#مثلث_برمودا
الحلقة 5
بقلم PULSE
(BS.AM.YA)
يعقوب فتح الباب
سيف:عيونه كان فيهم ناااار🔥🔥
خش جوا وين اختك المصونه بنت الناس الدكتورة يحكي بصوت عالي
يعقوب:هي هي انت وين ماشي وشن فيه للدق هذا كلة وفي الوقت هذ هبلت شكلك
نادية:كنك ياولدي بسم الله شن صاير فهمنا
سيف:ضحك قلتولي غدي وين
نادية:غدي مش قاعدة عندها مناوبة اليوم
سيف:قعد يضحك بصوت عالي صار مناوبة هههههه والله انك مسكينه ياخالتي وعلى نياتك انتي أو هههههه مناوبة
يعقوب:بتحترم نفسك وتدوي كويس وتقول شن صاير وإلا والله انتعامل معاك لا كأنك ولد عمي ولا تقربلي أساسا فأدوي خيرلك
سيف:قرب منه ماهو حضرتك لو راجل وعارف تمسك اختك العفيفة را مصارش اللي صار
يعقوب:تي شن اتخرف والله نمسكك نعجنك ومايفكك مني حد
سيف:كان قلت الكلام هذا لختك الصايعة اللي حطت روسنا في الأرض الدكتورة اللي فرحانين بيها اهي في اللاخير هربت وباعتكم هه ومعا من مع أكبر عصابة اتاجر في أسلحة ومخدرات ويامحاسن الصدف نفس العصابة اللي ماسك قضيتها
يعقوب مسكة من سوريته
يعقوب:احترم نفسك واختي متجيبش سيرتها على لسانك اختي أشرف منك ومن هلك كلهم واطلع من الحوش بكرامتك خير ماتطلع من يدي على المستشفى 😡
نادية:مصبية اتبحت ومش فاهمة شي شن فيه وانت شن قاعد اتقول عن بنتي
سيف طلع تلفونه ومدة ليعقوب
سيف:امسك تفرج على عارنا تفرج على عار عيلتنا بسبب اختك المصونه
يعقوب كر منه التلفون بعصبية وهوا ايتحلفلة
وجت أمه تجري تبي اتشوف وهنا كانت الصدمة يعقوب ايتفرج على الفيديو ويقرأ في الكلام ومش مصدق ولا مستوعب
نادية:بصوت يرعش لا مستحيل مش بنتي مش غدي اللي ادير هكي نا نعرفها مبربيتها بيديا مستحيل ادير حاجة اتوطي روسنا مستحييييل 😭
يعقوب:عزق التلفون في وجه سيف الفيديو هذا امفبرك اختي ونعرفها وواثق فيها أكثر حتى من روحي ومنسمحلكش لا انت ولا غيرك تجيبو سيرتها بالغلط على لسانكم وإلا وربي تشوف مني اللي عمرك ماشفته ونا متأكد لو الفيديو هذا فعلا فغدي مخطوفة مش هاربة لأنه الصورة مش واضحة والباين انها مخطوفة
نادية قاعدة في حالة صدمة مش مستوعبة اللي قاعد ينقال عن بنتها
بقلمي PULSE
(BS.AM.YA)
سيف:بصوت عالي كان اختك شريفة واتخاف على سمعتكم كيف ماتقول شن ايفسر انه كل مرة نجي نطلبها تردني المشكلة مفيش سبب مقنع هذا دليل على أنه في حد متفقة معاه وانا كنت شاكك واهو توا كل حاجة بانت وشكي طلع في محلة ومن أخرى واحد من أكبر العصابات اللي في لبلاد هه ونا ماسك قضيتهم خلت وجهي مش عارف نرفعة قدام زملائي وانت شوف بتقعد مضحكة على لسان الكل ماهو لو راجل متخليش اختك على حل شعرها لين ادير العار ورب العزة نمسكها ونمسك العصابة اللي هاربة معاها والله لو نلقاها نقتلها ومانرحمها اندمها على اليوم اللي جت فيه لو مادرتها مايقعد اسمي النقيب سيف
يعقوب هنا عطا بوني لسيف وخلة خشمه ينزف
يعقوب:اقسم بالله كلمة أخرى عن غدي تجيبها على لسانك والله نقتلك في مكانك وميهمني حد
نادية:خلاص خلاص اسكتو بنتي بريئة مدارت شي نا متأكدة واغمى عليها
يعقوب:أميي ومشا بسرعة ايشوف أمه
اما سيف طلع من الحوش وهوا يتحلف انه بعد يمسك غدي يقتلها ويشرب من دمها
