at agad nahanap ang sasakyan niya. Sumisipol na siya at good mood sa nangyayari habang ako ay bulkan na umaamba ang pagsabog.

"Ihatid mo ako sa mall. I wanna go shopping." Sabi ko.

"Oh! I'd like to go shopping with you." Aniya, nagpapalusot na naman para isama ko sa mga gagawin ko.