#مثلث_برمودا
الحلقة 13
بقلم PULSE
(Bs.Am.Ya)
ظَننتُ أَنَّ فُراقكِ مُجردُ حُلم 💔كابوس وَهم شَيء سَينتهي وأَعود أراكِ أمامي لكني أيقنت أَنَّنِي في وَاقِعْ وأَنَّكِ فِعلا ًفَارَقْتِ الحَيَاة ولَكِنَّكِ أبدا لم تُفارِقِي قَلبي الذي مَلأتِهِ بِحُبِّك وتركتيهِ وحيدا لن يُغنيني عنكِ أحد ولن يَأْخُذَ مَكَانُك ِفي قَلبي أحَد أحببتُك وسَأظل أُحِبُك حتى يشاء الله أن يجمعني بكِ في الجنه💔
رماح وهوا يبكي
رماح:ماتت ياهاشم مااااتت وهيا بين ايديا مش قادر ننسى مش قااادر 💔
غدي:تسمع فيه شن ايقول ومصدومة
هاشم:عيونه دمعت من بكا صاحبة ادعيلها هيا خلاص مش قاعدة انت لو تحبها مديرش في روحك هك انت هك تعذب فيها
رماح:منزل راسة ومغمض عيونه بقوة وكانت دموعة تنزل مرايف عليها مرايف عليها ياصاحبي انا كل يوم نحبها وكل يوم مذكرها وكل يوم مرايف عليها بس اليوم هذا مزال محفور في ذاكرتي ماتت ومعرفتش انديرلها شي
هاشم:هذا قضاء الله وقدره يارماح شن كان في يدك ادير متقعدش اتذنب في روحك هكي انت ما ذنبك شي
رماح:قعد يمسح في دموعه بنمشيلها بنمشيلها توا
هاشم:هز راسة بمعنى تمام
وطلع رماح
أما غدي اللي كانت مصدومة ردت لدارها وتقريبا فهمت القصة تنكدت ووجعها رماح بكل
أما نوح اللي كان في دارة مش قادر ايشوف صاحبة وهوا في الحالة هذي كان يضرب في كيس الملاكمة اللي معلق في السقف بقوة ايحط فيه غضبة العرق ينزل من وجها دموعة مش قادر يمسكهن وهوا يسمع في صوت صاحبة يبكي يبكي على فراق حبيبته اللي رسم معاها مستقبلة مكانش نوح قادر ايواجه رماح وهوا في الحالة هذي 💔
_________________
محمد كان سارح لين خبطه يعقوب زنقيرة 😂
يعقوب:في من هايم
محمد:ضحك وحك راسة لا شي
يعقوب:غمزلة عليا نا قول قول من هيا متخافش السر كان طلع من 75 واحد معش يقعد سر
محمد:هههههه عنشكلك وشن عرفك انت في من انفكر
يعقوب:أكيد مش هايم في امك ولا اختك يعني
محمد:يعقوب كان دسيت عليك موضوع وانت عرفته بعدين بتزعل مني؟
يعقوب:شن جو الراجل اللي يخون في مراته هذا 😂
محمد:بتقعد طول عمرك تافه كان خذيت شوية من عقالة غدي
يعقوب:انا مش تافه لدرجة هذي بس سبحان الله أول مانشوف وجك تنزل عليا التفاهة هك من ربي
محمد :هههه المشكلة اني منعرفش نقعد معا غيرك
يعقوب:وخر شعرة لاورة جذاب بسلامتي 😌
محمد:مش طبيعي انت😂
بقلمي PULSE
______________
في المستشفى
أدم ايراقب في يقين من بعيد اللي باين عليها التوتر والخوف
منذر (واحد يشتغل في الكافيتيريا):أدم ااااادم
أدم:ها ها كنك ازحح
منذر:وين عقلك يارا من بدري انكلم فيك
أدم:يقين هذ مش متريحلها
منذر:برفعة حاجب كيف شن قصدك؟
أدم:هك حاس في وراها موضوع مش عارف ليش حاس انه هيا ورا اختفاء غدي
منذر:قصدك مصدق انها مخطوفة
أدم:بعصبية مفيش حاجة غير هك أصلا بعدين غدي معروفة بأخلاقها قدام المستشفى كلها وهيجي يوم وايبان الحق ونا متأكد انها مش هاربة 🔥
منذر:باهي وسع بالك خلينا في الشغل توا
أدم:قعد يشتغل وهوا يراقب في حركات يقين المتوترة
