One Night, One Lie (GLS#2)

Kabanata 3

Kabanata 3

Ponytail

"Si Brandon Rockwell ay anak ng isang foreign businessman na nag invest sa Highlands Golf and Country Club." Monotone ang tono ng boses ni Adrian nang nasa loob na kami ng hotel.

Sabog sa kalasingan si Jessica at naroon sa CR habang sumusuka. Abala naman ako sa paghahagilap ng impormasyon sa kay Brandon Rockwell.

Kahit sa after party ng competition ay hindi ko nahagilap ang kabit ni daddy. Ang tanging naroon ay ang mga judges at ang iilang mga contestants at mga kabilang sa staff. Adrian flirted with both girls and boys while Jessica got involved with a lot of vodka. Ako lang ang walang ginawa kundi mag masid.

Ginulo ko ang buhok ko pagkatapos pinindot ang send sa Gmail account ko. "Napapraning na ako!"

"Hindi ko nakita ang babaeng tinutukoy mo, A. But if we find Brandon Rockwell on Facebook, maari rin nating ma trace sa friendlist niya kung sino nga iyon." Ani Adrian.

Kaya dalawang oras ang iginugol namin para doon ngunit nalaman kong hindi nagpapakita ang friendlist ni Brandon Rockwell.

"Give it up, guys." Pabulong na sinabi ni Jessica habang nakasalampak na siya sa kama. Ganon na rin ang hitsura ni Adrian habang ako ay gulong gulo ang utak.

Ang tinipa kong sulat kanina sa aking Gmail account ay isang application letter para sa Highlands. If that Brandon Rockwell own this place, then I should work here. I will need the experience too. Pero ang una kong misyon ay ang pagkalap ng impormasyon tungkol sa kabit ni daddy. Kung ayaw niyang kumanta ay ako mismo ang maghahagilap sa katotohanan.

Habang nasa eroplano sa mga sumunod na araw ay nakatanggap ako ng mensahe galing sa Highlands na natanggap na ako bilang isa sa mga department managers nila. That's what Enderun and my internship abroad's got me. Kahit iyong mga malalaking hotel ay nagagawa paring i acknowledge ang credentials ko.

"Please turn off your cellphones or other gadgets. We will be taking off soon." Anang speaker sa buong eroplano.

Uuwi ako ng Cebu. Kahapon, nang bumisita ako sa Cavite at nadatnan ko si daddy kasama ang tito ko sa ospital ay hindi ko maiwasang makisimpatya sa kalagayan ni tito. Ganunpaman ay hindi ko magawang tumingin ng diretso kay daddy. Kalahati sa akin ay nag iisip na mas pinipili niyang manirahan sa Cavite dahil taga rito o malapit rito ang tirahan ng kanyang kabit. Or maybe, he's living with his mistress?

Pinilig ko ang ulo ko. I am so frustrated but I refuse to plant anger in my system. Sana lang ay magawa ko iyon. Tumulo ang luha sa aking mga mata at hinigpitan ang seatbelt ko. I'm a daddy's girl. Hindi ko matanggap kahit bali baliktarin ang mundo na may ganito. I couldn't even ask him straight. Hindi ko magawa ang simpleng bagay na iyon dahil natatakot ako na baka nga tama ang hinala ko.

"Avon, dapat ay sabihin mo sa daddy mo na umuwi na siya dito. It's almost a year and if that case isn't solved yet, then he'd better go home." Sabi ni tito nang nasa hapag kami at binibisita kami ng mga pinsan ko at ng mga tito ko.

Mom's depressed. Very depressed. May mga visits na siya sa mga doktor para matuonan ng pansin ang kanyang depression. She's taking meds for it. Umiling si tito habang tinitingnan si mommy na abala sa paghahanda ng pagkain at pakikipagtawanan sa kina tita.