#مثلث_برمودا_الجزء_الثاني
الحلقة 8
بقلم PULSE
(BS.AM.YA)
ومهما كثرت حروب الأيام وليالينا الحزينه سنصل إلى مانستحقه في النهاية🖤
يعقوب:كان صوته يبكي
غدي:بدت ضربات قلبها اتزيد والخوف سيطر عليها
يعقوب:بفرحة مخلطة دموع مبروك يا اختي مبروك ياغدي وأخيرا طلع الحق وكل الناس عرفت انك بريئة وأشرف من كل واحد تلفظ بلسانه في سيرتك بالغلط مبروك
غدي:بصدمة شنو انت شن قاعد اتقول
يعقوب:عارف انك مزال مش مستوعبة بس حبيت انكون أول واحد انبشرك غدي انتي من اليوم حرة في أي مكان تمشيلة توا تقدري اتردي لحياتك الطبيعية خلاص
غدي:بلعت ريقها يعقوب مش وقت بصارتك فكني من الحركات
يعقوب:ضحك يا هبلة أين بصارة غير حلي نت بس كان مش مصدقة ولا أسئلي الجندي اللي عايشة معاه هذا امسكي امي قبل وهيا قريب اطيح من طولها
نادية:وهيا تبكي مبروك يابنيتي مبروك انا عارفة انك مستحيل اتوطي روسنا لو شن صار هذي تربيتي هذي بنتي توا تسكر لسان كل واحد قال عليكي كلمة تسيء في حقك
غدي:تسمع في أمها ومش مستوعبة شن قاعدين ايقولو لعند ما أمها سكرت وهيا مزال في حالة صدمة
هاشم:كان مصبي ومبتسم
غدي:بحتت فيه انت كنت عارف صاح
هاشم:ضحك وقرب منها مبروك ياغدي وحضنها عارف انك مزال مش مستوعبة بس خلاص بانت الحقيقة ربي استجاب لدعائك ❤
غدي:مسكت فيه بقوة وقعدت تبكي
هاشم:هشششش ضحك ليش لدموع توا ومسكها من يدها وقعمزها على السرير وقعمز جنبها
غدي:قعدت تضحك من بين دموعها يعني جد انا توا خلاص بنرد لحياتي من قبل معش فيه خوف وهروب ولا عصابات يعني انا رديت كيف ما كانت الناس تعرفني قبل
هاشم:يمسح في دموعها اها أكيد وكل المواقع اللي نشرت حجات في ضدك بحتي توا شن كاتبين انا كنت عارف انه هذا اللي بيصير أصلا انتي بنت مفيش كيفك مؤدبةوعاقلة ومؤمنه بالله ومش مقصرة حتى معايا اللي انا مفروض سبب كل العذاب اللي مريتي بيه
غدي:هزت رأسها بمعنى لا مفيش راجل ايكون سبب في تعاسة مرته اوكي هوا فيه بس انا لعند توا مشفتش منك الا كل خير انت أول واحد انشاركة فرحتي
هاشم:عيونه يلمعو وهوا يدوي معاها انتمنى انكون ديما أول واحد اتشاركيني فيه فرحك وحزنك وهيا توا صبي بنطلعو
غدي:وين بنطلعو توا؟
هاشم:بنحتفلو شنو حاجة كيف هذي انفوتوها بعدين انا اصلا ظالمك في موضوع لطلوع هذا بشغلي هيا كلمة
غدي:ضحكت مجنون بس توا في حاجة ضروري انديرها قبل
هاشم:باستغراب شنو؟
غدي صبت ولبست ملاية الصلاة وقعدت تسجد وتشكر في ربها اللي كان عند حسن ظنها بيه فعلا ربي رحيم بعبادة❤
هاشم:كان يتفرج عليها بإعجاب على قد ماكان فرحان لفرحها على قد ماكان خايف انها تسيبة خلاص لأنه معش قعد فيه حاجة بش تقعد معاه و هوا حاس انه خلاص معش يقدر انه ايفارقها
خلينا انردو لاورة شوية ونعرفو شن اللي صار بالضبط
في المستشفى
أدم:الحمد على السلامة
حازم:بصوت تاعب الله يسلمك انت اللي جبتني هنا صح
أدم:هز راسة بمعنى اها و هوا كان في كلام بيقولة بس مش عارف شن ايقول بالضبط
حازم:تنهد انا عارف انت شن تبي مني
أدم:كيف؟
حازم:لو سمحت كلملي الدكتور وخليه يستدعي باقي الدكاترة وكلمو الشرطة
أدم:ممكن نفهم باهي انت حالتك مزال مش مستقرة
حازم:دير اللي قتلك عليه بس لو سمحت
عدا أدم وهوا مستغرب طلب حازم وفي نفس الوقت حس انه قرب من اللي يبي يوصلة ودار كيف ماقالة وتجمعو في غرفة حازم
الشرطي:خير يا استاذ حازم عندك أقوال عن الشخص اللي تسببلك في الإصابة
حازم:عندي أقوال على شخص انا تسببتلة بالإصابة الدكتورة غدي أحمد انا السبب في كل اللي هيا فيه توا وبدأ يدوي اللي صار
والدكاترة والشرطة كانو مصدومين من كلامة
الشرطي:يعني انت تعترف انك السبب في اتهام الدكتورة غدي بالهروب معا عصابة مثلث برمودا كذب وانه هيا كانت مخطوفة والممرضة يقين كانت شريكتك في القصة
خازم:لأ يقين كانت وسيلة بش نوصل للي أنا نبيه أصلا تواصلت معاها وأوهمتها اني انحبها وطبعا كنت عارف كل حاجة عن الدكتورة معا من تقعد من اللي يحبها من اللي معاه معاها عداوة وهكذا وكنت عارف انه في بينها وبين يقين خلافات واستغليت الشي هذا في صالحي وقعدت نلعب بعقلها انه حتى أنا بننتقم منها لسبب ونحنا لثنين نتعاونو على الشي هذا رغم انها رفضت بس انا هددتها انها لو مدارتش اللي انقوللها عليه بنسيبها
