#مثلث_برمودا
الحلقة 15
بقلم PuLse
(Bs.Am.YA)
الحوش كان هدوء وكان الوقت متأخر نوح ورماح راقدين في دار نوح أما غدي كانت في دارها اتصلي العشاء لعند ما سلمت وقعدت تدعي فجأة انفتح باب الدار وكان هاشم ايتلوة وعيونه حمر وباين عليه سكران
غدي:خافت من شكلة اللي ميطمنش ااانت شن جيبك هنا
هاشم:ايتنفس بقوة
غدي فطنت انه شكلة مش طبيعي وزاد خوفها
غدي:هاشم انت شكلك مش في وعيك اطلع من هنا وقبل ماتكمل كلمتها هجم عليها هاشم وطيحها على الأرض قدام السرير ودفن راسة في حضنها وقعد يبكي
غدي مفنصة عيونها وتحاول تبعدة
غدي:هاشم صبي الله ايربحك انت مش في وعيك بس مقدرتش اتحركة كان ماسك فيها بقوة وهوا ضخم وثقيل ماعرفتش كيف تبعدة قعدت اضبح بصوت عالي على رماح ولا نوح بس محد كان سامعها لأنه كان فيه مسافة بين دارها والدار اللي هما فيها وأبواب الديار نظام عازل يعني صعب انه يسمعو صوت وخصوصا وهما راقدين
هاشم كان متشبث بيها بقوة ويبكي ولأول مرة غدي اتشوفة بالحالة هذي
هاشم:تبي تمشي ها تبي تسيبيني كيف ماكل الناس اللي انحبهم ايسيبوني أمي باتي خويا أختي كلهم عدو وسيبوني مرة وحدة وحتى انتي متبينش ياريتني مشيت معاهم ياريتني ماعاندتش أمي هذك اليوم وقعدت في الحوش كان توا معاهم ليش ياغدي ليش الدنيا هكي تبي تاخذ مني كل الحجات الحلوة
غدي بتردد حطت يدها على شعرة كأنها تواسي فيه هيا مش عارفة موقفها شنو أو كيف بتمشي وهوا شاد فيها كأنها بتهرب منه بس وجعها بكل وهوا يدوي حست بكم المعاناة اللي عاشها بعد
وفاة هلة اللي فهمت من كلامة انهم متوفيين 💔
هاشم:ليش ياغدي ليش خليتيني انحبك ليش كنتي تغطي فيا في الليل ليش كنتي تهتمي علقتيني فيك بش انتعذب انا ضعييييف ضعيف لأنه عمري ماعطيت للمشاعر أهمية ولا نقدر اني نعترف بيهن لين تريحي مني انحبك منقدرش انقولها لاني نعتبر المشاعر هذينا ضعععععف من حضن أمي ملقيتش حضن يدفيني انحس فيه بالأمان نبيكي انتي الحضن هذا نبيكي أختي اللي ياما تعاركت معاها مرايف عليها ياغدي ويبكي بقهررر مرايف حتى على خويا اللي كنت نضايق منه بعد يطلع معايا نا وصحابي بس كلهم عدو ونا قعدت وحيد محد سأل فيا وتوا شن بيصير فيا أكيد مش هنتلاقة معاهم عارفة ليش لأني منصليش ولا نعرف ربنا واندير في المعاصي ياغدي حياتي دمار وانا مش قادر انتحمل كلة انخلي فيه في قلبي منقولش لحد شن حاس أو شن مضايقني لعند ما حاس روحي بننفجر خليك معاي ياغدي متسيبينش كيف كل الناس اللي سيبتني انحبك
وبدا صوته شوي شوي يضعف لين معش قعد فيه صوت غدي عرفت انه رقد قعدو ادموعها ينزلو من قوة الكلام اللي كان ايقول فيه هاشم عرفت انه فيه ناس واجد قصصهم صعبة عشان هك ميحكمش الواحد على شخص من تصرفاته كان شكلة كيف لعيال لصغار وهوا راقد وهادي قعدت تحرك شوية شوية لين بعدت روحها منه وطلعت من الدار طول وخلاته هوا راقد جوا
"أشعر أنني ذلك القلب المكسور الذي يتعلق بالأشياء الراحلة💔"
بقلمي PULSE
_______________
محمد:بنحكي معاك في موضوع ايخص غدي
يعقوب:شنووو
محمد:اهدا اهدا ونا تو انقولك كل حاجة لأنه مش عارف انعيش من تأنيب الضمير اني اندس عليك الموضوع أكثر من هك
يعقوب:محمد متنرفزنيش وقول شن هوا الموضوع وشن علاقة غدي بيه
محمد:تنهد من فترة بعد جبنا معلومات عن العصابة اللي خاطفة غدي انت وقتها قتلي على واحد منهم اسمه كيف اسمي
يعقوب:لوين تبي توصل
محمد:واحد من العصابة هذي ايكون ولد عمي
يعقوب:ههههههههه نعم شن قلت
محمد:يعقوب منبصرش معاك
يعقوب صبا وقرب منه
يعقوب:كيف يعني ولد عمك بعدها مسكة من ياقة سوريتة يعني كل يوم شايف قلبي اللي يتقطع ونا مش عارف مكان أختي وتقولي خاطفها ولد عمك؟ هذي أخرة الصحبة ها هااا ادوييي
محمد:اهدا يعقوب مش هكي انا والله ماكنت نعرف اصلا ولد عمي هذا نحسابة مسافر من زمان منندريش عليه والله لو نعرف مكانها كنت مشيت وجبتها بيدي والله منعرف حاجة على مكانهم بس كل اللي نعرفة قلته لك
يعقوب:محمد بلا لعب وقولي أكيد تعرف مكانها
محمد:بعصبية قتلك منعرفش للدرجة هذي اتشوف فيا واحد سيء انا ضميري كل يوم ايأنب فيا اني داس عليك وغدي كيف ماهيا أختك وتعزك هيا أختي وتعزني حتى نا وبالعكس بعد عرفت انه هاشم اللي خاطفها تطمنت عليها لأنه راجل ومستحيل يأذيها بدون سبب وانت عارف سبب الخطف شنو بس انا شن ذنبي شن ذنبي انه طلع ولد عمي
يعقوب تعصب وطلع وسيبة وكان راقيلة انه وصلت بيه لهنا معا محمد اللي يعتبر فيه خوه من الدنيا
