#مثلث_برمودا_الجزء_الثاني
الحلقة 6
بقلم PULSE
(BS.AM.YA)
هاشم:خلاص حولتها بس تريحي انتي وجا بيصبي بس غدي مسكت في يدة وهوا تفاجأ من حركتها
غدي:خليك
هاشم:ها بعدها فطن انه هيا راقدة ومش فاطنه شن قاعدة تدوي ضحك وجا جنبها
صباح اليوم التالي🌤
هاشم:فتح عيونه وشاف غدي اللي راقدة جنبة وكانت قريبة منه وماسكة في يده ابتسم وكان حاس بشعور حلو لأنه هذي أول مرة اينوض واتكون هيا أول حاجة ايشوفها تمنى انه كل الأيام اتكون هكي ضغط على يدها ولمس وجها كانت حرارتها منخفضة قرب منها وباس عيونها وبعد حس انها بتنوض رجع مكانه ودار روحة راقد 😂
غدي:فتحت عيونها اااه راسي بعدها فنصت بعد شافت هاشم جنبها وهيا ماسكة في يدة كأنه بيهرب منها 😂 قعمزت بسرعة حيي شن صار أمس مش مذكرة شي
هاشم:دار روحة كان راقد نضتي صباح الخير
غدي:مرتبكة انت قصدي شن صار أمس مش مذكرة انا شي 😥
هاشم:كنك ياغدي معقولة مش مذكرة شن صار أمس
غدي:هاشم شن قصدك انا مذكرة اني كنت مريضة وحرارتي عالية وانت كنت حاطلي كمادات هذا اللي مذكرته
هاشم:قعمز صاح وبعدها مسكتي في يدي وقلتي هاشم خليك جنبي متسيبنيش
غدي:فنصت أنا
هاشم:وهوا يضحك لا جدي هيا صبي بنشيلك المستشفى انعاينك
غدي:هاشم مفيش داعي لهذا كلة مستشفى شنو مش أول مرة ناخذ برد
هاشم:والله وبعد تكلمي أمك وتلقاك مريضة اتقول هاشم محافظش على بنتي انتي امانه عندي هيا صبي
غدي:شن تخرط انت يعني بجوك انت نمرض
هاشم:كلة لأنك مجففتيش شعرك يومها
غدي:هاشم خلاص عاد منيش بنت صغيرة
هاشم:باهي غير صبي في مفاجأة أخرى ومتناقشينش نرجى فيك
غدي:بنفاذ صبر ياربييي نزل عليا الصبر
_________________
في المستشفى
سحاب كانت تمشي معا رماح
سحاب:سمعت انه كان عندكم عملية مهمة اليوم
رماح:اها والله انا مش ععارف انتو الدكاترة كيف يعني انا وفيه ممرضة أخرى ودكتورين موضوع صعب الصراحة ويبي تركيز
سحاب:مش عارفة أمتى يكملن هالسنتين بش انتخرج
رماح:بتسيبي المستشفى هنا
سحاب:مش عارفة بس أكيد هنرد لهلي يعني
رماح:انتي من سماك سحاب
سحاب:ضحكت بابا ليش
رماح:أول مرة نسمع بيه
سحاب:باهي حلو ولا شين
رماح:Güzal(جميل)
سحاب:Teşkkür ederm(شكرا جزيلا) مرة سألته ليش سميتني سحاب قالي بش تكوني عالية وبعيدة ههه
رماح:هه عندة وجهة نظر
الرواية بقلمي PULSE
في السيارة
غدي:باهي مش ناوي اتقولي شن هيا المفاجأة
هاشم:خلاص بعد نوصلو تعرفي
غدي:قلبت وجها بارد
هاشم:ضحك ومردش عليها
وبعد وصلو قدام المستشفى
رماح:رن تلفونه أيوة
هاشم:نحنا وصلنا
رماح:تمام وسكر منه تعالي بنعرفك على أقاربي
سحاب:أقاربك؟
رماح:صاحبي ومراته
سحاب:ليبيين
رماح: Evet(نعم)
غدي خاشة معا هاشم المستشفى
غدي:انا مش فاهمة دكتورة ماشية لدكتور بدال مانعالج نمشي انتعالج
هاشم:اششش خلاص انتي دكتورة في مجالك
