#مثلث_برمودا_الجزء_الثاني
الحلقة 12(ماقبل الأخيرة)
بقلم PULSE
(BS.AM.YA)
زين:باختصار هك سحاب ومن غير لف ودوران بالجزائري وبالليبي انحبك سحاب وبنكلم هلي في الموضوع وأول زيارة لهم هنا بنجيبهم وانتقدملك
سحاب:تفاجأت من كلامة زين انا اسفة منقدرش
زين:ليش في حد في حياتك عادي قولي
سحاب:مش هك بس انا وين وانت وين خلاص انا ضروري نمشي توا
زين:مسكها من يدها سحاب لو سمحتي متخربيش فرحة نجاحك اليوم خليك عادي كأنه مصار شي اعتبريني ما قلت شي تمام بس قعمزي عشان خاطري متنكديش علينا عاد
سحاب:قعمزت تمام هندير روحي مسمعت شي
زين:أيوة نجيها ياربي الشاطرة 😍
سحاب:ضحكت حسيت روحي بيبي
زين:يا بيبي 😂
_______________
هاشم كان ساند على رخامة المطبخ وغدي اتقطع في بطاطا
غدي:شن درت في الجامعة اليوم
هاشم:ياكل من البطاطا المقلية 😂
هاشم:أبدا هزبني الدكتور وطلعت من المحاضرة
غدي:نعمم
هاشم:اصبري بس بعدها القيت وحدة من صحباتي ترجاني في الكافيتيريا برة
غدي:تقلي في البطاطا ها ها ها حانط اتصدق
هاشم:انتي اللي شنو السؤال هذا شن بندير يعني محاضرات ونفخ
غدي:والله ربي يعطيك الصحة مش عارفة كيف تطلع من الجامعة على الشغل وتروح بعدها تقرا بجد صعب
هاشم:قرصها من خدها بشوية نعليا منه الحنون نا 😍
غدي:ضحكت باهي خلاص خليلنا حاجة انتعشو بيها
هاشم:اهو خلاص غدي
غدي:نعم
هاشم:لا شي
نعم:حطت يدها في وسطها من وين جايب خفة الدم الزايدة هذي 😑
هاشم:امم تعرفي من قبل مكنتش نحب نقولك غدي
غدي:واضح بجد كنت نتعقد منك وانت تقول يابنت انتي وانا منحبش حد ايناديني الا باسمي
هاشم:ههه كنت نحسة كلمة من كلمات الغزل فمكنتش انحب أناديك بيه لأنه وقتها بصراحة مكنتش انطيقك
غدي:ولا انا😑
هاشم:هههه انبصر يا هبلة بالعكس اسمك حلو لدرجة اني نحب أناديك بيه كأني انتغزل بأرقى كلمات الغزل
غدي:ياروحي تأثرت الصراحة منور على اطرائك مش عارفة من من وارث الرومانسية الصادمة هذي
هاشم:ضحك تي هيا جعان ولا انتعشى عليك انتي حرة 😂
غدي:سخيف 😒
____________
سحاب:هنضطر نمشي توا لأنه الوقت تأخر على ما أظن
زين:صبا تمام ليلتك سعيدة
سحاب:ليلتك أسعد وهنودعك توا لاني بعد بكرة مسافرة لأنقرة عشان اجازة وهكي
زين:توصلي بالسلامة
سحاب:تسلم هيا عن اذنك
زين:في امان الله انشوفك على خير
سحاب مشت شوية ووقفت على صوت زين
زين:وردي فكري في الموضوع بما انه عندك وقت طويل تقعدي فيه معا روحك وتأكدي اني موجود ديما
سحاب:تنهدت وكملت طريقها بدون مترد عليه وهيا حاسة بشعور غريب مش عارفة كيف اتفسرة غير انه أفكار واجد كانت اتدور في بالها
بعد مرور شهر
اللي صار في الشهر هذا انه سيف صحته كانت كل يوم اتحسن وكانت الممرضة مروة مهمتمة بيه لدرجة انه تعلق بيها وهوا لعند توا فاقد الذاكرة ومش متذكر اي شي ايخص أنغام بس لعند امتى؟
هاشم وغدي كانت علاقتهم كل يوم تقوى طبعا غير الخلافات العادية اللي تصير بين أي متزوجين بس هاشم كان ايتنازل ويصالح غدي لأنه كان ايحس انه ظلم لها ايزعلها وهيا سيبت هلها وحياتها وقعدت معاه وكان عندة امتحانات وغدي مش مقصرة معاه في شي ❤
