#مثلث_برمودا
الحلقة 16
بقلم PULSE
(Bs.Am.Ya)
المجهول:انتي اللي دخلتي المعركة هذي ضروري اتكمليها للآخر
يقين:مش هكي اتفقنا مش هكي 😭
المجهول:مدخلنيش بيك وهذا أخر تنبيه لكي
_______________________
عند مثلث برمودا
غدي من لما خشت دارها معش طلعت كانت متوترة اتفكر في الكلام اللي هاشم قالة هل هوا فعلا صادق فيه ولا لأنه مكانش في وعية ونوح اللي نظراته الها فاضحته كانت خايفة انها تفسد صداقتهم وهتبدا حرب جديدة صعب الخروج منها بدون ضحايا متبيش تقعد ذكرة سيئة في حياة حد ضروري تمشي من هنا في أسرع وقت وقعدت تدعي انه يعقوب يعرف يوصل فيها بسرعة حتى لو مطلعتش برائتها بس قعدتها هنا لها مخاطر أكبر ووسط أفكارها اللي مش عارفة كيف توصل لحل رقدت لأنها مرقدتش كويس الليلة اللي قبلها
هاشم اللي كان يفكر في الكلام اللي قالة لغدي وهوا مش في وعية بس اللي قالة كان واقع مش كذب لكن هاشم ديما ايكابر على مشاعرة وانه كيف يعترفلها بالشكل هذا
نوح اللي كان مقرر انه في الأيام الجاية بيغير حياته كلها بيبدا صفحة جديدة بش إيليق بانه غدي اتكون معاه وكان مقرر انه بيسيب شغلة هذا ويبدأ حياة جديدة وشغل وفلوس حلال وايصلي ويسافر هوا وغدي بعد مايتزوجها وبيسيب الشغل هذا معا رماح وهاشم وهوا كان متمني انه يعوض حياته اللي فاتت حياته اللي عاشها وحيد معا غدي بس هوا للأسف مش عارف شن اللي قاعد ينتظرة بعدين 💔
رماح اللي حاير مش عارف يلقى حل انه صحابة لثنين ايحبو نفس البنت في حرب هتشتعل قريبا لو متداركش الموضوع هل يقول لغدي ولا كيف بيقنعهم كان موضوع صعب وخصوصا انه هما لثنين صحابة وهما لثنين عانو في حياتهم قبل
بقلمي PULSE
(BS.AM.YA)
في العشية غدي ناضت توضت وصلت العصر ولفت وشاحها مكنتش ناوية تطلع بس قالت تلقي نظرة كانت متشوقة تبي تعرف شن قصة وعد اللي حبها خلى رماح يبكي في ذكرى وفاتها كأنه أول يوم مش مار عليه سنين طلعت بشوية كان الحوش هدوء وشكلة فاضي بس الباب مفتوح طلعت رأسها شافت رماح ويلعب في فونه مش مركز على حد مشتلة
غدي:السلام عليكم
رماح:رفع راسة بعد سمع صوتها وعليكم السلام
غدي:كيف صار شايفتك مكسد
رماح:والله قيلت شوية نضت ملقيتش حد طلعت هنا نشم نفس نكره الحبس في لديار
غدي:اممم نفس الجو باهي توا توا تحكيلي قصة وعد من أمس ونا نرجى فيها بليييز
رماح:ههه باهي خلاص وانتي قريب تموتي تنهد صلي على النبي
غدي:عليه أفضل الصلاة والسلام
رماح:القصة تبدأ من لما وعد كانت تجي كل فترة للمستشفى بش تاخذ ابرة اتخص علاجها وعد كان عندها مرض في الكبد وانا كنت ممرض في المستشفى
وقعد يذكر
وعد كانت تعيط بصوت عالي
وعد:لاااااا حولن عنييي يامجرماااااات توجعن فيااا منبيكنش منبيش الابرة
الممرضة:اسكتي ضروري تاخذيها وانتي كيف لعيال لصغار علشان صحتك ولا صحتنا تاخذي فيها
وعد:كذااابة تعطي فيها واعرة كل مرة يدي تلتهب مكان الابرة وتقعد توجع فيا انتي متعرفيش تشتغلي
الممرضة:بعصبية عزقت الابرة والله ماني عطيتها لكي الابرة تعديتي حدودك في الدوة دوري من ايتحملك ويعطيها لكي وطلعت متنرفزة
كان وقتها رماح ماشي في الممر وشافهة وهيا طالعة متعصبة وراقيتلها
رماح:له له له شن فيه خير كنها حواجبك قريب ادير حادث 🤣
الممرضة:بعصبية رماح والله مارايقتلك ولا رايقة لحناطتك اوكي
رماح:غير شن فيه بس بلكي انساعد عارفتيني خدوم
الممرضة:البنت الممسوسة هذي اللي كل ماتجي المستشفى تقلبها بصوتها متبيش تاخذ الابرة قهرتني وهيا تهين فيا ونا ساكته على مامسكناها نا والممرضات شي حالة وربي يحطوها في الأمراض العقلية خير
رماح:وهوا يضحك قصدك الصوت اللي من بدري هذا منها قبل نحسابها حالة ولادة قلت شن هالعيل دمنقلة كبير تعب امه 😂🤣
الممرضة:مفيش فايدة فيك 😒
رماح:توا شن صار عطيتوها الابرة ولا لا
الممرضة:عنجد نعطيها بعد هذا كلة
رماح:غبية انتي كيف بتخليها ترخي روحها بش تعطيها الابرة وانتي تدوي معاها بأسلوبك هذا وجايبة الممرضات يمسكوها أخرى وانتي يدك كيف لتربنو اصلا صدقت فيك البنت
الممرضة:تعقدت منه كرا امشي عطيها انت ووريني شطارتك
الدكتور:رماااااح
رماح:نعم دكتور
رماح:في مريضة عندها إبرة تعال بش تعطيها
رماح:هيا هي
الممرضة:اهو شفت محد يبي يبزلها الابرة دفوها فيك ورينا شن بدير
رماح:انوريك بعدها حط يدة على لحيته كم عمرها هيا
الممرضة:مش عارف بلكي عشرين سنه بس تصرفاتها اتقول بنت عمرها خمس سنين😒
رماح:غمز طرف؟
الممرضة:اععع مقبلتهاش بكل ورافعة خشمها
رماح:هي سلام وياريت تتفرجي و تشوفي الشغل كيف
الممرضة قلبت وجها 😒
