#مثلث_برمودا
الحلقة 4
لايك قبل ماتقرو بش توصلكم الحلقات
بقلم PULSE
(Bs.Am.Ya)
هاشم مزال ايقرب وغدي توخر لين خبطت في الساس ومعش عرفت وين تمشي وهوا جا قدامها وحاصرها بيدة
غدي:شن تبي مني بعد وخليني نمشي
هاشم كان قريب منها
هاشم:هوا انتي فاكرة دخول الحمام زي خروجه
كان قريب منها بكل لدرجة غدي كانت تحس بالنفس متاعة على وجها
غدي:مغمضة عيونها بقوة وادف فيه بيدها بس ولا كأنه لأنه أضخم منها
هاشم:ضحك على منظرها ونزل راسه وبعد من عليها
هاشم:بش تعرفي مرة أخرى اللعب معا هاشم مش ساهل
غدي:فتحت عيونها وبعصبية كنك اتحسسني انه انا اللي غالطة فيكم انتم اللي خاطفيني على شان مصلحتكم وأخرى مش عاجبك كنك امحسسني اني نشتغل عندكم مش مخطوفة
هاشم:وهوا ماسك سلاح ويقلب فيه بيدة تمام بكل
غدي:اتبحت فيه واقريب تنحرق من برود أعصابة
هاشم:عزق لسلاح اللي في يدة وقرب من غدي وكرها من يدها
غدي:اتحاول اتفك روحها منه سيبنييي وين واخذني نعرف نمشي بروحي
هاشم ميردش عليها
فتح باب دار ودفها فيها بقوة وسكر الباب
غدي:مشت تجري للباب وتخبط عليه هيييي انت حل الباب مش هك اتفقنا انت قلت بتردني مكان ماجبتني إلا لو انت مش راجل وقد كلمتك
هاشم استفزة كلامها وعيونه قريب ايشيطن وكان بيخش ايخلص عليها بس رماح مسكة من يدة
رماح:خلاص خلي البنت في حالها زودتها هكي بعدين هيا مخطوفة من غير ذنب من حقها اتقول اللي اتقولة متهورش توا وادخلنا في موضوع آخر غير خلي يطلع النهار ونردوها للمستشفى
هاشم:بحت فيه ومن غير ولا كلمة مشا لدارة وقربع الباب
رماح:يستر الله انشالله ربي ايعدي الليلة على خير اوففف شن الجوع هذا المشكلة شغالتنا جايبة قصدي مصابة واكيدة بنقعد نخدمة توا الله يقرفك يانوح شكلك تنتقم مني اممم ممكن اندير شكشوكة الحاجة الوحيدة اللي نعرف انديرها اصلا بعدها اذكر حاجة ابتسم وكان في دمعة انحبست في عيونه
بقلم PULSE
(BS.AM.YA)
أما عند غدي
ضربت باب الدار بكراعها
غدي:حطت يدها على راسها شن الورطة اللي نا فيها توا اكيد لاحظو غيابي في المستشفى وهلي كيف بنطمنهم عليا ماما لو عرفت اني مخطوفة ممكن اتريح فيها ياربي شن درت نا بس لهذا كلة وطاحت على الأرض وحطت ايديها على وجها اتفكر شن بيكون مصيرها وخايفة على أمها اللي عندها الضغط والسكر وخوها وشغلها اللي لو انتشرت القصة الحاجات هذينا كلهن هيتأذن
بقلمي PULSE
(Bs.Am.Ya)
غدي:قعدت طول الليل واعية وتقرأ في الأذكار وتدعي لعند محستش على روحها وغفت من التعب
رماح وهوا ياكل في المطبخ خطرت عليه غدي
رماح:صاح البنت هذي من لما خطفناها مكلتش شي وتعبت من بدري اكيد وهيا تشتغل تو انحطلها
شاللها سفرة فيها وكال فتح الباب وشافها راقدة وهيا مقعمزة
رماح:مسكينه اكيد من التعب توا انخليها وبعد اتنوض تاكل وحط السفرة وطلع
طبعا في المستشفى لأنه كان الوقت متأخر والأغلب كان مروح ومفيش حالات كانت واصلة منتبهوش انه غدي مختفية
أما نادية امها كان قلبها نار وهيا ترن وغدي متردش
على الفجر هكي انتشر فيديو على مواقع التواصل الاجتماعي
"هروب الدكتورة غدي أحمد مع ثلاث شباب من أكبر عصابات المافيا وتجار الأسلحة والمخدرات المطاردة من قبل العدالة يبدو أنها من أحد أعضاء العصابة وتعمل لديهم"
وكان الفيديو هذا في تصوير للعصابة بعد خطفو غدي بس مكانش واضح كويس
طبعا الفيديو هذا انتشر في كل مكان في جميع القروبات وصل عند كل الناس
في واحد رن على رماح ورماح كان راقد ومباش ايرد لكن التلفون موقفش رن
رماح رد وعيونه نص مغمض نص مفتوح
رماح:ها يازفت شن فيه سكنت لمي كنك
يوسف (واحد يشتغل معاهم):تي الحق امشي افتح نت شوف شن منزلين
رماح:را وحق ربي انسكر وأول مانشوف وجك نعجنك نت شنو اللي في نص الليل شن بيكون فيه
يوسف:غير افتح بس في فيديو منزل على كل مواقع النت انه في بنت هاربة معاكم ومش عارف شنو ضروري اتسيبوها الشقة اللي هنا الوضع خطر توا
رماح:قعمز بسرعة تي شن تدوي انت بنت شنو وهاربة من بعدها خبط راسة الدكتورة
يوسف:دكتورة؟
رماح:سكر سكر توا تو انتصرف
يوسف:تم شوي وجايكم وسكر
بقلم PuLse
(Bs.Am.YA)
أما في حوش هل غدي امها طول الليل معرفتش ترقد قلبها قابضها حاسة انه صاير شي لبنتها قالت ممكن انشغلت ومعاش شافت تلفونها قاعدة تدعي وخلاص
أما يعقوب كان راقد ورن عليه صاحبة
يعقوب:رد وهوا مغمض عيونه ايوااااا
محمد (صاحبة):وين راقد يا راجل ومتندري عل الدنيا مقلوبة في المركز شن صاير عندكم أكيد فيه غلط
يعقوب:غلط شنو ومركز شنو وصاير شنو شن اتخرف على الصبح امشي ارقد مش وقتك بكل راه
محمد:يا
وقبل مايكمل كلمته قعد باب حوشهم ايدق بقوة والباب شوية ويتكسر
نادية:حطت يدها على قلبها بسم الله شن فيه من ايدق هكي وطلعت للصالة
يعقوب:تو انكلمك بعدين وسكر ومشا يجري ايشوف شن فيه ومن ايدق بالقوة هذي في الوقت هذا
نادية:بسم الله رد بالك يا ولدي يستر الله
يعقوب فتح الباب
سيف:....
يتبع...
بقلمـ PuLse
(Bs.Am.Ya)
