#مثلث_برمودا_الجزء_الثاني
الحلقة 11
بقلم PULSE
(BS.AM.YA)
عارفة اني طولت بس هذا بش انديرلكم حلقة طويييلة ومسقمة متقصروش في التفاعل عاد تعبت ونا نكتب انتمنالكم قرائة ممتعة ❤
كمل دوام المستشفى وكل واحد ايلم في حاجته بش ايروح رماح خش للغرفة اللي فيها الدواليب بش ياخذ حاجته سمع صوت حد يبكي تلفت كانت سحاب مقعمزة وتبكي
رماح:قرب منها بخوف سحاب كنك انتي كويسة صاير معاك حاجة؟
سحاب:بحتت فيه وزادت تبكي اخرى 😭
رماح:قعمز جنبها كنك يا بنت شن جايك
سحاب:حطت راسها على صدرة وقعدت تبكي
رماح:استسلم ولف ايديه عليها وقعد ايهدي فيها اششش فهميني شن صاير معاك
سحاب:مش مصدقة يا رماح مش مصدقة انه صار هكي 😭
رماح:شن هوا اللي مش مصدقتيه ادوي
سحاب:بعدت من عليه وهيا تشهق رسبت رسبت في الامتحانات 😭
رماح:كيف رسبتي واصلا امتى طلعت النتيجة؟
سحاب:هيا مزال مطلعتش بس في طالب معانا الدكتور ايكون عمة كل مرة هوا اللي يسرق في النتايج ويعطيها لنا قبل ما تطلع
رماح:باهي يا بنت الحلال بلكي هوا يكذب ولا ملخبط كنك علي طول مسرع مصدقتي
سحاب:لا مصورها في تلفونه والله قريت وتعبت وانت شاهد حتى مكنتش نرقد في الليل مصدومة من نفسي حتى اللي معايا كلهم مصدومين اني رسبت مش عارفة كيف بنوري وجهي لهلي اللي حاطين كل املهم فيا 😭
رماح:اششش باهي خلاص اهدي كل حاجة ولها حل ومدلها كباية مية
سحاب:خذتها منه وشربتها
رماح:أيوة خلاص اهدي وانسي الموضوع هذا توا وتو نلقولة حل نا متأكد
سحاب:هزت راسها بمعنى باهي
رماح:مرة بنت اسمها سحاب بكت قعدت مطر 😂
سحاب:ضحكت
رماح:أيوة هكي اضحكي مفيش حاجة تستاهل تزعلي عليها تمشي معاي نوصلك
سحاب:لا متعبش روحك صحبتي اللي معايا في السكن ترجى فيا أكيد بش نروحو معا بعضنا
رماح:باهي انتي روحي توا واهدي وتريحي ومش هيصير إلا كل خير اتفقنا
سحاب:هزت راسها بمعنى تمام شكرا رماح ❤
رماح:ضربها على رأسها بشوية مش بيناتنا ياهبلة
___________
غدي وهاشم كانو ايصلو معا بعضهم جماعة وبعد ما كملو صلاة
غدي:تنهدت وحاولت تتماسك هاشم انا خذيت قراري النهائي في موضوعنا 🥺
هاشم:تلفتلها شششن قلتي!
غدي:صبت تنهدت انا الأسبوع هذا كلة موقفتش عن التفكير قلبتها في راسي مليون مرة وعرفت انه انا خلاص معش نقدر
هاشم:انحبست الدمعة في عيونه وتلفت للجهة الأخرى كنت عارف اصلا انتي تستحقي أحسن مني
غدي:انا معش نقدر انعيش من غيرك هاشم
هاشم:تلفتلها بسرعة شششنو
غدي:منقدرش نمشي ونسيب ورايا راجلي حبيبي اللي تغير على شاني ويشتغل ويقرا عشان يكمل ويحقق حلمه وانا وعدتك اني هنكمل معاك وهنوفي بوعدي ❤
هاشم:ااانا مش مصدق بجد انا منحلمش
غدي:ضحكت
هاشم:حضنها بقوووة ❤ شكرا غدي شكرا بجد أنا أسعد انسان في العالم توا انتي غدي ومستقبلي وايامي كلها شكرا
غدي:زادت حضناته وانت أحسن راجل في الدنيا ممكن انقابلة انا اللي نشكرك انك درت المستحيل علشان انحبك شكرا على اهتمامك وحنيتك معايا طول الفترة اللي فاتت محسيتش معاك بالوحدة بكل ممليتش ولا تغيرت عليا بالعكس كل مرة اتعاملني أحسن من المرة اللي قبلها مع اني كنت مقصرة معاك ومعطيتكش حقوقك كاملة بس انت احترمت الشي هذا او ولا مرة جبرتني على حاجة انا منبيهش
هاشم:بعد من عليها ومسكها من كتوفها وبحت في عيونها اللي كانن مدمعات🥺
هاشم:لأ يا غدي متشكرينش اصلا انا لو نقعد عمري كلة انحاول انصلح اللي درته مش هنقدر انا كنت السبب في كل اللي انتي فيه انا اصلا منستهالكيش
غدي:حطت صبعها على فمة اششش خلاص مش مهم كيف اتكون بداية كل شخص فينا المهم كيف تكون النهاية وانت كل يوم تثبتلي انك تستاهلني وبجدارة 💗
هاشم:باهي وهلك وافقو؟
غدي:اممم مش بالضبط يعني هوا الموضوع صعب شوية الأسبوع اللي فات هذا كلة ونا نقنع فيهم ماما ها يعني بس يعقوب هوا اللي هنتعب معاه شوية بس هما بما انهم عرفو انه هذا قراري أكيد واثقين اني ماخذيتش عبثا
هاشم:بجد انا حاس روحي نحلم
غدي:حطت يدها على لحيته انا متأكدة اني لو برمت الدنيا مستحيل نلقا حد ايحبني كيفك ❤
هاشم:وانتي أحلى نعمة من ربي وأحلى عوض ربي كافئني بيه 💗
غدي:ضحكت ولفت ايديها على رقبته انظني توا انبطلو لعب عيال ومفروض انعيشو كيف الناس الطبيعية والعاقلة اوكي هيا مش عاقلة واجد بس على الأقل طبيعية
هاشم:ضحك ومسكها من خصرها وقربها منه يعني نقدر انقول انه من اليوم كيف بنبدو حياتنا ❤
غدي:اممم حاجة زي هك تقريبا عذبتك بما فيه الكفاية
هاشم:مش غير عذبتيني تي نعشقككك فاهمة
غدي:تحشمت حتى أنا
هاشم:العب يلا
غدي:هههه
هاشم:........
❤❤❤❤❤❤❤❤
