His Possessive Games

Chapter 18

KIRO

PAGKAPASOK KO loob ng silid ay bumungad sa amin ang napakaraming estudyante ng Hustone kasama ang iba pang mga section. Nakapila ang lahat ayon sa mga section nila at batch kaya hinanap namin kung nasaan ang iba pa naming kaklase hanggang sa ng makita na namin ay pumila na kami nina Malcolm doon. Habang nakaupo ay pilit na pinapatong ni Malcolm ang ulo niya sa balikat ko kaya ng makailang alis ko doon ay ako na mismo ang sumuko dahil sa kulit niya.

Ilang minuto rin ng dumatin na si miss at tumahimik na ang lahat. Sinabi nito ang mga gagawin namin dito sa isla at kung ano ang mga activities na gagawin. Naexcite ang lahat dahil sa mga activities na binanggit ni miss lalo na iyong huling game. Aaminin kong na-excite din ako sa mga laro na gaganapin.

"Bago tayo lumisan sa hotel na ito ay gusto kong sabihin na kung sino ang kasama niyo sa inyong kwarto ay sila rin ang makakasama niyo sa tent, maliwanag ba?" Nadismaya ang lahat sa sinabi ni miss pero wala ng nagawa kung hindi sundin ang utos nito. Sinabi rin ni miss na sasakay pa kami ng bus para puntahan ang camp site kung saan nakahanda na ang mga activities. Gamit ang mga key card na nasa amin ay kukuhanin namin ang bag na naglalaman ng mga gamit na gagamitin sa camping kaya pumunta na kami sa gilid para kuhanin ang gamit. Kukuhanin ko na sana iyong bag ngunit naunahan na ako ni Malcolm.

"Ako na ang magbubuhat niyan," aniya.

"Pero--" hindi ko na natuloy pa ang sasabihin ko ng ngumiti siya at hinawakan ang kamay ko kasabay ng paghatak sa kamay ko. Narinig kong umangal sila Oliver dahil wala man lang daw silang katulong magbuhat ng kanila lalo na at si Malcolm ay kasama rin nila. "Hindi mo naman kailangan na tulungan ako."

"But I want to, Kiro." Kinuha ko sa kamay niya ang bagahe at hinawakan ang kamay niya. Hindi ko rin alam bakit ko iyon ginawa at kung ano ang pumasok sa kokote ko pero isa lang ang sinasabi nito, gusto kong hawakan ang kamay niya.

"Okay," mukhang nagulat siya sa ginawa ko at ng maglalakad na sana ako ay napansin kong hindi siya gumagalaw mula sa kinatatayuan niya. "akala ko ba gusto mo nito? Kung ayaw mo sige bibitaw na ako--" bibitaw na sana ako ng bigla niyang higpitan ang paghawak sa kamay ko.

"No," madiin nitong saad. Napangisi naman ako at nagsimula na kaming maglakad dalawa pasakay ng bus. Marami ang napapatingin sa aming dalawa at bakas sa mata nila ang pagkamangha at gulat.

Pagkaupo naming dalawa ay sinandan niya ang ulo niya sa balikat ko. Hinayaan ko lamang siya sa ginagawa niya hanggang sa pumasok na rin ang iba pang estudyante na kani-kanilang bus.

"Boss sobra na 'yan, hindi dito ang upuan mo." Pagmamaktol ni Oliver dahil siya talaga ang katabi ko dapat.

"Alis." Pagtataboy niya sa kaibigan kaya natawa na lang ako at hinayaan silang dalawa. Napakamot na lang sa batok si Oliver at wala ng nagawa pa kung hindi ang pumwesto sa upuan ni Malcolm kung saan katabi niya iyong kaklase naming tahimik.

Ng maramdaman kong binuhay na ni manong driver ang makina ay kinuha ko na sa bag ang cellphone ko at gumamit ng earphone para magpatugtog. Siguradong isang oras rin ang biyahe bago makarating doon kaya mabuti ng ilibang ko na lang ang sarili ko sa pakikinig ng music at pagbabasa ng manga. Habang nakasabit sa dalawang tenga ko agn earphone ay inagaw naman ni Malcolm ang isa at nakangiting humarap sa akin. Napailing na lang ako dahil sa kulit niya at nagpatuloy sa pagbabasa ng manga.

Sa tuwing napapatingin ako sa mukha ni Malcolm na tahimik na natutulog ay may nararamdaman ko na naman ang pagbilis ng tibok ng puso ko. Kahit pigilan ko ay hindi ko magawa dahil tila may sariling buhay ito. Itinuon ko na lamang ang atensyon ko sa pagbabasa pero wala talaga, sadyang napapatingin ako sa kanya. Aish! Bakit ba ganito ang nararamdaman ko?