#مثلث_برمودا
الحلقة 10
بقلم PULSE
(Bs.Am.Ya)
المجهول:ها شن قلتي
يقين:قعدت تبكي
أدم:بعد حسيت في حد قرب من الباب مشيت بسرعة قبل مايشوفني
عند غدي
بعد طلعت من عندهم رديت للملل في الدار
غدي:والله طلعو ناس كويسة كويسة بكل أخرى هوا رماح أول واحد عرفت حسن نيته ونوح كنت نحسابة ميحبش يحكي معا حد بس طلع العكس مزال هاشم النفسية هذ معرفتش شن قصته بس الباين انه كل واحد فيهم ورا موضوع تو معا الوقت نعرف شن قصتهم بس والله نزيكين خصوصا رماح
عند أدم كان متكي ويفكر
أدم:زعما شن اللي سمعته اليوم حاس انه يقين هذي ورا موضوع غدي بس مش عارف كيف ومن الراجل الغريب هذا اوففف حجات واجد غريبة قاعدة تصير من يوم اختفت غدي
كمل أول أسبوع من خطف غدي
غدي قعدت هيا ورماح ونوح أصحاب وتعودو عليها ومرات اتكسد معاهم شوية في العشية خصوصا نوح كانت اتهدرز معاه أكثر باعتبار أنه في بيناتهم أفكار مشتركة وعطاها مجموعة كتب وروايات علشان اتكسد عليهن أما هاشم مكانش يحكي معاها بكل ولا حاول انه يختلط بيها كانت بعد تقعد مع نوح ورماح ايدير روحة مش مهتم بس كان مركز معا كل حركة من حركاتها طريقة كلامها كانت عفويتها تجذب فيه وهوا مش عارف شن السبب رغم أنه مغيوض منها بس في حاجة اتخليه خاطرة يحكي معاها
سيف:توا كمل أسبوع كامل والحقيرة معرفتش انجيبها ضروري نوصل فيها قبل يعقوب ونهايتها تكون على يدي انا اديرني مضحكة قدام زمايلي بس مش عليا يا مثلث برمودا نهايتكم قربت
نادية:كمل أسبوع وبنتي معرفتش عليها حاجة ياربي شن صاير معاها ياربي اتكلمني ونطمن عليها وتردها ليا قريب يارب
يعقوب:بعصبية أسبوع ياحمادي أسبوع وأختي مخطوفة وموصلتش لأي معلومة ادلني عليها
محمد:وسع بالك متخافش انشالله بخير
يعقوب:كيف بنعرف نا إذا كانت بخير ولا لا وأمي اللي ليل نهار تدعي وعدتها انردها لها قريب ولا العصابة الحرفة هذي مفيش واحد كلمنا ولا هدد حتى يطلب فدية بش نعرف هما ليش خاطفينها من الأساس هيا شن دايرة
محمد:اهدا توا واكيد بنوصلو لحل الأمور متنحلش بالطريقة هذي
يعقوب:تي اختي ازح اختييي كيف تبيني نهدا
محمد كان حاير في انه ايقولة انه اللي خاطف أخته ايكون ولد عمة هوا واثق انه مش هيدير لها شي بس يعقوب مصيرة يعرف الحقيقة وكان عرفها وعرف انه محمد عالم بالشي هذا شن ممكن ايصير
بقلمي PULSE
(BS.AM.YA)
غدي:كمل أول أسبوع ليا هنا معا العصابة هذي علاقتي بيهم كويسة نوعا ما إلا هاشم الوحيد اللي منعرف عليه شي هوا صح شخصيته اتخوف وميحكيش معا حد بس في عندة حاجة اتخليني بنعرفة بنعرف شن قصته حاسة انه هوا شخص كويس بس ميبيش ايبين الشي هذا وراه سر وهنقعد وراه لين نعرفة
بداية يوم جديد 💙
غدي ناضت نشيطة توضت وصلت ولبست توته سودة بلوزتها طويلة عليها وجه دبدوب اونه بيج وسروالها بيج وفيه خط أسود عريض من الجنب ووشاح أسود وطلعت للمطبخ كان رماح ونوح قاعدين وهاشم في الصالة وعيونه في الفون
غدي:صباح الخير
نوح ورماح:صباح الورد
غدي:شن جوكم وسحبت كرسي وقعمزت
نوح:تمام شن جوك انتي
غدي:الحمدلله ملل في ملل في ملل
رماح:اندير في قهوة انصبلك
غدي:ياريت اتكون منور بكل
نوح:ضحك
غدي:شن فيه قلت حاجة غلط؟
نوح:كنها دوتك رايحة شبابية
غدي:هههه البركة فيكم يانصي
رماح ونوح يضحكو أما هاشم داير روحة مش مهتم بس كان سمعة معاهم
رماح:رايحة اتشفطي والحياة واضحة عندك
غدي:ههه مش هكي بس بعد نهدرز معاكم ننسى روحي دوتكم كيف يعقوب ديما كنا انشفطو على بعضنا
رماح ونوح بحتو في بعضهم بصدمة يعقوب؟
غدي:ضحكت كنها وجوهكم انقلبت يعقوب هذا خويا
رماح:واو قصدك عندك أخ
غدي:حطت يدها على خدها وابتسمت وأحلى أخ
نوح:ياعوينه
غدي:ضحكت على شنو
نوح:عندة أخت كيفك
غدي:ابتسمت اها صح بش نعطيك الكتب كملتهن
نوح:جديات أمتى لحقتي
غدي:بنلحق على شنو ماهو ماعندي شي انديرة
رماح:مدلها القهوة
غدي:خذتها منه صحيييت
رماح:سلمك واخيرا لقيت من يشكرني في هالحوش
نوح:والله😒
غدي:كيف صار معندكمش شغل اليوم؟
رماح:لا فيه شوية اخرى وطالعين لزة هذي ولا شنو
غدي:لابس استغربت ديما تقعدو طالعين بدري
رماح:شوية بس هاشم تبي قهوة انصبلك
هاشم:تو انجي ناخذها
رماح:توا ياغدي متجيش الدوة هذي ولا شنو يانوح
نوح:انقنه متجيش
غدي:باستغراب كنك انت وياه شن جاكم 🤨
رماح:توا بالذمة والضمير بنت قاعدة معانا وانجيبو في غدا جاهز عمرها ماصارت
غدي:هههه ياسلام بلكي تبيني انطيبلك
رماح:مفروض
غدي:عمري عمري ماشفت المخطوف ايطيب للخاطف ديما ايجيبولة في الوكال على الدار
نوح:يعني انتي عمرك شفتي مخطوف ايكسد مع اللي خاطفينه في المطبخ
غدي:اممم بصراحة لا
رماح:خلاص معناها اليوم الغدا عليكي
غدي:منعرفش انطيب
