#مثلث_برمودا_الجزء_الثاني
الحلقة2
لايك قبل ماتقرو.....
بقلم PULSE
(BS.AM.YA)
هاشم:أنا مش هنسافر سافر انت وتو نلحقك
رماح:باستغراب 🤨وشن الفكرة يعني انك اتسافر بعدي نطلعو مرة وحدة معا بعضنا أحسن
هاشم:رفع راسة وبحت فيه بنجوز غدي قبل وانسافر معاها
رماح:قعد يضحك بصوت عالي
هاشم:قلت حاجة اتضحك؟
رماح:لا انا هبل شوية طبعا أكيد توا فضتلك الطريق اللي كان مداعكك عليها مات والفرصة متاحة توا هذي أخرة العشرة تاخذ وحدة كان ايحبها صاحبك هه دنيا
هاشم:بعصبية وصوت عالي وانت ليش اتحسس فيا اني الشرير ناكر العشرة وفرحان بموت صاحبي انا عارف انه نوح كان ايحبها وانا مكنتش عارف بالشي هذا وانت أكثر واحد عارف اني انحب غدي ومن قبل نوح وانا مكنتش نبي نعترف بالشي هذا بس نوح كان أجرأ مني واعترف قدامنا
رماح:رد عليه بنفس الصوت العالي
رماح:لأنه نوح مستعد ايضحي عشان خاطر الحاجة اللي ايحبها مستعد يعترف بمشاعرة لأنه ايآمن انه المشاعر مش ضعف وضحى بروحة عشان البنت اللي ايحبها اتعيش اما انت انت قولي شن اللي درته تكابر على كل حاجة اتحس انها اتهز من رجولتك وتعتبرها ضعف تفرج على الحاجة اللي تحبها وهيا تريح منك وانت ساكت قولي شن كنت ترجى من غدي انه هيا اتجي اتقولك نبيك تعال اخطبني هااا لعند أمتى تبي تقعد ساكت ومتبيش حد أخر ايحبها مثلا خليك قد المشاعر اللي اتحس بيهن لعند امتى بتقعد نقسي قلبك هاا
هاشم:طاح على ركبته وهوا منزل راسة ودموعة تنزل
هاشم:خلااااص يكفي معاش اتحسسني اني سيأ للدرجة هذي الدنيا خلتني هكي قستني على حجات واجد مهما كنت انقول واندير بس في اللاخير انسان انحس وعندي مشاعر نوح مات وسيبنا متقعدش انت والدنيا عليا
رماح:معش يقدر ايشوف هاشم بالحالة هذي كانت اول مرة ايشوف هاشم ضعيف هكي وجعة انه زود عليه بالكلام طلع وسيبة ممكن يقدر يقعد معا روحة ويفكر كويس في اللي جاي
________________________
يعقوب روح على حوش خالته
يعقوب:السلام عليكم
هناءونادية:وعليكم السلام ورحمة الله وبركاته
نادية:ها طمني كيف حال أختك كويسة كلت كويس كملت غداها
يعقوب:اهدي اهدي غدي تمام ما فيها شي وشوية أخرى وانردلها بس قبل ضروري انقوللكم شي مهم
نادية:أنا كنت حاسة انه فيها شي مش شوري بنمشي انشوف بنتي مش حالة هذي اللي عايشتها
هناء:اهدي يانادية خلينا نفهمو شن فيه وانتي تجري وخلاص خلي العيل يدوي
يعقوب:تنهد تمام انا جيت بش ناخذك اتشوفي غدي لأنه أكثر شي اسبوع وضروري اتكون طالعة من هنا
نادية:يعني؟
يعقوب:يعني غادي بتسافر لين القضية هذي تنحل وايرد كل شي طبيعي
نادية:ككيف كيف بتسافر ووين وعند من قصدك بتسافر بنت بروحها في بلد غريب ومتعرفش فيه حد!
يعقوب:امي مش هكي بس غدي ضروري بكل انها تسافر قعدتها هنا خطر كبير بعدين غدي بنت قوية وقد حالها متخافيش عليها
نادية:باهي ليش ماتسافر معاها؟
يعقوب:مينفعش انا لو سافرت هيعرفو مكانها بس لو قعدت هنا هيعرفو انه انا معنديش عليها أي معلومة هما لعند توا يحسابو غدي هربت مرة أخرى معا العصابة محد يعرف اني لقيتها ثاني شي غدي هتمشي بجواز مزور بس هيا اول ما توصل غادي بتقعد حرة محد ملاحقها وتقدر اتريح شوية من الوضع اللي هيا فيه فلهذا وتي روحك بش ناخذك معايا اتشوفيها
هناء:لا حول الله البنت هذي شافت واجد في حياتها خوذني يا يعقوب حتى نا مرايفة عليها سلم وليدي
يعقوب:تمام بس بسرعة
