تصويت وتعليق عشان نزل االحلقات
#مثلث_برمودا_الجزء_الثاني
الحلقة 1
لايك قبل ماتقرو حبايبي....
بقلم PULSE
(BS.AM.YA)
"انتهت الحرب تصافح الأعداء وذهبت أنا ومشاعري ضحيتها 💔"
رماح كان طايح على الأرض مقعمز على ركبته ومنهار
رماح:وهوا يبكي كلا منك كلا منك مشينا وسيبنا جثة صاحبنا من غير ماندفنوه
هاشم:وهوا يبكي ليش محسسني اني اللي قتلته اني مش زعلان عليه مكانش فيه حل أخر لو قعدنا شوية أخرى كان متنا حتى نحنا أفهممم مكانش فيه وقت ناخذهوه معانا نوح ماااات
رماح:منزل راسة ودموعه تنزل مش مصدق انه صاحبة مات انه هوا اللي طلع خسران في اللاخير
هاشم مكانش أقل حال من رماح ممكن أكثر منه لأنه في آخر أيام علاقته بنوح نهزت 💔
تعالو نردو لاورة شوية بش نفهمو شن اللي صار🎞
غدي:تبكي نوووح نووووض لأه اهئ اهئ 😭
رماح وهاشم:مصدومين
هاشم:هيا بسرعة صبو مفيش وقت وسحب غدي من يدها
وخشو للحوش بسرعة كان فيه في المطبخ تحت الطاولة متعت السفرة مدخل مغطى بالسيراميك متع الأرضية هاشم فتحة نزلو غدي ورماح بعدها هاشم وسكرة وراه بسرعة وفي ثواني دارو هذا كلة طبعا المكان هذا فيه كيف النفق محد يعرف عليه غير هما الثلاثة حتى يوسف مش قايلينلة عليه ونهاية الطريق هذي اتوصل على على وادي بعد يطلعو منه يكونو وصلو للطريق الرئيسية
وطبعا بعد خشو خش وراهم جنود وكم واحد من اللي يشتغلو في العصابات قلبو الدنيا على بعضها ومكانش لهم أثر وهذي مش أول مرة ديما ايكونو مخططين من قبل كيف يطلعو من غير ماحد يمسك عليهم حاجة ولا يعرف كيف هربو
وصلهم سيف بعد ماهربو بشوية
سيف:ها بشرو
العسكري:اا والله كنا خلاص بنمسكوهم وبنت عمك كانت معاهم وفي واحد منهم مات ولخرين مش عارف وين اختفو فجأة وملقينلهمش أثر
سيف:بعصبية هذا اللي يعبا عليكم اصلا كيف كيف يعني اهو قاعدين قدام حوشهم كيف هربو قدامكم وملقيتوهمش ومسح وجها بيدة تمام تمام
روايات BS.AM.YA
بينما رماح وهاشم وغدي وصلو للطريق
يعقوب ومحمد في السيارة
يعقوب:بعصبية تأخرنا تأخرنا أكيد سيف وصل والله مانخليه ايمسها
محمد:أهدا يارا خلاص وصلنا بعدها بحت من الروشن شاف غدي يعقوووب بحت مش غدي اللي ماشية غادي
يعقوب:التفت بسرعة اها هيا وقف بسرعة أكيد هاربة منهم
محمد وقف يعقوب قعد اينادي
يعقوب:غدييييييي
تلفتو الثلاثة
هاشم:من هذا
غدي:بفرحة مخلطة على دموع ييعقوب خويا
هاشم:تمام وصلتي انشوفوك على خير
وسيبوها ومشو يجرو لين اختفو
أما يعقوب اللي مشا يجري لأخته مش مصدق انه وأخيرا لقاها ❤
يعقوب:غدي اختي
غدي:وهيا تبكي يعقوووب وحضنها خوها وهيا كان عندها هستيريا بكاء ويعقوب وايحاول ايهدي فيها
يعقوب:اششششش خلاص اهدي هيا بش نروحو
محمد:سلم عليها الحمد لله على السلامة
غدي:وهيا تشهق الله يسلمك محمد
محمد:هيا نركبو السيارة ونمشو من هنا بسرعة
