#مثلث_برمودا
الحلقة 21 (الأخيرة)
بقلم PULSE
(Bs.Am.Ya)
"قد نستطيع السيطرة على مشاعرنا،لكن للأسف لا نستطيع التحكم فيها 🖤"
نوح:احم انا يعني بما أنه قررت انتغير ونبدا صفحة جديدة في حياتي قررت انه بعد منسافر ونستقر غادي بنروح ونتقدم لغدي لأنه بصراحة طيحتني في غرامها من أول نظرة كيف مايقولو
رماح:احييي
هاشم:كأنه اصاباته صاعقة وعيونه نار عاود شن قلت
نوح:كنك قلت انه غدي نحبها وبنتزوجها وقبل مايكمل كلامة
هاشم:هجم عليه من دون مقدمات من أمتى يا حقير من أمتى والله ما تحلم بيها
رماح:ايحز فيهم غير وسعو بالكم تو انتفاهمو
نوح:يمسح في فمة من الدم انتفاهمو على شنو مش شايفة شن قاعد ايدير هذا ونا انقول بيفرحلي
هاشم:هجم عليه مرة أخرى حبيتها قبلك انا أفهممممم تعرف نقدر نعدمك توا وميهمني حد جرررب تفكر في الموضوع هذا مرة أخرى
نوح:دفة بعصبية أمتى حبيتها انت اصلا ها ولا امتى كنت معاها كويس انت الوحيد اللي كنت تعامل فيها بقسوة انت الوحيد اللي تجرح في مشاعرها قولي أمتى حبيتها هااا أمتى
هاشم:بصوت عالي اها حبيتها الزفت حبيتهااا من غير منحس على روحي وانت شن خلااك تحبها شن خلاك اتحب البنت الوحيدة اللي صاحبك آمن بالمشاعر بسببها ادويييي
نوح:هه شن خلاني انحبها اللي خلاني انحبها انه هيا الوحيدة اللي كانت اتحسسني انه نا موجود اهتمت بيا بعد انصبت وعالجت جرحي لين تعافيت ومش ذنبها هذا بس هيا اهتمت هيا اللي بعد ما كنت مريض تسأل عليا كل شوية انقولك شن خلاني انحبها كانت تهتم حتى لو كان الاهتمام هذا بسيط وبالنسبة لها عادي بس كان بالنسبة ليا كبيير حتى خلتني انحبها غصب عني افهمممم مش انا اللي انتحكم بمشاعري
هاشم:حتى نا منتحكمش في مشاعري خلتني انحبها بحركاتها بكل شي فيها انت عارف شن الفرق بيني وبينك عااااارف انه انت تقدر اتعبر عن مشاعرك بسهولة اما أنا جباااااان مستحيل نحكي لحد شن نحس بس اياك يا نوح والله العظيم ننسى كل حاجة بينا وننسى صحبتنا وننسى كل شي لو فكرت في غدي هكي وخش وسيبهم
نوح:طاح على ركبته باهي انت كنت عارف ليش ماقتلي
رماح:اانا بروحي تفاجأت بعد شفتك انت وياه هوا مقاليش بس انا حسيت انه يحبها وانت كان واضح عليك هذا ليش قررت موضوع السفر وغدي لا ينفع اتكون لك ولا له هوا انردوها لحوش هلها ونسكرو الموضوع
نوح:حبيتها يا رماح حبيتها مصدقت لقيتها بش تعوضني عن حياتي اللي فاتت يطلع صاحبي ايحبها
رماح:صح هاشم وين عدا
نوح:بحت فيه هذا هبل را يقعد..
رماح:صبي اجري خير مايدير في البنت حاجة
الرواية بقلمي PULSE
(BS.AM.YA)
غدي:طلقت شعرها وكانت بتخش ترقد فجأة انفتح الباب وخش هاشم بقوة ومسكها من يدها
هاشم:بعصبية وعيونه شراااار🔥🔥من امتى وانتي على علاقة بيه
غدي:ااانت شن اتقول وكيف اتخش عليا هكي
هاشم:دفها على الساس وحاضرها بيديه وكان قريب منها غديييي متنرفيزينش ادويي من أمتى وانتي على علاقة بيه
غدي:ادف فيه هاشم حول شن قاعد ادير علاقة شنو مش فاهمة شي
هاشم:نوووووح ندوي على نوح
غدي:انا منعرفش شي على اللي انت قاعد تدوي فيه وبعد من عني خيرلك
هاشم:ضحك بصوت عالي لا خوفتيني شن بديري مثلا
غدي:عيونها دمعو هاااشم حووول قتلك
بعدها خش رماح ونوح بسرعة ومسكو هاشم وبعدوه عن غدي
رماح:بعصبية حماااار انت هبلت شن كنت بدير للبنت شن دخلها هيا انت مش طبيعي
هاشم:اطقوني خيرلكم منيش مجنون ولا هبل
نوح:واللي توا هذا شنو قلت اتحبها ها وين الحب هذا انت متحبش غير انك تعذب غيرك
هاشم:يا...وجا بيهجم عليه بيضربة بس غدي قعدت تعيط بصوت عالي
غدي:طاحت على الارض وهيا ساندة على الساس خلااااااص امشو كلكم منبيش حد فيكم ولانحب واحد منكم دمرتوني خربتو حيااتي خسرتوني شغلي هلي كل حاجة حتى سمعتي أكيد الناس ماخلو ماقالو عليا قعدت توا في نظرهم خاينه وهاربة ومجرمة وكل حاجة سيئة بسببكمم ومزلت جاي تحاسب فيا حرام عليكم حرااام وكانت تبكي بصوت عالي ومنهارة
رماح ونوح وهاشم مصدومين فيها أول مرة يشوفوها بالحالة هذي وحسو بالذنب خصوصا هاشم اللي كان بيحاسبها على حاجة مش ذنبها أصلا صح هما السبب في كل حاجة صايرة معاها
نوح:غدي أهدي و
غدي:عيطت عليه اسكتتتت منبيش نسمع منكم شي خلوني في حالي بس تعرفو خلوني نطلع نروح بروحي يمسكوني مايمسكوني نا مسؤولة عن حياتي انتو لو هامتكم أصلا مكنتوش خطفتوني علشان مصلحتكم من الأول
الثلاثة معرفوش شن ايردو طلعو وكل واحد عدا في مكان مكانش طايق ايبحت في اللاخر أما اللي كان حاس بالذنب صاح فهوا نوح لأنه هوا السبب في أنه غدي اتكون هنا بغض النظر عن اللي صورهم أو شوه سمعتها وطلع اشاعات بس لولا إصابته مكنتش جت عندهم من البداية
