One Night, One Lie (GLS#2)

Kabanata 41

Kabanata 41

What Are You Wearing

Kumain muna ako sa Clubhouse bago ako bumalik sa villa niya. Nag isip ako habang kumakain ako. I'm here to make up for whatever I say or did to Brandon. I'm doing my very best. Pero wala ako rito para alipustahin niya kaya hindi iyon maaari. I can only do what I'm told. I can't be abused, kahit na may atraso pa ako.

Pag pasok ko sa villa ay naabutan ko siyang topless sa sala. Suminghap ako at pinanood ang kanyang paghihirap habang tinatanggalan ng bandage ang sugat sa likod niya. This reminds me that he was critical just weeks ago.

"May I?" Sambit ko at naglakad patungo sa kanya. Batid ko ang paghihirap niya.

"No, I can do it." Sabi ni Brandon habang palapit ako sa kanya.

Nagtiim bagang ako. Gusto niyang pantayan ang pride na ipinakita ko kanina. Sinubukan kong hawakan ang bandage na naroon ngunit mabilis niya iyong binawi. Nakita ko na may ilang sariwang stitches pa doon sa sugat. Agad siyang tumalikod para matigil ako sa pag titig.

"Ang sungit mo." Sabi ko.

Nag angat siya ng tingin sa akin. Tinalikuran ko kaagad siya.

"Where have you been?" He asked accusingly.

"Kumain ako sa labas." Sabi ko, bago binuksan ang pintuan ng kwarto ko at nagkulong doon.

I made some calls while inside my room. Kay Jessica, kay mommy at daddy, kay Adrian. My second night was not that bad. Kahit na hindi parin maalis sa utak ko iyong nangyari kagabi ay maayos pa rin naman ito kahit paano.

Naisip ko rin iyong sugat niya na hindi pa lubusang naghihilom. I'm kind of worried. Nag jo-jogging parin kaya iyon kada umaga ngayon?

Maaga akong gumising para tingnan kung mag ja-jogging ba siya. Ganon din siya ngunit mukhang hindi siya nag jogging. Habang nag bibihis siya ay nagluto naman ako ng breakfast niya.

Hindi niya ako inutusan pero gusto kong gawin iyon. Lumabas siya sa kwarto niya ng naka puting long sleeve polo na na nakababa ang unang tatlong butones. Basa pa ang buhok niya at abot sa kusina ang bango.

Sinilip ko siya at namataan niya agad ang pagsilip ko.

"Nag luto ako ng ham at sunny side up eggs." Sambit ko at agad binalik ang mata sa niluluto.

"That's good," aniya.

Kumibot ang labi ko. Balak mo talagang alipinin ako dito, huh? "Anong gusto mong ulam mamayang gabi?"

"Adobong manok." Diretso niyang sinabi.

Ngumuso ako. Holy hell. Hindi ko alam kung paano 'yan. "Okay. Magluluto ako." But yes of course, Google. And when all else fails, call mom.

Inihain ko ang mga lutong bacon at sunny side up eggs sa pinggan. Nilagay ko iyon sa lamesa na may juice na sa baso at pinggan para sa akin at para sa kanya. Pakiramdam ko nagbabahay bahayan kaming dalawa. Kaso suplado lang ang asawa ko at hindi man lang ako nililingon.

Humanda ka mamaya.

"May meeting ako mamayang mga alas otso. Bilisan mo ang paghahanda para makaabot ka." Sabi niya pagkatapos kumain.