#مثلث_برمودا
الحلقة7
بقلمي PuLse
(BS.AM.YA)
هاشم حس بكتف مال عليه بحت جنبه لقاها غدي❤
كان يبي يهز كتفة ويبعدها بس كان باين عليها التعب والإرهاق خلاها راقدة مرة مرة اتجي عينه عليها وهيا راسها على كتفه كان حجمها صغير قدامه كان كأنه وضع جديد عليه هوا فعلا شغلهم الصعب ميقابلوش فيه بنات ولا اصلا هوا ايعدل عليهن بس كانت ملامحها الطفولية عيونها لمغمضات فمها لصغير ملفت وجذاب في نفس الوقت انه حد ايتمعن فيه
في مركز الشرطة
سيف خبط بيدة على الطاولة بقوة لين كل حاجة طاحت
سيف:كيف ملهمش أثر في أي مكان تقريبا مفيش طريق إلا ودزينا فيه دورية المطارات مفيش حد منهم طلع كيف بيهربو يعني ضروري نمسكوهم في أقرب وقت اقسم بالله اتكون نهايتكم على يدي يا مثلث برمودا أما انتي ياغدي لكي حساب آخر
وهما في الطريق شكلة كان في مطب عالي زقبت من فوقة الشاحنة
نوح ورماح ناضو من قوة المطب أما غدي طاحت في حضن هاشم😅
هاشم:فنص عيونه ومسكها بيدة وبعدها
أما هيا شكلها نسيت وين كانت أصلا فتحت عيونها على الاخير بعدها اذكرت هيا وين وشن صاير
نوح:اوففف كنها الطريق طولت المرة هذي
غدي:حطت يدها على راسها شكلي غفيت من التعب
هاشم ساكت وقالب وجها
رماح يفرك في عيونه ويثاوب عليك حالة لغبي يوسف هذ ملقاش إلا هذي ايحطنا فيها الواحد مش عارف حتى ياخذ راحته في التقعميز انت يدك بروحها واخذة مكان صاح يدك 😨
نوح:باستغراب كنها؟
رماح:بحت فيها تنزف
غدي بحتت فيها
غدي:الجرح قاعد ينزف ضروري انغير الشاش هذا مش جايب معاك عدة الجراحة
رماح:خبط بيدة على راسة اووو نسيته بكل
هاشم:كيف تنسى حاجة كيف هذي وقتك توا
رماح:مش كل حاجة بنذكرها بروحي ماهو انت مادرت شي فكنا عاد متقعدش اتهزب كل حاجة ديما على راسي
نوح حاط يدة على الجرح وقاعد ينزف
هاشم:يعني بنخلوه ينزف مثلا لين نوصلو مزال الطريق أقل شي هذا نص ساعة أخرى
غدي:خلاص خلاص تو نصرف
كلهم بحتو فيها
رماح:شن بديري
غدي جت عينها على جاكت هاشم كان طربوشها كبير
غدي:عطيني جاكتك
هاشم:نعممم
غدي:مش تبوني نصرف ومفش معانا شاش ولا أي حاجة عطيني جاكتك وتو نصرف
رماح:بس كيف الجاكة جلد كيف بديريلة بيه؟
غدي: بحتت فيه بنص عين نعرف شغلي هيا بس عطيني الجرح قاعد ينزف بسرعة
هاشم حول جاكته ومدها لها وهوا مستغرب من طلبها عدت لبستها
الثلاثة ايبحتو في بعضهم باستغراب بمعنى هذي شن بدير
بقلم PULSE
(BS.AM.YA)
غدي لبست الجاكة وحطت الطربوش
رماح:What
نوح وهاشم:😳😳
غدي سحبت الوشاح من تحت الطربوش لأنه كان طويل وقربت من نوح وحولت الشاش اللي معبي دم وخذت الوشاح وقعدت تبرم فيه على الجرح
نوح ورماح وهاشم مصدومين من حركتها
غدي كملت وبعدت من عليه
غدي:تنهدت ومسحت على جبهتها هكي تمام انشالله ايتحمل لين نوصلو ونديرلك راي بس خليه توا هكي
نوح:كان سارح فيها ها اه تمام صحيتي
غدي ردت قعمزت مكانها بنفس وضعيتها اتفكر زعما امها توا شن ادير كيف حالها كان قلبها يغلي ناااار 🔥
