#مثلث_برمودا
الحلقة 20(ماقبل الأخيرة)
بقلم PULSE
(Bs.Am.Ya)
غدي:نضت اليوم نشيطة على غير العادة مش عارفة حاسة بشعور غريب حاسة انه كل شي هينتهي قريب أو لأنه اليوم جمعة وانا أحب يوم عندي الجمعة بس كنت عارفة انه وقت الظهر هذا ايكونو راقدين واينوضو متأخر قررت اني اندير فطور مسقم زمان مافطرت زي الناس كنت سامعة صوت غريب وما أن فتحت الباب شفت حاجة كان ممكن أحلى حاجة انشوفها من لما جيت هنا حسيت روحي نتخيل
كان رماح ونوح وهاشم ايصلو جماعة ❤ كيف صار ولا شن صار مش عارفة بس منظرهم ايهبل هما الثلاثة
كان رماح مصبي قدام وهاشم ونوح وراه فرحتلهم من كل قلبي انه ربي هداهم الطريق الصح اللي مفروض يسلكوه لأنه هما الثلاثة كل واحد منهم مختلف ومميز وشخص كويس لولا انه الدنيا غلبت عليهم بس بعد شفتهم اليوم عرفت انهم قدرو ايتغلبو على كل الظروف هذي
فلاش باك🎬📽🎞
رماح فتح باب الدار بقوة كان قاعد هاشم ونوح كل واحد ايدير في حاجة
رماح:اسمعو بنحكي معاكم في موضوع ومهم وميتأجلش وضروري
هاشم ونوح بحتو في بعضهم باستغراب
هاشم:خير شن عندك
رماح:تنهد اتخذت قرار وانتمنى حتى انتو تمشو فيه لأنه لعند هنا وخلاص منقدرش انشوفكم تمشو في طريق الهلاك ونسكت
نوح:شن قصة الألغاز متاعك هذ ادوي شن فيه وريح روحك وريحنا
رماح:قررت انه الشغل اللي فلوسنا منه حرام هذا ضروري انسيبوه
هاشم:وشن تبي تشتغل في رأيك انت عارف انه مبلغ علينا في كل مكان!
رماح:عارف هذا كلة عارفة مزال في صفقة وحدة الخميس الجاي ننهوها ونبدو حياتنا الجديدة من غير شغل المافيات اللي لنا 3 سنين ماشيين وراه
هاشم:بعصبية انت شن قاعد تخرف توا خطرلك تدوي ونحنا لنا ثلاث سنين كاملات نشتغلو في المجال هذا بعد نجحنا في شغلنا وقعد لنا شهرتنا تضحك على روحك انت حياة جديدة شنو اللي بتبداها
رماح:بعصبية انا معش قادر انتحمل أكثر من هكي خلاص عصيت ربي بما فيه الكفاية منبيش ايجي اليوم اللي نندم فيه ومنقدرش ننقذ روحي بتقعد انت فيها حر اما أنا منيش مكمل في امها الطريق هذي
نوح:غير وسعو بالكم وصلو على النبي اهدا يا هاشم اسمع للاخير عجبك الكلام تمام معجبكش انت حر محد بيلومك على شي كمل يا رماح
رماح:تنهد المهم انكملو الصفقة هذي وانسلمو البضاعة والأسلحة بالنسبة لأنه كيف بنطلعو ونحنا مبلغ علينا في كل مكان في واحد نعرفة ومتعاملين معاه أكبر العصابات خبير في مجال التزوير يعني يقدر ايديرلنا جوازات وبيغير أسمائنا وأوراق أخرى نقدرو نطلعو بيهن من هنا من دون ميشك فينا حد وربي يسامحنا على اللي درناه من قبل ومن بعدها كل واحد يبدأ حياته من جديد
نوح:وغدي وين من هذا كلة
هاشم:بحت فيهم بتركيز
رماح:أكيدة منسيتهاش بالنسبة لغدي هنحطوها في مكان أمن ونسيبو معاها تلفون ونعطوها عنوان المكان اللي هيا فيه بحيث انها تكلم خوها وتعطيه العنوان وهوا ايجي ايتصرف وياخذها وحر هوا وأخته بعدين أكيد يقدر ايأمنلها مكان تقعد فيه لين تطلع من التهمة اللي هيا فيها وبهكي اتكون انتهت مهمتها معانا
هاشم:والله يعني نحنا نهربو ونبدو حياتنا من جديد وهيا تقعد متورطة في تهمة نحنا سببها على الأقل نعرفو من اللي مطلع عليها الدوة وكيف الموضوع انتشر بالشكل هذا ونمشو نحنا اللي حطيناها في الموقف هذا نحنا انطلعوها منه
رماح:عندك حل آخر على الأقل معا هلها بتقعد في أمان انت بالله عليك شايف حالنا نحنا هكي نورطوها معانا بزيادة شغلنا معا العصابات و الصفقات اللي نصبنا فيها عليهم تحسابة بيمشي هكي هذا أنسب حل وانا مش متراجع
هاشم:خليكم في امها وانا مش معاكم والبنت بتقعد هنا لين نوصلها نا بيدي لهلها وهيا ما عليها شي مش نهرب ونعزقها وطلع وخبط الباب بقوة
أما نوح اللي حافظ على هدوءه لأنه ميحبش
التسرع في حاجة وهوا كان اصلا مفكر في الموضوع ومخططلة من قبل والطريقة هذي هتسهل عليه انه ياخذ غدي ويرد ايسافر بيها
نوح:رماح أنا معاك وموافق على كلامك كلة وهاشم مصيرة يهدا ويفكر في الموضوع كويس وفعلا الفكرة هذي بتجي في مصلحتنا نحنا الأربعة
