His Possessive Games

Chapter 13

KIRO

TATLONG ARAW na ang nakakalipas simula ng maganap ang bagay na hindi ko inaasahan. Sa tuwing naaalala ko iyon ay gusto kong sigawan at suntukin ang sarili ko. Bakit hindi ko man lang pinigilan ang sarili ko? Bakit hinayaan kong mangyari 'yon?

"Kiro!" Nabalik ako sa huwisyo ng marinig kong tinawag ni Rico ang pangalan ko. 

"Hah?" Mabilis kong sagot.

"Kanina ka pa wala sa sarili habang ako dito ay namomroblema na kung ano nga ba ang tamang information ang kailangan para sa reporting natin." Pagmamaktol nito. Napangiti naman ako at kinuha ang laptop sa kaniya. Nandito kami ngayon ni Rico sa library para tapusin ang report bukas sa chemisttry na imbes ay lima kaming miyembro, ay tanging kaming dalawa lang ang gumagawa.

"Sorry." Paghihingi ko ng paumanhin. 

"Iniiwasan mo ba si Malcolm?" Nabulunan ako sa sarili kong laway ng marinig ang tanong niya. Mabilis kong kinuha sa bag ang tubigan at uminom.

"A--ano bang klaseng tanong 'yan?" Inis kong sagot. Pansin ko sa rear vision ko ang kakaibang titig ni Rico na parang gusto nitong sabihin ko ang dapat niyang malaman. "Huwag mo nga ako titigan ng ganiyan!" Iritado kong sambit. Nagtaas baba na lamang siya ng balikat at umupo ng maayos. Itinuon ko na lang ang atensiyon ko sa paggawa ng report habang siya ay naghahanap na rin sa libro. 

Mag aalas tres na ng hapon pero hindi pa rin kami tapos dalawa. Aish! Kung nandito lang siguro ang tatlong pugo na 'yon ay siguradong kanina pa kami tapos. Hindi pa ako tapos sa ginagawa ng mapansin kong tumawag ang papa ni Rico dahil may kailangan ito. Tinanguan ko naman siya para sabihing ayos lang ako. Bakas sa mukha niya ang pag-aalala hanggang sa wala na siyang nagawa pa kung hindi ang umalis.

"Tatawagan ko na lang si Edmon para tulungan ka." Aniya. Pipigilan ko sana siya para sabihin na huwag ng tawagan pa ang pugong iyon dahil baka makadistract lang ako sa ginagawa ko. At ang mas kinatatakot ko ay baka isama nito si Malcolm. Iniiwasan ko pa naman ang lalaking 'yon.

Napabuntong hininga na lang ako at nagpatuloy na sa ginagawa. Ng medyo nangalahati na ako sa ginagawa ay naisipan kong bumili ng kape sa vending machine na nasa labas ng library. Maghuhulog pa lang ako ng coins ng pumigil sa kamay ko. Napaangat ako ng tingin sa may ari ng kamay na 'yon. Naningkit ang mata ko ng makita si Edmon. Inabot nito sa akin ang kape. Ilang segundo ko rin iyon tinitigan hanggang sa tinanggap ko na lang.

"Salamat dito." Napantango naman siya sa sinabi ko at dumiretso sa loob ng library. Weird. Bigla tuloy akong nakaramdam ng awkward sa part na 'yon dahil sa tuwing nakikita ko siyang kasama nila Malcolm ay kung makangiti siya ng wagas ay parang wala ng bukas. Nagkibit balikat na lang ako at bumalik na sa loob ng library. Umupo naman siya sa tabi ko at inabot ko sa kaniya ang mga libro. 

"What part isn't done yet?" Tanong nito. 

"Kailangan na lang natin dagdagan ang introduction." Sagot ko sa kaniya. Napatango-tango naman siya at lumapit pa sa pwesto ko. Ngayon ay magkadikit na ang balikat naming dalawa. Aatras sana ako ng bigla siyang tumingin kaya 'di na ako gumalaw pa at ngumiti na lang.

"What do you think about this study?" Aniya sabay pakita ng libro sa akin. Napanganga ako ng mabasa ang nakalagay doon. Bigla tuloy akong humanga dahil hindi ko inaasahan na mabilis siyang makakahanap ng basehan para sa idadagdag sa introduction ng report. 

"Hindi ko inaasahan na nag-aaral ka pala?" Insulto ko dahilan para mapangisi siya. Ngayon ko lang napansin na hindi niya kasama ang iba niyang kaibigan at kasama na roon si Malcolm. Hindi na ako nagtanong pa at nagsimula na lang magtipa sa laptop ni Rico. 

Habang tumatagal ay pakiramdam ko ay nakakatulong na si Edmon dahil sa mga naidadagdag niyang ideas. Ngayon ko lang napansin na may matalino pala sa kaibigan ni Malcolm, himala? Natawa na lang ako sa naiisip dahilan para mapatingin sa'kin si Edmon.